Lúkas 8:14 - Esaa-líat ɛ́ péná

¹⁴ Sí nyí bikáá bíɓē bí bílɔ ápah mbóó ya ku, ɛ lɛ́ ɓá ɓot bí ŋga ámble eɓaŋgá Ɔ́lolómɛ̄, ndí mitaka, abyaŋ la mivag mí ŋkɔŋ-á-sí má lɛ̄ndánɛ́ ɓɔ́, ɓáh ólo ɓé nɛ́ ɓá wúm mítām.

Lúkas 8:14 ပူးပေါင်းရင်းမြစ်များ

Matéus 13:22

Mbóó ya ɓɛ̄lɓɛ́ á voóm á bikáá bí bílɔ, ɛ lɛ́ mut a ŋga ámblé eɓaŋgá Ɔ́lolómɛ̄, ndí mitaka mí ŋkɔŋ-á-sí la nsom á ábyaŋ ɓá lēgtánɛ́ yéŋ eɓaŋgá, yáh wúm ɓé mítām.

Málkus 4:19

mitaka mí ŋkɔŋ-á-sí, nsom á ábyaŋ bú lɛ̄ndánɛ́ ɓɔ́ la míŋí mam mísɛ bí byɛ́ɛ̄ kóó, míg legtanɛ yéŋ Eɓaŋgá la yɔ́ yáh úm ɓé mítām.

Lúkas 16:13

«M̀ɓɔŋle tɔ wa a sē hɔ́ ɓé nɛ a la li ɓɔŋle lí ɓasáŋɛ́ bíɓáa: tɔ yá ɓɔŋ láá, ag síŋgɛ nyɔ́ wa ndí a díŋɛ́ nyɔ́ŋɔ́, tɔ nɛ́ ag kɛ li átɓe la wa, ndí a yɔ́l nyɔ́ŋɔ́. Miní sē hɔ́ ɓé nɛ maná la li ɓɔŋle lí Ɔlolómɛ̄ ndí la ŋkuh ki.»

Lúkas 21:34

«Nyɔŋán hɔ́ lítāt m̀ɓɛɛŋ, á li pún nɛ́, mimím máná míh lɛndkágán ɓé á péa, á li nyú á bíɓóndo bí mílɔg, tɔ li tiŋɓe á mam mí éniŋ; nɛ́ víŋ ɔlɔ́ víh púhégé ɓé ɓɛ́nɛ,

Lúkas 8:13

Sí ŋgɔg ɛ lɛ ɓot ɓá bí ŋga ámble eɓaŋgá Ɔ́lolómɛ̄, ɓá lɛ́glé ki yɔ́ la mivag. Ndí yéŋ eɓaŋgá yáh lo ɓé míkaŋ á mímīm máɓá; la ɓɔ́ bú yéɓe ányúū puh epah éceg, ɛnɛ́ míceglan má sɔ́, ŋyéɓé wáɓá wú yɔŋɔ.

Lúkas 8:15

Sí livɔ́ŋ ápah mbóó ya ku, ɛ lɛ ɓot ɓá bí ŋga ámble eɓaŋgá Ɔ́lolómɛ̄ la m̀mím á m̀ɓɛɛŋ, la ɓɔ́ ɓá náŋɛ̄ yɔ, ɓá wúm mítām, átē a eɔ́hánɛ.»

Lúkas 8:7

Jéŋé joga sīg-pɛ lú kū á voóm á bikáá bí bílɔ, bú náŋhán elɔŋ, bíŋ bikáá bú lēgtánɛ́ yɔ, yú wú.

Yohánɛs 15:6

Kíyáɓɛ́nɛ mut ah kondye ɓé lí átɓe ɓé la ma, bíg léé nyɛ́ á ápūū kaa bipaápáa bí míkɔɔ ɓá sɛ́m, bí byá óm, ɓá kɔt byɔ, ɓá waŋgɛ́ byɔ á nzáan la byɔ́ byá díg.

Timotéo 1 6:17

Ɓéhyɛ́ mimbyaŋ-mí-ɓot mí nyú ŋkɔŋ-á-sí nɛ́ míh ɓɛ́ɛ́g ɓé kúmba tɔ li vá lí lípitá jáɓá á ábyaŋ nyú a ŋgá lɔ́ɓe, ndí mí válé jā lípitá jáɓá la Ɔlolómɛ̄, nyɔ́ a ŋga tíi ɓɛ́hɛ míɓɛɛŋ ɔbul nɛ́ ndí bi ɓɛ́la mívag á m̀mím.

Timotéo 2 4:10

ányúū nɛ Démas a cóó ma ányúū ediŋ yé nyú ŋkɔŋ-á-sí A kɛ́ á tísɔn nyí Tesaloníka, Kelésaŋs ɔ kɛ́ á épah-ékombo yé Galátia, Títo ɔ kɛ́ á épah-ékombo yé Dalmátia.

Elōg-Hébɛl 6:1

La náŋ hɔ́, bih tíglégé ɓé ɓɛ́hɛ á mam mí ɔ́sū la ɔsú ɓaá yége likɔlɓan la Yésus Kilístus, á li ɓét á ésukúlu yé mináŋag-mí-ɓot. Bih tɔɓégé ɓé ɓɛ́hɛ á jaa lí míōŋ jé lí lɛ́ yé ɓaá dúgú lí yége, kaa li cóó lí misɔ́n mí ŋga óm ɓɛ́hɛ á nyɛmb la li yéɓe la Ɔlolómɛ̄,