Málkus 12:15 - Esaa-líat ɛ́ péná

¹⁵ Ákaa Yésus a ŋgí yí nɛ́ bí lɛ́ ɔ́taɓa, a byɛ́la ɓɔ́ nɛ́: «Ányúū yéé miní ŋga ám ma é? Sɔ́án la ma épah ɛ́ kápa mi légɓé yɔ́.»

Málkus 12:15 ပူးပေါင်းရင်းမြစ်များ

Matéus 20:2

Ɔ ámblán la ɓaɓɔŋle nɛ́ ag sála ɓɔ́ épah ɛ́ kápa ányúū m̀bya á nsɔ́n, la nyɛ́ ɔ óm ɓɔ á ǹdíí wɛ́ɛ́.

Matéus 22:18

Ndí, kasig Yésus a ŋgí yí miɔ́ŋɔ miɓé máɓá, ɔ lágā ɓɔ nɛ́: «Á ɓot bí ɔtaɓa ɓá, ányúū yéé miní ŋga ám ma é?

Málkus 10:2

Váŋ nɛ́ jogo lí ɓot bí Élōg-Falísái ɓá sīŋglé nyɛ ɓɛɓɛ, bú bíhī nyɛ á li ám lí nyɛ nɛ́: «Ɓaá páam ɛ byɛ́ɛ́ kundɛ li duhu lí ŋ̀gáá wɛ́ɛ̄ é?»

Málkus 12:14

Váŋ nɛ́ ɓá sɔ́ li laga lí Yésus nɛ́: «Á Ŋ̀yéglɛ biíg yí nɛ́ ɔ lɛ mbálɛ, ɔ ŋgɔ́ mwáhɛ ɓé ki nɛ́ tɔ mut a dúmbɛ́ɛ wa. Ɔ ŋgɔ́ légɓe ɓé eɓɛ́lé yé ɓot ndí ɔg étɛ ɓɔ́ nzen nyí Ɔlolómɛ̄ átē á mbálɛ. Ɓaá ɛ́ lɛ́ kundɛ tɔ nɛ́ kɛ́m li sála lí táas á yóg káísa ecɛ́ŋ é? Ɓaá ɓa nyɛ́ɛ yɔ li sála tɔ nɛ́ kɛ́m é?»

Málkus 12:16

La ɓɔ bú sɔ́la nyɛ yá. Yésus ɔ ɓāt ɓɔ nɛ́: «Asú la joó lí nzáá bí lɛ́ múŋ é?» La ɓɔ́ bú pélē nyɛ nɛ́: «Bí káísa ecɛ́ŋ».

Lúkas 20:23

Ɛnɛ́ Yésus ɔ sɔ́ŋtánɛ nɛ́ ɔám víŋ, a byɛ́la ɓɔ nɛ́:

Yohánɛs 21:17

Á ŋgele ya yáhɛ ɛ́ŋháa, Yésus ɔ bíhī sīg-pɛ nyɛ́ nɛ́: «Á Símɔn, mɔɔ́n Yohánɛs, ɓaá ɔg diŋ ma é?» Pétlos ɔ súnan ányúū nɛ Yésus a bíhī nyɛ ŋgele ya yáhɛ ɛ́ŋháa nɛ́: «Ɓaá ɔg diŋ ma é?» La nyɛ́ ɔ tímānɛ̄ Yésus nɛ́: «Ɛtáŋɛ, wá nyɔ́ ɔ ŋgɔ yí mam mísɛ, ɔg yí m̀ɓɛɛŋ m̀ɓɛɛŋ nɛ́ mag diŋɛ wa.» Yésus aá la nyɛ nɛ́: «Táthán la mítōmbɛ́ máma.

Yohánɛs 8:6

Bí ŋgí pɔ́t náŋ la miɔ́ŋɔ nɛ́ bí ám nyɛ́ á mbele yɛ́ɛ̄, á lí ɓɔŋ nɛ́ bí sɔm nyɛ́ njɔm nyí li sɔ́mánɛ lí nyɛ. Váŋ nɛ́ Yésus a úlɓan, ɔ ɓōtlé lí cii á sí la ɔnu-ví-wɔ.

Misɔ́n mí Ɓáōmɓɛ 5:9

Váŋ nɛ́ Pétlos a tímānɛ̄ nyɛ nɛ́: «Nɛ́-láá wa la nlóm wɔ́ɔ maná ámblán á lí ceglɛ lí M̀búl á Nyɔ́ŋ-Ɛsáŋɛ́ é? Ámblé sig, ɓot bí mɓɛ́ lí je lí nlóm wɔ́ɔ bí lɛ́ ɓɛɓɛ, yí hɔ́ nɛ wág bíg kɛ́la wa.»

Elōg-Kɔlínto 1 10:9

Bih ceglɛ́gɛ́ ɓé tɔ ki Nyɔ́-a-Pɔ́hlɛ ákaa jogo á póla yaɓá lí ɓɔ̄ŋɔ́ɔ́, la nyɔ yú kɔ́ɔ́ ɓɔ, bú wú.

Elōg-Hébɛl 4:13

Eveglé tɔ yá ɛ́ sɔ́lɛ̄ á miíh mí Ɔlolómɛ̄ ɛ́ sē ɓé. Byoóm bísɛ bí áhɛ á miíh mɛ́ɛ́, ag ɛ́n jam sig kaa láá lí lɛ, biíg kɛ nyɛ́ lí tɛ́lɛ ɔ́sū á lí tíi lí nyɛ ndagle.

Biyɛ́ɛ́léné 2:23

Mag kɛ li ól lí ɓɔ́ɔ̄n ɓɛ́ɛ́; váŋ, Biɓasɛ bísɛ bíg kɛ li yí nɛ́ ma nɛ́ mi lɛ nyɔ́ a ŋga pígi miɔ́ŋɔ la kóó yí ɓot-bí-bínam; mag kɛ li sála lí mut waná sig li oŋle la misɔ́n mɛ́ɛ́.