Elōg-Lóma 8:8 - Esaa-líat ɛ́ péná

⁸ Eceg mut a lɛ á sí likanʼyɛ lí kóó-míson, a ŋgá la ɓé nyɛɛle lí Ɔ́lolómɛ̄.

Elōg-Lóma 8:8 ပူးပေါင်းရင်းမြစ်များ

Matéus 3:17

Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Yohánɛs 3:3

Yésus ɔ pélē nyɛ nɛ́: «La mbálɛ-mbálɛ, mag laga wa nɛ́, kíyáɓɛ́nɛ mut āh byáá ɓé líbyáa lí péná, a ŋgá la ɓé lí ɛ́n lí Ékombo yé Ɔlolómɛ̄.»

Yohánɛs 8:29

Nyɔ́ a óm ma a lɛ́ la ma; āh yíg ɓé ma esɔ́sɔ́l, ányúū nɛ eceg sig mag ɓɔŋ ja yé ɛ́ ŋga nyɛ́ɛle nyɛ́.»

Elōg-Lóma 1:21

Tɔ náŋ ákaa bí ŋga yí Ɔ́lolómɛ̄, ɓá pún nyɛ li tíi lí lípēm la mitamlan mí kɔ́ɔ̄ la nyɛ́. Ndí á mveŋghanɛ́, miɔ́ŋɔ máɓá mí ŋgíla eɓáha má jáŋɛ́ ɓɔ, ɔjɔ́h ví m̀mím wáɓá ki vá nīŋgɛ́ ɓɔ á lívito.

Elōg-Lóma 7:5

Á mbálɛ, eceg bi ŋgí niŋ ákaa ɓot bí binam, kóó-míson yáhá ɛ́ ŋgí loole la mbéndá á lí ɓɔŋhanɛ lí bíjo byáhá bí nyúū nsom wáɓá. Yé ɓaá pumú muŋ á míŋ misɔ́n ɛ́ lɛ́ ja nyɛmb.

Elōg-Lóma 8:9

Ndí ɓɛ́nɛ, miní sē ɓé á sí likanʼyɛ lí míson, miní lɛ́ á sí likanʼyɛ lí M̀búl Mpúán, kasig M̀búl á Ɔ́lolómɛ̄ á lɛ́ átē wāná. Nyɔ́ la nyɔ́ ah byɛ́ɛ́ ɓé M̀búl á Nyɔ́-a-Pɔ́hlɛ, a sē ɓé mut a Nyɔ́-a-Pɔ́hlɛ.

Elōg-Kɔlínto 1 7:32

Mīh byɛ́ɛ́ ɓé ma kóó nɛ jam tɔ já lí téeŋgɛ́ ɓɛ́nɛ. Nyɔ́ la nyɔ́ āh lɔ́mɓan ɓé, ag nyɔŋ eceg la mam mí Nyɔ́ŋ-Ɛsáŋɛ́, ag sómo nɛ̄-láá a nyɛ́ɛ́lé Nyɔ́ŋ-Ɛsáŋɛ́.

Elōg-Fílípi 4:18

Mi byɛ́ɛ́ yé ɛ́sɛ ɛ́ ŋga sōmlɛ á mɔ máná, mi byɛ́ɛ́ yágá ki li loo náŋ. Mi kɔlánɛ̄ nyí vɔ́ŋɔ́ɔ Epafolodítɛ a sɔ́la ma yé maná ómlé ma, yɔ́ nɛ́ ɛ́ lɛ́ kaa libíndɛ lí byɛ̄ɛ́ nziŋ m̀ɓɛɛŋ la kaa nsúlé nyú Ɔlolómɛ̄ a lɛ́gle la nyú á ŋga nyɛ́ɛle nyɛ́.

Elōg-Kólóso 1:10

nɛ́ ndí miní niŋ á nyaa ɛ tɛ́ɛ́ ɔ́sū ví Nyɔ́ŋ-Ɛsáŋɛ́, miní ɓɔŋ yé ɛ́ ŋga nyɛ́ɛle nyɛ́ eceg sig. La ki nɛ́ misɔ́n máná mí m̀ɓɛɛŋ mí úm mitám, la nɛ́ miní kóndyé lí yí lí Ɔ́lolómɛ̄ m̀ɓɛɛŋ m̀ɓɛɛŋ.

Elōg-Kólóso 3:20

Á ɓɔ́ɔ̄n, miní óglé ɓábyāl ɓɛ́nɛ a jóō nɛ̄ jam, náŋ nɛ́ Nyɔ́ŋ-Ɛsáŋɛ́ a ŋga láaŋkene ɓɛ́nɛ.

Elōg-Tésaloníka 1 4:1

Á élōgyāŋ, á lí súgɛ lí ŋkwɛl wáma, biíg laga la li sɔ́hye lí ɓɛ́nɛ á jóō lí Nyɔ́ŋ-Ɛsáŋɛ́ Yésus nɛ́: ɓaá yéglɛ́ ɓɛ́nɛ nɛ́ láá maná nyɛɛ́ lí niŋ á lí nyɛɛle lí Ɔ́lolómɛ̄, náŋ ki nɛ́ miní ŋga nīŋ, jɔ́ nɛ́, miní kóndyé lí kɛla náŋ la ɔ́sū.

Elōg-Hébɛl 13:16

Miníh vólkágánɛ́ ɓé lí ɓɔŋ lí m̀ɓɛɛŋ la nɛ́ ɓɛ́nɛ la ɓɛ́nɛ miní óŋghan, átɔm nɛ́, yíŋ patí mísūlé nɛ ɛ́ ŋga nyɛ́ɛle Ɔlolómɛ̄.

Elōg-Hébɛl 13:21

Nyɔ́ŋ Ɔlolómɛ̄ a óŋgānɛ́ ɓɛ́nɛ li ɓɔŋ lí yé ɛ́sɛ ɛ́ lɛ́ m̀ɓɛɛŋ, á lí yáhɛ lí nsom wɛ́ɛ́. A ɓɔŋ nɛ́ bi ɓɛ́ á nyaa ɛ ŋga nyɛ́ɛle nyɛ́, li kele la Yésus Kilístus, nyɔ́ a byɛɛ́ lípēm á éɓem la á éɓem. Ɛ́ ɓɛ́ náŋ!

Yohánɛs 1 3:22

Tɔ yé ɓaá ɓāt nyɛ, ag kɛ ɓɛ́hɛ yɔ́ lí tíi átɔm nɛ́ biíg naŋɛ mbéndá yɛ́ɛ́, biíg ɓɔŋ ki yé ɛ́ ŋga nyɛ́ɛle nyɛ́.