Lúkas 6:17 - Esaa-líat ɛ́ péná

¹⁷ Eceg Yésus a ŋgí suh ɔkolá la jóom jɛ́ɛ́ lí ɓáōmɓɛ la bíɓáa, ɔ tɛ́lɛ́ á voóm á tɛ́gɛ́. Ɔ kɔ́p ŋgandag yɛ́ɛ́ ɓáyēge bí tɛ́ɛ la ɔbul ví límut, jé lá sɔ́léné á míkɔŋ mí Yúdēa, Yelúsalɛm, mikɔŋ mí Tíil la Sídon mí mí lɛ́ á sáwá.

Lúkas 6:17 ပူးပေါင်းရင်းမြစ်များ

Matéus 11:21

«Eɓéé-nyúū la wa á tísɔn nyí Kolásin! Eɓéé-nyúū la wa á tísɔn nyí Betsaída! Ányúū nɛ, kí ɓɔŋ nɛ́ bí binanaŋga bí mam, bí byá ɓɔ̄ŋɓɛ́ á yóg yāná bí ɓɔ̄ŋɓɛgɛ ja á tísɔn nyí Tíil la nyí Sídon, kí ɓɛɛvéé ɓatɔɓene ɓáɓá bú jálɓán mípēg la li tɔɔ átē a lisuu á lí étɛ nɛ́ bí lɛ́ átē a esɔghe ecɛ́ŋ; ki bú vēŋé bílɛ̄m.

Matéus 12:15

Eceg Yésus a yí náŋ, ɔ ɓógó váŋ á nyɔ́ŋ voóm. Ɓot ŋgandag bú ōŋ nyɛ; la nyɛ́ ɔ tɔ́ɔyɛ́ ɓákɔɔ́kɔ̄n bísɛ mbólí.

Matéus 14:14

Á mísuh mɛ́ɛ́ mí m̀ɓoŋgó, Yésus ɔ ɛ́n limut licɛ́ŋ, ɔ kɔ̄nlé jɔ ŋgɔ́ɔ́, la nyɛ́ ɔ tɔ́ɔyɛ́ ɓákɔɔ́kɔ̄n ɓáɓá mbólí.

Matéus 15:21

Yésus ɔ ɓógo á nyɔ́ŋ voóm, ɔ kɛ́ á épah-ékombo yé Tíil la Sídon.

Matéus 5:1

Eceg Yésus a ɛ́n ɔ́bul ví límut vú yálan, ɔ ɓét á lóō lí ɔ́kolá. Ɛnɛ́ a tɔ́ɔ̄, ɓayége ɓɛ́ɛ́ bú sīŋglé nyɛ á ŋgwáāg.

Lúkas 5:15

Joó li Yésus lú cámān ɓavoóm bísɛ, limut ŋgandag ki lú koman á li ámblé lí nyɛ, la li kuh lí mbólí nyuú.

Lúkas 6:12

Múŋ á nyúŋ alɔ́, Yésus ɔ ɓét á lóō lí ɔ́kolá á míkánɛ. La nyɛ́ ɔ lōɛ́ díɓe lísɛ á li kánɛ lí Ɔlolómɛ̄.

Lúkas 6:16

Yúde mɔɔ́n Yákop, la Yúdas Iskáliot, nyɔ́ a níŋgléé a dimb lí Yésus.

Lúkas 6:18

Bí sɔ́ɔ́ á lí ámble lí Yésus la li kuh lí mbólí nyuú. Ɔ pámɛ́ ɓá mímbūl míɓē mí ŋgí teeŋgɛ ɓɔ́.