Lúkas 9:28 - Esaa-líat ɛ́ péná

²⁸ Jam ákaa alɔ́ mwaam ámbúh nyúŋ ŋkwɛl, Yésus ɔ kɛ́ elɔŋ la Pétlos, Yohánɛs la Yákop, bú ɓét á ɔ́kolá vícɛ̄ŋ á míkánɛ.

Lúkas 9:28 ပူးပေါင်းရင်းမြစ်များ

Matéus 14:23

Ámbúh mikɛ mí jéŋ limut, ɔ kɛ̄ lí kánɛ á lóō lí ɔkolá á mɓagɓanɛ́. Tɛɛla á ébúg-lóō, a ɓɛ́ɛ́ váŋ nyɛ́-ntámɛ́.

Matéus 5:1

Eceg Yésus a ɛ́n ɔ́bul ví límut vú yálan, ɔ ɓét á lóō lí ɔ́kolá. Ɛnɛ́ a tɔ́ɔ̄, ɓayége ɓɛ́ɛ́ bú sīŋglé nyɛ á ŋgwáāg.

Málkus 1:35

Yésus ɔ tɛ́lɛ́ la miyɛ́ mí kítí, ɔ pám, ɔ kɛ́ á liɛ́g; ɔ ɓōtlé lí kánɛ wóŋ.

Málkus 6:46

Ɛnɛ́ a mánɛ jɔ́ li soɛ, ɔ ɓét á ɔ́kolá á míkánɛ.

Lúkas 3:21

Kasig ɓot bísɛ bí kuhúú nzoɓan, Yésus nyɛ́g ɔ kūh nzoɓan. Eceg a ŋgí kánɛ, lóō lú léglan,

Lúkas 5:16

La Yésus ɔ yíg ɓɔ, ɔ kɛ́ á míkánɛ enɛŋɛ́ á líɛ̄g ápah mut tɔ wa a sē ɓé.

Lúkas 6:12

Múŋ á nyúŋ alɔ́, Yésus ɔ ɓét á lóō lí ɔ́kolá á míkánɛ. La nyɛ́ ɔ lōɛ́ díɓe lísɛ á li kánɛ lí Ɔlolómɛ̄.

Lúkas 8:51

Ɛnɛ́ Yésus a pám á nlɛ́ɛ́, ah somo ɓé nɛ́ mut ntám á níŋgí elɔŋ la nyɛ́ amáh sig, Pétlos, Yohánɛs, Yákop, ɛsáŋɛ́ la nyaŋɛ́ á mɔɔ́n.

Lúkas 9:18

Ɔlɔ́ vá, Kasig Yésus a ŋgí kánɛ á mɓagɓanɛ́, ɓayége ɓɛ́ɛ́ bí ɓɛ́ɛ́ elɔŋ la nyɛ́. Váŋ nɛ́ a bíhī ɓɔ́ nɛ́: «Ɓot bíg yó nɛ́ mi lɛ nzáá é?»

Yohánɛs 6:3

Ányúū náŋ nɛ́ Yésus a ɓétéé á lóō lí ɔ́kolá, ɔ tɔ́ɔ̄ wóŋ la ɓayége ɓɛ́ɛ́.

Elōg-Kɔlínto 2 13:1

Á élōgyāŋ, ŋgele ya yáhɛ́ ɛ́ŋháa nyí nɛ́ mi ŋga sɔ́ wóŋ á yóg yāná. Joó nɛ ŋkwɛl ág kɛ li sɛ́mɓɛ kí ɓot bíɓáa tɔ bíŋháa bú tí mbóŋ yāɓá.

Elōg-Hébɛl 5:7

Nyɔ́-a-Pɔ́hlɛ nɛ́, á éniŋ yɛ́ɛ́ mú á sí vaŋgá, átē a ŋgandag mílōn la bíya, a kánɛ, ɔ ɓétɛ́ ki nzag á yóg mut a ŋgí la nyɛ́ lí suŋ á nyɛmb, la Ɔlolómɛ̄ ɔ yáhɛ́ nzag yɛ́ɛ́ ányúū esuhɛ-nyuú yɛ́ɛ́.

Pétlos 2 1:16

Ákaa ɛ́sɛ, aŋgaáŋgan ɓaá yí lí oŋanɛ, ah la wɔ́ ɓé nɛ ɓaá yíhɛ́ ɓɛ́nɛ nɛ́ Ɛtáŋɛ wahá Yésus Kilístus ag sɔ́ ŋyálāg la ŋguu, ndí ɓaá yíhɛ́ ɓɛ́nɛ nɛ́ ag sɔ́ ányúū nɛ miíh máhá má ɛ́n nyɛ́ átē a epaa yɛ́ɛ́ ɛ́sɛ.