Málkus 13:9 - Esaa-líat ɛ́ péná

⁹ Ndí ɓɛ́nɛ, nyɔŋán lítāt. Bíg kɛ ɓɛ́nɛ li kɛla á ndáá-bíkāāhɛ́nɛ́, Miníg ɓomɓɛ á ndáá-míɓomán. Bí kɛ́la ɓɛ́nɛ ɔ́sū ví migɔ́mna micɛ́ŋ la ɔ́sū ví káísa ányúū yáma; jɔ́ nɛ́ miníg kɛ li ɓɛ́ lí mbóŋ yáma ɔ́sū váɓá,

Málkus 13:9 ပူးပေါင်းရင်းမြစ်များ

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Málkus 1:44

ɔ ɓéhyɛ́ nyɛ nɛ́: «Wa nyɔ́ŋ, ɔh laglág ɓé tɔ mut náŋ, ndí, kɛ̄n étɛ̄ nyuú yɔ́ɔ, ǹtíi-nsúlé, ámbúh náŋ ɔ tí likaale ányúū mbólí nyuú wa kūh, likɔlɓan la bitɛ́ɛ́yɛ́nɛ́ bí Móse. Náŋ ag kɛ ɓɔ́ li ɓɛ́ lí ndembye.»

Málkus 13:5

Yésus ɔ ɓōtlé ɓɔ́ li laga nɛ́: «Nyɔŋán lítāt nɛ tɔ mut ah yɛ́ɛ́kɛ́gɛ́ ɓé ɓɛ́nɛ.

Málkus 13:8

Jé lilóm líg kɛ li duhɛ lí jéŋé, yé ékombo ki ɛ́ dúhɛ̄ yéŋé. Á míkāh mí ŋkɔŋ-á-sí má, sí ɛg kɛ li póghan, nzal ecɛ́ŋ ɛg kɛ li ɓɛ́; váŋ nɛ́ a ŋga kɛ́ li ɓɛ́ lí míɓōtlé mí esɔghe yé ábyāl.

Málkus 6:11

Kíyáɓɛ́nɛ ɓot ɓá ɓen ɓɛ́nɛ li lɛ́gle voóm tɔ li ámble, á míɓógo máná, kután líbūlú lí míkoo máná, náŋ ag kɛ ɓɔ́ li yégle ákaa ndembye eɓé.»

Lúkas 9:5

Kí ɓot ɓáh lɛ́gle ɓé ɓɛ́nɛ ápah miní ŋga pám, á míɓógo máná mí nyíŋ tísɔn, kután líbūlú lí míkoo máná: náŋ nɛ́ a ŋga ɓɛ́ mbóŋ ɛ ŋga kááhɛ ɓɔ́.»

Yohánɛs 15:20

Ɔ́ŋlán yé eɓaŋgá ma lága ɓɛ́nɛ nɛ́: ‹M̀ɓɔŋle a ŋgá loo ɓé ŋ̀kanʼyɛ wɛɛ́.› Kíyáɓɛ́nɛ ɓá váŋgɛ́ ma la ndeeŋgɛ, bíg kɛ ki ɓɛ́nɛ li váŋgɛ la ndeeŋgɛ. Kíyáɓɛ́nɛ ɓá óglé eɓaŋgá yáma, bíg kɛ ki li ógle lí ɛ́yānā.

Yohánɛs 16:2

Bíg kɛ ɓɛ́nɛ li duhu á ndáá-míɓomán, li loo náŋ, ŋgɛ́ŋ ɛg sɔ́, nyí mut a ŋga kɛ́ ɓɛ́nɛ li ól a ŋga kɛ́ li ɔ́ŋɔ́ nɛ́ ag tíi Ɔlolómɛ̄ nsúlé.

Misɔ́n mí Ɓáōmɓɛ 21:11

Ɛnɛ́ a kɔ́p ɓɛ́hɛ, ɔ nyɔ̄ŋ ŋgóli Póol, ɔ kág mɔ la mikoo mɛ́ɛ́ nyɛ́-mɛ̄n, la nyɛ́ ɔ yó nɛ: «Ámblán yé M̀búl Mpúán a ŋga lága: ‹Mut a byɛ́ɛ̄ nyí ŋgóli, nzɛ́ bí ŋga kɛ́ nyɛ́ lí kág ná á Yélūsalɛm la ɓɔɔ́n bí Élōg-Yúda, la ɓɔ́ bí yōg nyɛ́ á mɔ mí ɓot bí sē ɓé ɓɔ́ɔ̄n bí Élōg-Yúda!›»

Misɔ́n mí Ɓáōmɓɛ 7:54

Ɛnɛ́ ɓot bí ɔ́ku-vicɛ́ŋ-ví-bíkāāhɛ́nɛ́ ɓá ámblé bíŋ biɓaŋgá bí Étiɛn, liɓal lú ɓét ɓɔ, bú ɓōtlé lí dí lí mísoŋ.

Misɔ́n mí Ɓáōmɓɛ 9:16

Mā-mɛ̄n mag kɛ nyɛ́ lí étɛ lí ésɔghe ɛ́sɛ a ŋga kɛ́ li kuh ányúū joó jáma.»

Elōg-Fílípi 1:29

Ákaa ɛ́sɛ, Ɔlolómɛ̄ a tí ɓɛ́nɛ likaale nɛ́ miní yéɓé la Nyɔ́-a-Pɔ́hlɛ, ah jɔ́-ntámɛ́ ɓé ja, ndí la li sɔghe ányúū yɛ́ɛ̄ ki.

Elōg-Tésaloníka 2 1:5

Bíŋ bisɔghe la míŋ mitaka bíg étɛ̄ nɛ́ Ɔlolómɛ̄ ag kááhɛ á nyaa ɛ tɛ́ɛ́. Nsɛ́ŋ á míŋ mam á lɛ́ lí yaanɛ lí ɓɛ́nɛ ɓot bí kɔ́ɔ̄ la Ekombo Ɔ́lolómɛ̄, yé ɛ́ lɛ́ nɛ ányúū yɔ́ nɛ́ miní ŋga táka.

Yohánɛs 2 1:8

Nyɔŋán hɔ́ lítāt la ɓɛ́nɛ-mɛ̄n, á lí ɓɔŋ nɛ́ miníh jáŋɛ́gɛ́ ɓé mpumu nyú á mísɔ̄n máná, ndí miní somó jā lí kuh lí nsála wáná ásɛ.

Biyɛ́ɛ́léné 1:9

Ma Yohánɛs, mɔɔ́nɛ́sāŋ wáná, la mut waná a elɔŋ ɛ́ dúwɛ até a esɔghe. Mág mi lɛ mɔɔ́n ékombo yé Ɔlolómɛ̄, ma tiŋɓé la Yésus. Ɓá kɛ́ la ma á éon yé Pátmos ányúū nɛ ma lɛ̄gɛ́ Éɓaŋgá Ɔlolómɛ̄, la ányúū nɛ ma tí mbóŋ nyí Yésus.

Biyɛ́ɛ́léné 2:10

Ɔg kɛ li sɔghe, ndí ɔh kɔnɔ́g ɓé woŋ. Ɛ́n sig, á lí ceglɛ lí ɓɛ́nɛ, ǹsɔhɔ ag kɛ li vá lí jogo lí ɓot jáná á m̀ɓog; miníg kɛ li ɓɛ́la lí jóom lí alɔ́ lí míceglan. Tiŋɓé nɛ́-tɛ́ɛ la á nyɛmb, mag kɛ wa lí tíi lí ɔ́tot ví éniŋ.

Biyɛ́ɛ́léné 2:13

«Mag yí yóg yɔ́ɔ; váŋ nɛ́ Sátan a byɛ́ɛ̄ etɔɓé-líkanʼyɛ yɛ́ɛ́. Ndí ɔ átɛ la ma, wāh táŋɓan ɓé ŋyéɓé wɔ́ɔ ɔ byɛ́ɛ̄ la ma tɔ á eceg yé bí ólóó mbóŋ yáma nyí ɛ́ tɛ́ɛ́ nɛ́ Antípas, á yóg yaná, ápah Sátan a ŋga tɔ́ɓene.