Málkus 10:30 - Esaa-líat ɛ́ péná

³⁰ ndí āh kuh ɓé, elōgnyāŋ yé páam la yé ɓondígá, ɓanyaŋɛ́, ɓɔɔ́n la mindíí, elɔŋ la nlegtanɛ́ a ndutu ki, náŋ eɓógo ŋgele á yé eceg bi byɛ́ɛ́ vɔ́ŋɔ́ɔ. La nyɛ́ a kūh ki eniŋ éɓem á álɔ̄ á ŋga kɛ li sɔ́.

Málkus 10:30 ပူးပေါင်းရင်းမြစ်များ

Matéus 12:32

Tɔ nzáá a ŋga kɛ́ li pɔ́t á lí tɛ́ŋgánɛ lí Mɔ́ɔ̄n Mut, bíg kɛ nyɛ́ lí laakɛ; ndí, tɔ nzáá a ŋga pɔ́t á lí tɛ́ŋgánɛ lí M̀búl Mpúán, bí ŋgá kɛ ɓé nyɛ li laakɛ, vɔ́ŋɔ́ɔ tɔ á éceg ɛ́ ŋga kɛ́ li sɔ́.»

Matéus 13:8

Ndí mbóó ya tíile yu kū á élɔ́ŋgɔ sí, yu úm mítām, diíh já lú tí éɓōgo, jéŋé muúmísáama, jéŋé ki muúmíŋháa.»

Matéus 6:33

Somlán yágá líkanʼyɛ la etɛ́l-sim yé Ɔ́lolómɛ̄, míŋí mam mísɛ, bíg kɛ ɓɛ́nɛ mɔ́ lí kondye.

Lúkas 18:30

ag kɛ li kuh lí ŋgandag sīg-pɛ mú á yé eceg yé bi byɛɛ́, ndí á kuh ki eniŋ éɓem á eceg ɛ́ ŋga kɛ́ li sɔ́.»

Yohánɛs 10:23

Múŋ á yáli ɛ́ ndáá-ēcɛ́ŋ-Ɔlolómɛ̄, Yésus a ŋgí ɓét ag súh á líɓɛpɛ́ lí ŋga yáŋlɛ nɛ́ liɓɛpɛ́ lí Salómo.

Misɔ́n mí Ɓáōmɓɛ 14:22

Voóm sig, bí ŋgí letɛ ɓayége nyuú la li tíi lí ɓɔ mikúndá nɛ́ bí tiŋɓé á ŋyéɓé. Jɔ́ nɛ́ bí ŋgí laga ɓɔ́ nɛ́: «Ɛ́g somlɛ nɛ́ bi lōolé á ŋgandag bísɔghe á lí ɓɔŋ nɛ́ bi níŋgí á Ékombo Ɔ́lolómɛ̄.»

Misɔ́n mí Ɓáōmɓɛ 16:25

Ɓɛɓɛ la m̀mím-á-áū, Póol la Sílas, átē á mikánɛ, bí ŋgí lɔ́ŋghɛ́nɛ Ɔ́lolómɛ̄ ŋgoso, ɓáŋá ɓot-bí-míɓog ɓɔ́g bíg ámble ɓɔ́.

Misɔ́n mí Ɓáōmɓɛ 5:41

Ɓaómɓɛ bú ɓógó la mivag ɔ́sū ví ɔ́ku-vicɛ́ŋ-ví-bíkāāhɛ́nɛ́, nɛ́ Ɔlolómɛ̄ a ɛ́n nsɛ́ŋ nɛ bí téeŋgɛ́ ɓɔ́ á jóō lí Yésus.

Elōg-Lóma 5:3

Li loo náŋ ki, tɔ eceg bi lɛ átē a ndutu biíg yáta, ányúū nɛ́ biíg yí nɛ́ ndutu ɛg sɔ́la kɔkɔ.

Elōg-Lóma 6:23

La mbálɛ, nsála á áɓē á lɛ́ nyɛmb, ndí likaale Ɔlolómɛ̄ a ŋga tíi yɛmɛ́ lí lɛ́ éniŋ éɓem yé ɛ́ lɛ́léné á ŋ̀atanɛ́ la Yésus Kilístus, Ɛtáŋɛ wahá.

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Elōg-Fílípi 3:8

Ɔɔ, mag ɛ́n mam mísɛ yɛmɛ́ ányúū nɛ, li yí lí Yésus Kilístus Ɛtáŋɛ wama lá loohán lí ɓɛ́ lí élɔ́ŋgɔ jam. Ányúū yɛ́ɛ̄, ma ɓɔ́lán mam mísɛ, ndí mag ɛ́n jā mɔ́ mísɛ kaa bináán á lí ɓɔŋ nɛ́ mi tómbánɛ Nyɔ́-a-Pɔ́hlɛ,

Elōg-Tésaloníka 2 2:16

Ɔlolómɛ̄ Etāa wahá nyɔ́ a dīŋ ɓɛ́hɛ, á ékɔnan-ŋgɔ́ɔ́ yɛ́ɛ́, a sɔ́la ɓɛ́hɛ emɔ́mɛ yé éɓem, a tí ki ɓɛ́hɛ taŋ lipitá,

Timotéo 1 4:8

Ákaa ɛ́sɛ li sálhánɛ lí nyúū lí sē ɓé nsɛ́ŋ á jogo lí bíceg. Ndí li tiŋɓe la Ɔlolómɛ̄ lí lɛ́ nsɛ́ŋ ányúū mam mísɛ. La mbálɛ, li tiŋɓe la Ɔlolómɛ̄ lí byɛ́ɛ́ míkakanɛ mí éniŋ. Ɛ́ ɓɛ́ eniŋ yé lɛn, ɛ́ ɓɛ́ eniŋ ɛ́ ŋga kɛ́ li sɔ́.

Timotéo 1 6:6

Ɔɔ, li tiŋɓe la Ɔlolómɛ̄ lí lɛ́ nlohanɛ́ a abyaŋ ányúū ɓot bí ŋga kɔ̄n mivag la yé bí byɛ́ɛ̄.

Yákop 1:12

Misɔ́tá la mut a ŋga ɔ́hánɛ miceglan, ányúū nɛ ámbúh míŋ miceglan, ag kɛ li kuh lí ɔtot ví éniŋ, ví Ɔlolómɛ̄ a kákānɛ̄ ɓot bísɛ bí ŋga dīŋ nyɛ́.

Yákop 5:11

Ɛ́nán sig, biíg laga nɛ́: «Misɔ́tá la ɓáŋ bísɛ bí byɛ́ɛ̄ m̀ɓán!» Maná ámblé pɔ́l m̀ɓán á Híōb, munú ɛ́n ki yé Nyɔ́ŋ-Ɛsáŋɛ́ a ɓɔŋlé nyɛ á lísūg, átɔm nɛ́ Nyɔ́ŋ-Ɛsáŋɛ́ a yáhɛ la elɔ́ŋgɔ m̀mím, ag étɛ ki ekɔnan-ŋgɔ́ɔ́ yɛ́ɛ́.

Yohánɛs 1 2:25

Nyɛ́-mɛ̄n a ɓɔ̄ŋ ɓɛ́hɛ likakanɛ, jɔ́ nɛ́ lí lɛ́ éniŋ éɓem.

Yohánɛs 1 3:1

Léɓyán édiŋ ecɛ́ŋ Etāa a tí ɓɛ́hɛ kaa likaale, nɛ́ bi yáŋlɛ́ ɓɔɔ́n bí Ɔlolómɛ̄. Bi lɛ kɔɔ ɓɔ́! Kasig ŋkɔŋ-á-sí wáh yí ɓé Ɔlolómɛ̄, ányúū náŋ nɛ́ á ŋgá la ɓé ɓɛ́hɛ li yí.

Biyɛ́ɛ́léné 2:9

«Mag yí ésɔghe yɔ́ɔ la liyɛ́ɛ́ jɔ́ɔ, tɔ náŋ ákaa ɔ lɛ m̀byaŋ; mag yí mam bí ŋga ɓéeyɛ wa la ɓá bí ŋga sɛ̄gɓan nɛ́ bí lɛ́ ɓɔ́ɔ̄n bí Élōg-Yúda; ndom nɛ́ bí sē ɓé ɓɔ̄, bí lɛ́ ja ‹ɓot bí nlɔŋ á Sátan›.

Biyɛ́ɛ́léné 3:18

mag ééle wa nɛ́ ɔ sóm góol nyí nzáan ya púɛ á yóg yáma nɛ́ ɔ byáŋá, ɔ sóm ki bipúpúɛ bí mbɔ́tí ɔ ŋgɔ jál á lí ɓɔŋ nɛ́, ɔh wɛɛ́g ɓé nsɔ́ la ki nɛ́ ɔh kɔnɔ́g ɓé mbɔɔla; sóm ki ŋgɔɓé beéé ɔ ŋgɔ tɔ́nʼyɛ á miíh la wā ɔ tímān li ɛ́nan.