Málkus 13:27 - Esaa-líat ɛ́ péná

²⁷ Ag kɛ li óm lí áŋgɛl, a kómánɛ ɛɓɛ́ɛ́ a pɔ́hɔ á míkāh mínáa mí ŋkɔŋ-á-sí, li ɓotle á jé lisúg li pám á jéŋé.»

Málkus 13:27 ပူးပေါင်းရင်းမြစ်များ

Matéus 12:42

Á ɔ́lɔ̄ ví ŋkál, káísa mindígá, nyí ekombo yé lɛ́ á ŋkɛɛ á Íslāɛl, ɛg kɛ li tɛ́lɛ la nyí nyɔŋɔn á lí kuɛhɛ lí yɔ ŋkál, átɔm nɛ́ ya sɔ́lé á ékombo énɛŋɛ́ á lí ámble lí bíɓaŋgá bí peg bí Salómo. Yíán hɔ́ nɛ, mut a lɛ vá nyɔ́ a ŋga lōo Salómo.»

Matéus 13:41

Mɔɔ́n mut ag kɛ li óm lí áŋgɛl yɛ́ɛ́, nɛ́ ɛ́ kómánɛ yé ɛ́sɛ ɛ́ ŋga kuɛhɛ ɓot á míceglan, la ɓot bísɛ bí ŋga ɓɔ̄ŋ aɓé, á lí pámɛ lí ɓɔ á Ékombo yɛ́ɛ́,

Matéus 13:49

Náŋ nɛ́ ɛ́ ŋga kɛ́ li ɓɛ́ á lísūg lí sí. Áŋgɛl ɛ́g kɛ li sɔ́ á lí ɓága lí ɓot ɓaɓé la ɓá bí tɛ́ɛ́ sim.

Matéus 24:22

Ki ɓɔ̄ŋ nɛ́ Ɔlolómɛ̄ ah tunɓɛgɛ ɓé nyúŋ alɔ́, kí mut tɔ wa a ŋgá kɛ ɓé lí niŋ; ndí ányúū ɓot a pɔ́hɔ nɛ́ a ŋga kɛ́ li tunɓɛ lí nyúŋ alɔ́.

Matéus 24:24

Ákaa ɛ́sɛ, mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á lí ɓɔŋ lí mínɛ̄ŋ la binanaŋga bí mam, á lí jáŋɛ lí ɓot, kí ɓɔ̄ŋ nɛ́ bí ŋga lā, kí bí ŋga jáŋɛ ki ɓá Ɔlolómɛ̄ a pɔ́hɔ.

Matéus 24:31

Eceg m̀ɓáláŋ á nséɓá á ŋga kɛ́ li ɔ́ŋ, ag kɛ li óm lí áŋgɛl yɛ́ɛ́ á míkāh mínáa mí ŋkɔŋ-á-sí, li ɓotle á jé lisúg li pám á jéŋé, ɛ́g kɛ li komanɛ lí ɛ́ɓɛ̄ɛ̄ a pɔ́hɔ.

Málkus 13:20

Ki ɓɔŋ nɛ́ Nyɔ́ŋ-Ɛsáŋɛ́ ah tunɓɛgɛ ɓé nyúŋ alɔ́, kí mut tɔ wa a ŋgá kɛ ɓé li véé; ndí ányúū ɓot a pɔ́hɔ nɛ́ a tūnɓɛ́ nyúŋ alɔ́.

Málkus 13:22

Mipɔ̄hlɛ́gɛ mí ɓot-bí-mínaa la ɓapɔ́tle-bí-Ɔ́lolómɛ̄ bí mínaa, bíg kɛ li tɛ́lɛ á li ɓɔŋ lí minɛ́ŋ la binanaŋga bí mam á li jáŋɛ lí ɓot, kí ɓɔ̄ŋ nɛ́ bí ŋga la, bí ŋga jáŋɛ ki ɓá Ɔlolómɛ̄ a pɔ́hɔ.

Málkus 13:28

«Ámblán nyí ŋget ya nyɔ̄ŋɓɛ́ la tín ɛ fígiya: eceg micáá mɛ́ɛ́ má ɓɔt, nzɔŋgɔ́ káá yá pámɛ, miníg lem ɓɛ́nɛ-mɛ̄n nɛ́ esee yá ɓóo.

Lúkas 16:22

Ámbúh náŋ ŋ̀yɛ́ɛ́yɛ́ɛ ɔ wú, la áŋgɛl yú ɓɛ́gɛ̄ nyɛ li kɛla á ŋgwáāg Áblaháam; m̀byaŋ-á-mut wɔ́g wú wú la wɔ́ wú jéɓɛ.

Lúkas 18:7

Ɓaá, Ɔlolómɛ̄ nyɛ́ a ŋgá kɛ ɓé lí tíi lí mbag nyí ɓot a pɔ́hɔ, ɓá bí ŋga lónle nyɛ́ díɓe la nzámuh é? Ɓaá, ag kɛ li bíŋhan lí lí óŋgánɛ lí ɓɔ é?

Yohánɛs 10:16

Mi byɛ́ɛ́ mitómbɛ́ mítām mí mí sē ɓé a nyí kɔ́tá, mɔ́g ma nyɛ́ɛ mɔ́ li sɔ́la, míg kɛ li ámble lí cíŋ yáma. La náŋ, liɓembá líg kɛ li ɓɛ́ lí já, ǹtát ki a ɓɛ́ wa.

Yohánɛs 11:52

Ah ányúū jɔ́-ntámɛ́ ɓé já, ndí á lí komanɛ lí ɓɔ́ɔ̄n bí Ɔlolómɛ̄ ɓá cámān pɛ́ɛ́ ɛsɛ̄ nɛ́ bí ɓɛ́ mut wa.

Elōg-Lóma 8:33

Nzáá a ŋga kɛ́ li la lí li sɔ́mánɛ lí ɓá Ɔlolómɛ̄ a pɔ́hɔ é? Tɔ mut, átɔm nɛ́ Ɔlolómɛ̄ nɛ a yáanɛ́ ɓɔ ɓá bí tɛ́ɛ́ sim!

Elōg-Kólóso 3:12

Kasig Ɔlolómɛ̄ a pɔ̄hɔ́ ɓɛ́nɛ, kasig miní lɛ́ ndog yɛ́ɛ̄, kasig miní lɛ́ bídidíŋɛ byɛ́ɛ́ bí ɓɔ́ɔ̄n, ɓɛ́án hɔ́ la m̀mím a ŋgɔ́ɔ́, ɓɛ́án la ediŋ, esuhɛ-nyuú, ewú-m̀mím, la eɔ́hánɛ.

Elōg-Tésaloníka 2 2:1

Á élōgyāŋ, biíg laga ɓɛ́nɛ likɔlɓan la misɔ́ mí Ɛtáŋɛ wahá Yésus Kilístus la ŋkomanɛ́ wāhá á ŋgwáāg yɛ́ɛ̄ nɛ́:

Timotéo 2 2:10

Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.

Pétlos 1 1:2

Etāa Ɔlolómɛ̄ a pɔ́hɔ̄ ɓɛ́nɛ li oŋle la bisúghɛ́nɛ́ a nyɔŋɔ́ɔ́ ɔ́sū ví eceg. Li kele la M̀búl Mpúán, a ɓāg ɓɛ́nɛ á lí ɓɔŋ nɛ́ miní óglé Yésus Kilístus, la ki nɛ́ micii mɛ́ɛ́ mí má kómɓɛ mí púɛ́ ɓɛ́nɛ. Ndómbo Ɔlolómɛ̄ la nsaŋ bí ɓɛ́ la ɓɛ́nɛ nlohanɛ́!