Málkus 11:18 - Esaa-líat ɛ́ péná

¹⁸ Ɛnɛ́ ɓakanʼyɛ ɓatíi-nsúlé la ɓayí-mbéndá ɓá ámblé yé ya loo, bú ɓōtlé lí veg lí peg ákaa láá ɓá nyɛɛ́ lí ólhánɛ lí Yésus; átɔm nɛ́ bí ŋgí kɔn nyɛ́ woŋ, kasig limut lí ŋgí mɛmɛ nyɛ́ likɔlɓan la yé ɛ́sɛ a ŋgí yéglɛ.

Málkus 11:18 ပူးပေါင်းရင်းမြစ်များ

Matéus 21:15

Ɓakanʼyɛ ɓatíi-nsúlé la ɓayí-mbéndá bú álá, ɛnɛ́ ɓá ɛ́n bínanaŋga bí mam Yésus a sɔ́lé lí ɓɔŋ, bú ámblé ki kaa ɓá ɓɔɔ́n bí ŋgí lón múŋ á ndáá-ēcɛ́ŋ-Ɔlolómɛ̄ nɛ́: «Osána á Mɔ́ɔ̄n Dávid!»

Matéus 7:28

Ɛnɛ́ Yésus a manɛ́ ɓɔ́ li tíi lí bíŋ biyíhɛ́nɛ́, limut lísɛ lú nyág la liyéglɛ́gɛ jɛ́ɛ́,

Málkus 1:22

Ɓot bú nyág la liyéglɛ́gɛ jɛ́ɛ́, átɔm nɛ́ a ŋgí pɔ́t la ekíndo; a ŋgí yéglɛ ɓé ákaa ɓayí-mbéndá.

Málkus 11:32

Kɛ́m, bí sē ɓé ki nɛ́ ɓa cégē li laga nɛ́: Ɓot-bí-bínam.» Bí ŋgí laga náŋ ányúū nɛ́ bí ŋgí kɔn limut woŋ; kasig ɓot bísɛ bí ɓɛ́ɛ́la á m̀mú nɛ́ Yohánɛs a ɓɛ́ɛ́ taŋ m̀pɔ́tle-a-Ɔlolómɛ̄.

Málkus 12:12

Ɓakanʼyɛ ɓatíi-nsúlé la ɓayí-mbéndá bí ŋgí somo li byee lí Yésus ndí, bú kɔn límut woŋ. Átɔm nɛ́ bí sɔ́ŋtánɛ nɛ́ ányúū yaɓá nɛ a kánɛ víŋ ɔŋgaáŋgan. La ɓɔ́ bú yíg Yésus bú kɛ.

Málkus 3:6

Eceg ɓá pámléné muŋ á ndáá-miɓomán, ékūyá-kúyá ɓot bí Falísái la ɓot bí nlɔŋ á Élóde bú tɔ́ɔ̄ á émɔga á li ɔ́ŋɔ nɛ́ láá ɓá nyɛɛ́ li ólhánɛ lí Yésus.

Málkus 6:20

Átɔm nɛ́ Elóde a ŋgí kɔn Yohánɛs woŋ, ákaa a ŋgí yí nɛ́ nyɔ́ŋ a lɛ mut a tɛ́ɛ́ sim, nyɔ́-mpúán; a váá nyɛ́ á sí bitátlé byɛ́ɛ́. Elóde a ŋgí diŋ ag ámble Yohánɛs; ndí ɛnɛ́ a ámblé nyúŋ ŋkwɛl wɛ́ɛ́, a ŋgí yí ɓé pɛ yéé a nyɛ́ɛ li ɓɔŋ.

Lúkas 19:47

Ɔlɔ́ sig, Yésus a ŋgí yéglɛ á ndáá-ēcɛ́ŋ-Ɔlolómɛ̄. Ɓakanʼyɛ ɓatíi-nsúlé, ɓayí-mbéndá la ɓakanʼyɛ ékombo bí ŋgí somo nyɛ́ lí ól.

Lúkas 2:47

Ɓot bísɛ bí ŋgí ámble nyɛ́ ag pɔ́t, bú nyág la nlohanɛ́ wɛɛ́ a eyí ndí la mbele yɛ́ɛ́ ki.

Lúkas 20:19

Á ékūyá-kúyá ɓayí-mbéndá la ɓakanʼyɛ ɓatíi-nsúlé bú somó nyɛ li byee, átɔm nɛ́ bí sɔ́ŋtáánɛ nɛ́ ányúū yaɓá nɛ a kánɛ víŋ ɔŋgaáŋgan, ndí bú kɔn limut woŋ.

Lúkas 4:22

Ɓot bísɛ bí ŋgí tíi nyɛ́ mbóŋ élāām, bú nyág la biɓaŋgá bílāām bí ŋgí pámle nyɛ́ á ányu; ndí bíg laga nɛ́: «Ɓaá mɔɔ́n Yósɛp ɓé nyɔ́ é?»

Yohánɛs 7:1

Ámbúh náŋ, Yésus ɔ kóndyé lí wɛɛ á Galiléa. A ŋgí somo ɓé pɛ li wɛɛ á Yúdēa, átɔm nɛ́ ɓɔɔ́n bí Élōg-Yúda bí ŋgí somo nyɛ́ lí ólhánɛ.

Yohánɛs 7:19

Ɓaá, Móse ɓé nɛ́ a tíéé ɓɛ́nɛ mbéndá é? Ndí, mut tɔ wa á póla yaná a ŋgá wɛɛ ɓé kaa mbéndá ɛ ŋga lága, ányúū yéé hɔ́ miní ŋga sómo ma lí ólhánɛ é?»

Yohánɛs 7:46

Ɓatát bú pélē nɛ́: «M̀ɓá-mɓá, mut a ɓáág ŋgí lí pɔ́t kaa nyɔ́ mut.»

Misɔ́n mí Ɓáōmɓɛ 24:25

Ndí, kaa ŋkwɛl wáɓá a ŋgí kɛ ja á épah yé etɛ́l-sim, a lí yí lí lí ɔn lí nyúū la bikááhɛ́nɛ́ bí ŋga kɛ́ li sɔ́, náŋ ɔ téeŋgɛ́ gɔ́mna licɛ́ŋ Félis, la nyɛ́ ɔ lága Póol nɛ́: «Á nyí vɔ́ŋɔ́ɔ, tímān a ndáá-m̀ɓog, mag timan wa li yáŋa ǹdiyo ntám.»