Filémon 1:17 - Esaa-líat ɛ́ péná

¹⁷ Kíyáɓɛ́nɛ ɔg nyɔŋ hɔ́ ma ákaa mɔɔ́nyɔ̄ŋ átē a ŋyéɓé, lɛ́glé nyɛ́ ɔ́ŋgɛn mā-mɛn nyɔ́ŋ.

Filémon 1:17 ပူးပေါင်းရင်းမြစ်များ

Matéus 10:40

Nyɔ́ la nyɔ́ á ŋga lɛ́gle ɓɛ́nɛ, ɛnɛ mā-mɛ̄n nɛ́ a lɛ́gle. Nyɔ́ ki a ŋga lɛ́gle ma, ɛnɛ a lɛ́glé nyɔ́ a óm ma.

Matéus 18:5

Tɔ nzáá a lɛ́glé mɔ́ɔ̄n kaa nyɔ́ á jóō jáma, ɛnɛ mā-mɛn nɛ́ a lɛ́gle.»

Matéus 25:40

Káísa ag kɛ ɓɔ́ lí pele nɛ́: ‹La mbálɛ, mag laga ɓɛ́nɛ nɛ́, eceg sig maná ɓɔŋlé wa mú á ɓá ɓatɔ́ga, ɓá bí lɛ́ élōgyāŋ, ɛnɛ ma nɛ́ maná ɓɔŋlé nāŋ›.

Misɔ́n mí Ɓáōmɓɛ 16:15

Ɛnɛ́ nyɛ́ la ndáá yɛ́ɛ̄ ɓá manɛ́ li kuh lí nzóɓan, ɔ yáŋá ɓɛ́hɛ la li laga nɛ́: «Kasig miní ŋga yí nɛ́ ma yéɓé la Nyɔ́ŋ-Ɛsáŋɛ́, sɔ́án miní tɔɔ á yóg yáma.» La nyɛ́ ɔ kágyɛ́ ɓɛ́hɛ nɛ́ bi yéɓé.

Elōg-Kɔlínto 2 8:23

Títo, a lɛ líwāndá jáma lí dúwɛ, ɔ ɓɛ́ ki liwándá jáma lí nsɔ́n á ŋgwáāg yāná. Elōgyāŋ yáhá ɛ́ lɛ́ ɓā ɓaómle ɓá tɛ́ɛ́yɛ́ á Bíɓasɛ, bíg sál ányúū lipém lí Nyɔ́-a-Pɔ́hlɛ.

Elōg-Éféso 3:6

Nyíŋ mbaŋ nyí nɛ́: ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda bíg kaan nlemlem á émbāmbá, bíg ɓɛ́ bíjo bí nyúū ya, bíg kuh ki nlemlem á líkakanɛ lí Ɔ́lolómɛ̄ á ŋ̀atanɛ́ wāɓá la Yésus Kilístus li oŋle la Pɔ́l M̀ɓɛɛŋ.

Elōg-Fílípi 1:7

Ɛ́ lɛ́ m̀ɓɛɛŋ nɛ́ mi ɓɛ́la míŋ miɔ́ŋɔ ányúū yāná ɓɛ́nɛ bísɛ, ányúū nɛ ma vá ɓɛ́nɛ á m̀mím wáma, ɓɛ́nɛ ɓá miní ŋga nyɔ̄ŋ ŋgaan á jé likaale Ɔlolómɛ̄ a tí ma, ɛ́ ɓɛ́ á m̀ɓog mi lɛ, ɛ́ ɓɛ́ á lí suŋ lí Pɔ́l M̀ɓɛɛŋ la li camanɛ lí yɔ.

Timotéo 1 6:2

Átē a miyɔ́ŋ mísɛ mí byɛ́ɛ̄ ɓɛɛ́n bí ŋga yéɓe la Ɔlolómɛ̄, bíh yaŋlág ɓé ɓɔ la miɔ́ŋɔ nɛ́ bí lɛ́ línyaŋ átē a ŋyéɓé. Ndí mí kondyé jā ɓɔ́ lí sále á nyaa m̀ɓɛɛŋ, ányúū nɛ́ ɓatombanɛ elɔ́ŋgɔ yáɓá nsɔ́n bí lɛ́ ɓot bí byɛ́ɛ̄ ŋyéɓé, ɓá Ɔlolómɛ̄ a ŋga dīŋ. Jam wa nyɛ́ɛ lí yéglɛ la li tíi kaa ndag jɔ́ jé nɛ́.

Filémon 1:10

Mag sɔ́hye wa ányúū mɔ́ɔ̄n wama Onesíme, nyɔ́ ma kūh kaa mɔɔ́n a ŋyéɓé mú á ndáá-m̀ɓog,

Filémon 1:12

Mag timanɛ wa nyɛ́, nyɛ́ mut a lɛ̄ kaa ejo yáma ɛ́ nyúū.

Filémon 1:18

Kíyáɓɛ́nɛ a ályɛ́ wa tɔ nɛ́ a byɛ́ɛ wa épīl, vá bíŋ byoóm á m̀mú wáma.

Elōg-Hébɛl 3:1

La náŋ hɔ́ á élōgyāŋ, ɓɛ́hɛ ɓá bi lɛ̄ ndog-Ɔlolómɛ̄, nyí ya yéɓé ŋyáŋlán wɛ́ɛ́, miní légɓé Yésus. Ɔlolómɛ̄ a óm nyɛ́ nɛ́ a ɓɛ́ ɓɛ́hɛ ǹtíi-nsúlé ǹcɛ́ŋ, La nyɛ́ nɛ́ bi ŋga yéɓé.

Elōg-Hébɛl 3:14

Ákaa ɛ́sɛ, bi lɛ̄ ɓot bí élɔŋ yé Nyɔ́-a-Pɔ́hlɛ, kíyáɓɛ́nɛ ɓā tiŋɓé á ŋyéɓé bi byɛɛ́ li ɓotle á míɓōtlé, náŋ la náŋ li pám nɛ́-tɛ́ɛla á lísūg.

Yákop 2:5

Ámblán á élōgyāŋ yé édiŋ, ɓaá, ah Ɔlolómɛ̄ ɓé nɛ a pɔ́hɔ̄ ɓá bí lɛ́ ɓáyɛ̄ɛ̄yɛ́ɛ li oŋle la liɛ́nɛg lí ɓot bí ŋkɔŋ-á-sí, á lí byaŋɓɛ lí ɓɔ á ŋyéɓé, la li yaanɛ lí ɓɔ ɓakoto-embámbá yé Ékombo-lóō yé a kákānɛ̄ ɓot bí ŋga dīŋ nyɛ́ é?

Pétlos 1 5:1

Mag kwɛlɛ hɔ́ ɓácɛ̄ŋ bí éɓasɛ bí lɛ́ á póla yaná, ányúū nɛ mág mi lɛ ǹcɛ́ŋ a eɓasɛ kaa ɓɔ́. Mi lɛ mbóŋ nyí bisɔghe Nyɔ́-a-Pɔ́hlɛ a kūh, ma mut ma yáŋlɛ́ á li nyɔŋ lí ŋgaan á lípēm lí ŋga kɛ́ li ɛ́ni. Á ɓácɛ̄ŋ bí éɓasɛ, mag tíi ɓɛ́nɛ míkūndá nɛ́:

Yohánɛs 1 1:3

Yé ɓaá ɛ́n, bu ámble ki, yɔ́ nɛ́ ɓɛ́hɛ ki bi ŋga lɛ́gɛ ɓɛ́nɛ, á lí ɓɔŋ nɛ́, ɓɛ́nɛ ki miní ɓɛ́ átē a ŋ̀atanɛ́ la ɓɛ́hɛ. Liɓɛ́ɛg jáhá lí mut wa, lí lɛ́ ŋ̀atanɛ́ wāhá la Etāa, lú ɓɛ́ ki ŋ̀atanɛ́ wāhá la Mɔ́ɔ̄n wɛ́ɛ̄ Yésus Kilístus.