Lúkas 7:13 - Esaa-líat ɛ́ péná

¹³ Váŋ nɛ́ ŋgɔ́ɔ́ ya byée Nyɔ́ŋ-Ɛsáŋɛ́ eceg a ɛ́n nyúŋ ŋkúh-á-míndīgá, la nyɛ́ ɔ laga wɔ nɛ́: «Ɔh lelég ɓé pɛ.»

Lúkas 7:13 ပူးပေါင်းရင်းမြစ်များ

Málkus 8:2

«Mag kɔnle jé limut ŋgɔ́ɔ́, átɔm nɛ́ alɔ́ áŋháa nyú ɓá ɓot bí lɛ́ élɔŋ la ma, ɛ́h ɓɛ́ ɓé li ɓɛ́la lí tɔ jam á lí dí.

Lúkas 10:1

Ámbúh náŋ, Nyɔ́ŋ-Ɛsáŋɛ́ ɔ pɔ́hɔ̄ muúnzambúwá mí ɓayége la bíɓáa ɓatám, la nyɛ́ ɔ dúgɛ́ ɓɔ bíɓáa bíɓáa ɔ́sū vɛ́ɛ́ á tísɔn sig, la á ɓávoóm bísɛ a ŋgí nyɛ́ɛ li kɛ nyɛ́-mɛ̄n.

Lúkas 11:1

Ɔlɔ́ vá, Yésus a ɓɛ́ɛ́ voóm á míkánɛ. Ɛnɛ́ a mánɛ, ŋ̀yége wɛɛ́ wa ɔ lága nyɛ nɛ́: «Ɛtáŋɛ, étɛ ɓɛ́hɛ li kánɛ, ákaa Yohánɛs Ǹtíi-nzoɓan a yéglɛ́ ɓayége ɓɛ́ɛ́.»

Lúkas 11:39

Nyɔ́ŋ-Ɛsáŋɛ́ a byɛ́la nyɛ́ nɛ́: «Nyí vɔ́ŋɔ́ɔ, ɓɛ́nɛ ɓɔɔ́n bí Élōg-Falísái, miníg púɛ já mbúh míɓondó la yí tándi, ndí até wāná a yáhɛ la peg yí wíī la miɔ́ŋɔ miɓé.

Lúkas 12:42

Nyɔ́ŋ-Ɛsáŋɛ́ ɔ pélē nyɛ nɛ́: «Yɔɔ́yɔ́ɔ taŋ ǹlégɓe-miɓɛɛŋ, nyɔ́ a byɛ́ɛ́ éyī ɛsáŋɛ́-a-mitán a ŋgá tíi ɓé likanʼyɛ lí ɓaɓɔŋle ɓɛ́ɛ́, nɛ́ a káahánɛ̄ ɓɔ́ lídī á eceg ɛ́ ŋga sōmlɛ é?

Lúkas 13:15

Nyɔ́ŋ-Ɛsáŋɛ́ ɔ tímānɛ̄ nyɛ nɛ́: «Á ɓot bí ɔ́taɓa ɓá! Nzáá á póla yaná á ɔlɔ́ ví évɛɛɓan a ŋgá kúhú ɓé nyaga yɛ́ɛ̄ tɔ jakāas jɛ́ɛ́ á voóm a lidiéléné á li kɛ lí lí nyúhɛ lí jɔ mindím é?

Lúkas 17:5

Ɓaómɓɛ bú lága Nyɔ́ŋ-Ɛsáŋɛ́ nɛ: «Kondyé ɓɛ́hɛ ŋyéɓé.»

Lúkas 17:6

Nyɔ́ŋ-Ɛsáŋɛ́ ɔ tímānɛ̄ nɛ́: «La mbálɛ kíyáɓɛ́nɛ miní byɛ́ɛ́ ŋyéɓé ákaa diíh lí siŋgí, miníg la li laga lí nyí tín búmɛ nɛ́: ‹Uulán vá, kɛɛ́n ɓɛlɓán á túwɛ›; ɛg ógle ɓɛ́nɛ.»

Lúkas 18:6

Nyɔ́ŋ-Ɛsáŋɛ́ ɔ kōndyé nɛ: «Ámblán yé éɓéɓéyɛ ŋ̀kááhɛ ɛ́ ŋga lága.

Lúkas 19:8

Váŋ nɛ́ Sakíyo a sīŋglé ɓɛ́ɓɛ la Nyɔ́ŋ-Ɛsáŋɛ́, a byɛ́la nyɛ́ nɛ́: «Légɓé sig Ɛtáŋɛ! Mag kaale ɓayɛ́ɛ́yɛ́ɛ epah yé ábyaŋ wáma. Kíyáɓɛ́ ki nɛ́ mi kɛ́tléé tɔ li kágtan lí jam lí mut, mag tímanɛ nyɛ́ jɔ́ náŋ ŋgele ɛ́náa.»

Lúkas 22:61

Váŋ nɛ́ Nyɔ́ŋ-Ɛsáŋɛ́ a yaán, ɔ légɓé nyɛ, miíh máɓá mú ɓoman, la Pétlos ɔ ɔ́ŋɔ yé Nyɔ́ŋ-Ɛsáŋɛ́ a lagléé nyɛ́ nɛ́: «Nyí lɛn, sɔ́kágánɛ́ nlóm á kúú ag ɔ́ŋ kí wu táŋɓán ma ŋgele ɛ́ŋháa.»

Lúkas 24:3

Ɛnɛ́ ɓá níŋgi, ɓáh kɔ́p ɓé pɛ m̀bim á Nyɔ́ŋ-Ɛsáŋɛ́ Yésus.

Lúkas 24:34

Váŋ nɛ́ ɓáŋ ɓá lagá ɓá bíɓáa nɛ́: «Kɔɔ la mbálɛ! Nyɔ́ŋ-Ɛsáŋɛ́ a pāhye, a pámlé Símɔn.»

Lúkas 7:12

Ɛnɛ́ Yésus a pám ɓɛ́ɓɛ la mínīŋglé mí nyíŋ tísɔn, ɔ ɛ́n ɓot bíg kɛ́ li je lí m̀bim á pɔmbɛ mɔɔ́n ɔ́wāndá nyí ŋkúh-á-míndīgá. Ɓot ŋgandag bí nyíŋ tísɔn bú kɛ lí yíg lí nyúŋ ŋkúh-á-míndīgá á míje.

Lúkas 7:14

Yésus ɔ sīŋgle, ɔ síiɓán ŋkúú; ɓot bí ɓɛ́ɛ́ bí ɓɛ́gɛ wɔ́ bú tɛ́lɛ, la nyɛ́ ɔ lága nɛ: «Á ɔ́wāndá, mag pɔ́t, ɔg vɛɛɓe!»

Lúkas 7:19

ɔ óm ɓɔ li ɛ́n lí Nyɔ́ŋ-Ɛsáŋɛ́ la li ɓat lí nyɛ́ nɛ́: «Wa nɛ́ ɔ lɛ Nyɔ́ a ŋga sɔ́ tɔ nɛ́ ɓá nyɛɛ́ lí laaŋke lí nyɔ́ ntám é?»

Lúkas 8:52

Ɓot bísɛ bí ŋgí lee la li tɔghan ányúū eɓɛ́lé nyɔ́ŋ mɔɔ́n. Ndí Yésus ɔ lága nɛ: «Miníh lelég ɓé, ah wú ɓé, a lɛ́ ja á ɔ́lɔ̄.»

Yohánɛs 11:2

Nyɔ́ŋ Malía nɛ́ á ɔ́ghɛ́ɛ Nyɔ́ŋ-Ɛsáŋɛ́ ŋ̀gɔ́gɔ á libíndɛ, ɔ tɔ̄h ki nyɛ́ mikoo la voŋ vɛ́ɛ́ ví m̀mú. Á mbálɛ, mɔɔ́nyāŋ Lásalo a ŋgí kɔn.

Yohánɛs 11:3

Elōgnyāŋ yé ɓóndīgá yú óm mut li laga lí Yésus nɛ́: «Ɛtáŋɛ, mut ɔ ŋgɔ diŋ ag kɔn.»

Yohánɛs 20:13

Yú ɓāt nyɛ nɛ́: «Á mindígá, ɔg lee yéé é?» Ɔ pélē yɔ nɛ́: «Ɓá ɓógtɛ́ m̀bim á Ɛtáŋɛ, ndí, mi ŋgá yí ɓé ma á véé ɓá vá wɔ́.»

Yohánɛs 20:15

Yésus aá la nyɛ́ nɛ́: «Á míndīgá, ɔg lée yéé é? Ɔg somo nzáá é?» Ndí, kaa Malía a ŋgí ɔ́ŋɔ nɛ ǹtát ǹdíí á biɓɛɓɛ́la nyɔ́ŋ, a byɛ́la nyɛ́ nɛ́: «Etāa, kíyáɓɛ́nɛ wá nɛ́ wa ɓógtɛ́ m̀bim á Nyɔ́ŋ-Ɛsáŋɛ́, lagá ma voóm wa vá wɔ́, mag kɛ wɔ́ lí nyɔŋ.»

Yohánɛs 4:1

Eceg Yésus a yíí nɛ́ Elōg-Falísái yá ámblé pɔ́l nɛ́ ag yaanɛ ɓot ŋgandag ɓayége ɓɛ́ɛ́, la nɛ́ ag tíi nzoɓan li loo lí Yohánɛs.

Yohánɛs 6:23

Ákaa ɛ́sɛ, miɓoŋgó mitám mí ɓɛ́ɛ́ váŋ mí mí sɔ́léé á Tibeliáda, mú cág á voóm Nyɔ́ŋ-Ɛsáŋɛ́ a nyɔŋɔ́ɔ́ ékɔgá, ɔ tí Ɔlolómɛ̄ mitamlan la ɓɔ́ bu dí yɔ.

Elōg-Kɔlínto 1 7:30

Ɓá bí ŋga lée bí ɓɔŋ ɔ́ŋgɛn bí ŋgá lee ɓé, ɓot bí ŋga sóphɛ bí ɓɔŋ ɔ́ŋgɛn bí ŋgá sophɛ ɓé, ɓá bí ŋga sóm byoóm bí ɓɔŋ ɔ́ŋgɛn bíh byɛ́ɛ́ ɓé tɔ jam.

Elōg-Tésaloníka 1 4:13

Á élōgyāŋ, bi byɛ́ɛ́ kóó li yíhɛ lí ɓɛ́nɛ mbálɛ likɔlɓan la ɓot ɓá wú, á lí ɓɔŋ nɛ́, miníh súnágán ɓé ákaa ɓáŋá ɓot ɓatám, ɓá bíh byɛ́ɛ́ ɓé lípitá la Ɔlolómɛ̄.

Elōg-Hébɛl 2:17

Ányúū náŋ nɛ́ a ŋga nyɛ́ɛ li punan la elōgésāŋ á pánd ɛ́sɛ, nɛ́ ndí a yáan ǹtíi-nsúlé ǹcɛ́ŋ nyɔ́ a yáhɛ́ la m̀mím á ŋgɔ́ɔ́, nyɔ́ a ŋga sál nsɔ́n wɛ́ɛ́ kaa ɛ́ ŋga sōmlɛ ɔ́sū ví Ɔ́lolómɛ̄. Nyɛ́ nɛ́ a tɛ́ɛ́ɓɛ́ á lí kuhle lí ɓot-bí-bínam elaakɛ-miɓé.

Elōg-Hébɛl 4:15

Ányúū nɛ bi byɛ́ɛ ǹtíi-nsúlé ǹcɛ́ŋ nyɔ́ a ŋga lá li kaan lí áɓɔt wáhá. Nyɛ́g a kūh míceglan á mam mísɛ kaa ɓɛ́hɛ, ndí nyɛ́ āh vuhle ɓé Ɔ́lolómɛ̄.