Lúkas 22:66 - Esaa-líat ɛ́ péná

⁶⁶ Ɛnɛ́ kítí ya kánda, ɔku ví ɓácɛ̄ŋ bí lílōmɛ, ɓakanʼyɛ ɓatíi-nsúlé la ɓayí-mbéndá bú kóman, la ɓɔ́ bú kɛ́la Yésus á voóm wāɓá á bikááhɛ́nɛ́.

Lúkas 22:66 ပူးပေါင်းရင်းမြစ်များ

Matéus 27:1

Ɛnɛ́ kítí ya kánda, ɓakanʼyɛ ɓatíi-nsúlé bísɛ la ɓacɛ́ŋ bí lílōmɛ bú tɔ́ɔ̄ á émɔga á lí ɛ́n nɛ́ láá ɓá nyɛɛ́ lí kuhʼanɛ lí Yésus ekɔ́ghɛ yé nyɛmb.

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Málkus 15:1

La miyɛ́ mí kítí, ɓakanʼyɛ ɓatíi-nsúlé bú tɔɔ á émɔga elɔŋ la ɓacɛ́ŋ bí mílōmɛ, la ɓayí-mbéndá, la ɔku-vicɛ́ŋ-ví-bíkāāhɛ́nɛ́ vísɛ nɛ́ ɓaam. Bú kág Yésus, bú kɛ nyɛ li tíi lí Piláto.

Yohánɛs 18:28

Ámbúh váŋ, bú ɓógo la Yésus á mbóg Kaífa, bú kɛla nyɛ́ á ndáá gɔ́mna licɛ́ŋ. Náŋ a ɓɛ́ɛ́ miyɛ́ mí kítí. Ɓot bí kɛ̄nɛ́ɛ́ la nyɛ́ bíh níŋgléé ɓé á ndáá, ánsī nɛ́ bí ɓɛ́ mipúú ɔ́sū ví Ɔlolómɛ̄, ndí bí la li dí lí ŋgand Páska nyí Elōg-Yúda.

Misɔ́n mí Ɓáōmɓɛ 22:5

Ŋ̀kanʼyɛ ɓatíi-nsúlé la ɔku ví ɓácɛ̄ŋ bí lílōmɛ bíg la li tíi lí nyíŋ mbóŋ. Ákaa ɛ́sɛ, ɓɔ́ nɛ́ bí tíéé ma kálati ányúū Elōg-Yúda eceg mí ŋgí kɛ á tísɔn Dámas la miɔ́ŋɔ nɛ́ mi kág ɓáŋ bísɛ bí ɓɛ́ɛ́ wóŋ la misáŋ mí bícɛɛ, mi sɔ́la ɓɔ́ á Yélūsalɛm á lí kɔ́ghɛ lí ɓɔ.