Málkus 1:34 - Esaa-líat ɛ́ péná

³⁴ Yésus ɔ tálá ŋgandag ɓakɔɔ́kɔ̄n bí patí ákɔn ɛ́sɛ, ɔ pámɛ́ ki ɓot mimbúl míɓē ŋgandag á nyúū, ndí a ŋgí mwahɛ ɓé mɔ́ nɛ́ mí pɔ́t, átɔm nɛ́ mí ŋgí yí nzáá a lɛ.

Málkus 1:34 ပူးပေါင်းရင်းမြစ်များ

Matéus 4:23

Yésus ɔ ɓōtlé lí wɛɛ á Galiléa ɛsɛ̄, ag yéglɛ á ndáá-míɓomán yáɓá; ag lɛgɛ Pɔ́l M̀ɓɛɛŋ nyí Likanʼyɛ lí Ɔ́lolómɛ̄, ag manɛ ɓot bí lílōm ákɔn ásɛ la jóō nɛ elɛ́m yé ɛ́ ɓɛ́ɛ́ ɓot á nyúū.

Matéus 4:24

Joó jɛ́ɛ́ lú cámān á ŋkɔŋ á Sília wɔ́ ásɛ; bú sɔ́la nyɛ́ ɓot bísɛ bí ŋgí sɔghe, ǹcógōg la patí ákɔn ɛ́sɛ la nyaa bísɔghe ɛ́sɛ. Ɓot bí ɓɛ́ɛ́la mimbúl míɓē, ɓá bí ŋgí kɔn ɔtí, la biɓóg, ɔ tɔ́ɔyɛ́ ɓɔ mbólí.

Málkus 1:25

Yésus ɔ kímɛ nyúŋ m̀búl m̀ɓé, a byɛ́la wɔ́ nɛ: «Lēg ányu, ɔ pám átē á nyɔ́ mut.»

Málkus 3:12

Ndí Yésus, ɔ ɓéhyɛ́ mɔ́ la enyááka nɛ́: «miníh yíhkɛ́gɛ́ ɓé ɓot nzáá mi lɛ.»

Lúkas 4:41

Mimbúl míɓē ki mú pám ŋgandag ɓot á nyúū míg tɛ́ɛ milón nɛ́: «Kɔɔ la mbálɛ ɔ lɛ̄ Mɔ́ɔ̄n Ɔlolómɛ̄!» Váŋ nɛ́ Yésus a kímɛ mɔ̄, ɔ súŋɛ̄ mɔ mpɔ́t, ányúū nɛ mí ŋgí yí nɛ́, nyɛ́ nɛ́ a lɛ Nyɔ́-a-Pɔ́hlɛ.