Ɔ lēgléné ɓɔ nɛ́: «Ɛ́g somlɛ nɛ́ Mɔɔ́n Mut a táká ŋgandag, nɛ́ ɓacɛ́ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bí táŋɓán nyɛ́; bí ólhánɛ nyɛ́, ndí a páhyé á ɔlɔ́ vá yáhɛ áŋháa.»
Li kele la ŋyéɓé nɛ Yósɛp, á lísūg lí éniŋ yɛ́ɛ́, a lagléé ɓɔ́ɔ̄n bí Íslāɛl nɛ́ bíg kɛ li ɓógo á Égípto, ɔ lágā ki ɓɔ́ ákaa bí ɓɔŋ la biveh byɛ́ɛ́ kí éceg yáɓá míɓógo yá kɔlan.
Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.
La ma mu pélē nyɛ nɛ́: «Ɛtáŋɛ, wa nɛ́ ɔ ŋgɔ yí!» Váŋ nɛ́ a lága hɔ́ ma nɛ́: «Bíg pámle á éceglɛ ecɛ́ŋ. Ɓá so mbɔ́tí yáɓá átē á micii mí mɔɔ́n ntómbɛ́, la ɓɔ́ bú púɛ́ yɔ.