Elōg-Lóma 8:32 - Esaa-líat ɛ́ péná

³² Ákaa Ɔ́lolómɛ̄ ah ɓag ɓé Mɔɔ́n wɛ́ɛ̄ nyɛ́-mɛ̄n ésɔghe, ndí ɔ sɛ̄m nyɛ ányúū yāhá ɓɛ́hɛ bísɛ, nɛ́-láá a ŋgá la ɓé ɓɛ́hɛ li kaale lí byóōm bísɛ yɛmɛ́ li kele la Mɔɔ́n wɛ́ɛ̄ é?

Elōg-Lóma 8:32 ပူးပေါင်းရင်းမြစ်များ

Matéus 3:17

Váŋ nɛ́ cíŋ ya sɔ́lé á lóō yú lágá nɛ: «Nyɔ́ nɛ́ a lɛ̄ edidíŋɛ yáma Mɔɔ́n, nyɔ́ ma ɛ́n m̀ɓɛɛŋ nɛ́ mi pɔ́hɔ́.»

Matéus 7:11

Ɓɛ́nɛ biɓéɓéyɛ bí ɓot hɔ́, kíyáɓɛ́nɛ miníg yí lí tíi lí ɓɔ́ɔ̄n ɓáná byoóm bílāām, ɛbuu-la-ŋgele yáŋvéé la Ɛsɔ́ŋɛ́ wāná a lɛ á lóō, nyɛ́ ag kɛ li tíi lí ɓot byoóm bílāām bí ŋga ɓāt nyɛ́.

Yohánɛs 3:16

Ákaa ɛ́sɛ, Ɔlolómɛ̄ a lóohán lí diŋ lí ɓot bí ŋkɔŋ-á-sí nyaa nyí lɛ nɛ́ a tí pɔmbɛ yɛ́ɛ́ Mɔɔ́n nɛ́ tɔ nzáá a ŋga yéɓe la nyɛ́, ah wúág ɓé, ndí a ɓɛ́la eniŋ éɓem.

Elōg-Lóma 11:21

Ányúū nɛ, kasig Ɔlolómɛ̄ āh mwahɛ ɓé ɓɔ́ɔ̄n bí Élōg-Yúda ɓá bí lɛ́ kaa titih mítom mí yéŋ eéé ɓá ɓɛl, ɔ nyɔŋɔg lítāt, ah náŋ ɓé tɔ wág a ŋgá kɛ ɓé wā lí mwáhɛ́.

Elōg-Lóma 4:25

Nyɛ́ nɛ́ Ɔ́lolómɛ̄ a tí kaa nsúlé ányúū avuha wáhá, Ɔlolómɛ̄ ɔ pāhyɛ́ ki nyɛ́ ányúū li tɛ́ɛ́yɛ lí ɓɛ́hɛ sim ɔ́sū vɛ́ɛ́.

Elōg-Lóma 6:23

La mbálɛ, nsála á áɓē á lɛ́ nyɛmb, ndí likaale Ɔlolómɛ̄ a ŋga tíi yɛmɛ́ lí lɛ́ éniŋ éɓem yé ɛ́ lɛ́léné á ŋ̀atanɛ́ la Yésus Kilístus, Ɛtáŋɛ wahá.

Elōg-Lóma 8:28

Á yéŋé épah, biíg yí ki nɛ́, Ɔlolómɛ̄ ag yaanɛ mam mísɛ m̀ɓɛɛŋ ányúū ɓá bí ŋga díŋɛ nyɛ́, ɓá a yáŋa li oŋle la peg yɛɛ́ a vúl.

Elōg-Kɔlínto 1 2:12

Ɓɛ́hɛ, ɓāh kuh ɓé m̀búl nyú á ŋkɔŋ-á-sí, ndí ɓa kūh M̀búl nyú á ŋga sɔ́le la Ɔlolómɛ̄, nɛ́ ndí bi lēm mikaale mí ŋga sɔ́le la ékɔnan-ŋgɔ́ɔ́ yɛ́ɛ́.

Elōg-Kɔlínto 2 4:15

Yé ɛ́sɛ bi ŋga nīŋ ɛ́ lɛ́ ányúū yāná, á lí ɓɔŋ nɛ́ ekɔnan-ŋgɔ́ɔ́ yé Ɔ́lolómɛ̄ ɛ́ kóndyé ɓɛ́nɛ li suhle, la nɛ́ ɔbul ví ɓot ví kondyé lí tíi lí Nyɛ mítamlan la lipém.

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Kɔlínto 2 6:10

bíg nyɔŋ ɓɛ́hɛ kaa miályāg mí ɓot ndí kí bi ɓáág jā mívag la mivag, bíg nyɔŋ ɓɛ́hɛ kaa ɓayɛ́ɛ́yɛ́ɛ ndí kí ɓɛ́hɛ nɛ́ bi lɛ ɓábyaŋɓɛ ɓot, bíg nyɔŋ ɓɛ́hɛ kaa ɓot bí ŋga yɛ́ɛ́ jóō nɛ́ jam ndí kí ɓɛ́hɛ nɛ́ bi byɛɛ́ mam mísɛ!

Yohánɛs 1 4:10

Yéŋ ediŋ ɛ́ lɛ́ nɛ́: ah ɓɛ́hɛ ɓé nɛ ɓaá dīŋ Ɔlolómɛ̄, nyɛ́ nɛ́ a dīŋ ɓɛ́hɛ, la nyɛ́ ɔ óm Mɔ́ɔ̄n wɛ́ɛ̄, ɔ tí nyɛ kaa nsúlé ányúū elaakɛ-miɓé máhá.

Biyɛ́ɛ́léné 21:7

Embámbá ǹdí-cíŋ a ŋga kɛ̄ li koto ɛ́g ɓɛ́ nɛ́: ma mag ɓɛ́ Lōó jɛ́ɛ́, nyɛ́g a ɓɛ́ mɔɔ́n wáma.