Elōg-Lóma 8:3 - Esaa-líat ɛ́ péná

³ Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Lóma 8:3 ပူးပေါင်းရင်းမြစ်များ

Málkus 15:27

Sónja ɛ́ tōmléé mítɔnɓa míɓáa elɔŋ la nyɛ́. Wá á m̀ɓɛ́nlómɛ, nyúŋú ki á m̀ɓɛ́ŋgáa wɛɛ́. [

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 9:24

Elōg-Falísái yú yáŋa nyɔ́ŋ mut a ɓɛ́ɛ́ ndím ŋgele ya yáhɛ́ ɛ́ɓáa, yú lagá nyɛ nɛ́: «Pɔ́t mbálɛ ɔ́sū ví Ɔ́lolómɛ̄! Ɓɛ́hɛ biíg yí nɛ́ nyɔ́ŋ mut a lɛ m̀ɓɔŋ-miɓé.»

Misɔ́n mí Ɓáōmɓɛ 13:39

Li kele la nyɛ́ nɛ́ mam mísɛ mí ŋga yál ányúū ɓá bísɛ bí ŋga yéɓe.

Elōg-Lóma 3:20

Ányúū náŋ nɛ́, mut tɔ wa a ŋgá kɛ ɓé lí ɛ́ni lí sim ɔ́sū vɛ́ɛ́ ányúū nɛ a óglé mbéndá. Ákaa ɛ́sɛ, mbéndá ɛg óŋgánɛ ja ɓot nɛ́ bí yí yé ɛ́ lɛ́ áɓē.

Elōg-Lóma 6:6

Bi sɔ́ŋtánɛ m̀ɓɛɛŋ nɛ́, nlom á mut bi ɓɛ́ɛ́, wá tomlɛ́ á mbásá élɔŋ la nyɛ́, nɛ́ ndí nyíŋ nyuú yāhá miɓé ɛh ɓɛ́ɛ́g ɓé pɛ, la ki nɛ́ bih ɓɛ́ɛ́g ɓé pɛ miyɔ́ŋ mí áɓē.

Elōg-Lóma 7:18

Kasig mi ŋga yí nɛ́ átē wama, náŋ ɛnɛ átē a nyúū yáma á líɓɛ́ɛg lí mut-a-binam, m̀ɓɛɛŋ a sē ɓé múŋ. Kóó ɛ lɛ̄ ma nɛ́ mi ɓɔ̄ŋ m̀ɓɛɛŋ, ndí mi ŋgá la ɓé ma,

Elōg-Lóma 8:32

Ákaa Ɔ́lolómɛ̄ ah ɓag ɓé Mɔɔ́n wɛ́ɛ̄ nyɛ́-mɛ̄n ésɔghe, ndí ɔ sɛ̄m nyɛ ányúū yāhá ɓɛ́hɛ bísɛ, nɛ́-láá a ŋgá la ɓé ɓɛ́hɛ li kaale lí byóōm bísɛ yɛmɛ́ li kele la Mɔɔ́n wɛ́ɛ̄ é?

Elōg-Lóma 9:3

La mbálɛ, mag yéɓe nɛ́ Ɔlolómɛ̄ a cóó ma, mi ɓáglán ki la Nyɔ́-a-Pɔ́hlɛ ányúū elōgyāŋ, yé ɛ́ lɛ́ lílōm já lā ma.

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Gálátia 3:13

Nyɔ́-a-Pɔ́hlɛ a sála á lí ɓógtɛ lí ɓɛ́hɛ á bílɔg bí nyíŋ mbéndá, eceg a yéɓé nyɛ́-mɛ̄n li ɓɛgɛ lí bílɔg byáhá, kasig yá ciiɓɛ́ nɛ: «Eɓómá la nyɔ́ bí ŋga pánɛ á énjēŋ.»

Elōg-Gálátia 3:21

Ɓaá, mbéndá ɛg tɛ́ŋgánɛ hɔ́ míkakanɛ mí Ɔlolómɛ̄ é? Kɛ́m. Kíyáɓɛ́nɛ pɔm mbéndá nyí ɛ tíéɓɛ́ɛ ɛ byɛ́ɛ́ ŋguu li niŋɛ, la mbálɛ, kí etɛ́l-sim ɛ́g sɔ́le ja á mbéndá.

Elōg-Fílípi 2:7

Ndí, nyɛ́-mɛ̄n ɔ mwáhɛ́ líɓɛ́ɛg jɛ́ɛ́, ɔ nyɔ̄ŋ líɓɛ́ɛg lí m̀ɓɔŋle, ɔ ɓɛ́ á épunan yé mut-a-binam, ɔ lēmɓɛ́ɛ á yéŋ eɓɛ́lé ákaa mut-a-binam.

Elōg-Hébɛl 10:12

Ndí á mveŋghanɛ́, Nyɔ́-a-pɔ́hlɛ, ɛnɛ́ a tí pɔm nsúlé ányúū elaakɛ-miɓé, ɔ tɔ́ɔ ki ŋgele ya ányúū yɔ́ ɛ́sɛ á mɓɛ́lómɛ a Ɔlolómɛ̄,

Elōg-Hébɛl 10:14

Jɔ́ nɛ́, la pɔm likaale nɛ́ Yésus Kilístus a púɛ́ ɓot ŋgele ya ányúū yɔ́ ɛ́sɛ, ɓot a tímānɛ̄ á ŋgwáāg Ɔlolómɛ̄.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Elōg-Hébɛl 2:17

Ányúū náŋ nɛ́ a ŋga nyɛ́ɛ li punan la elōgésāŋ á pánd ɛ́sɛ, nɛ́ ndí a yáan ǹtíi-nsúlé ǹcɛ́ŋ nyɔ́ a yáhɛ́ la m̀mím á ŋgɔ́ɔ́, nyɔ́ a ŋga sál nsɔ́n wɛ́ɛ́ kaa ɛ́ ŋga sōmlɛ ɔ́sū ví Ɔ́lolómɛ̄. Nyɛ́ nɛ́ a tɛ́ɛ́ɓɛ́ á lí kuhle lí ɓot-bí-bínam elaakɛ-miɓé.

Elōg-Hébɛl 4:15

Ányúū nɛ bi byɛ́ɛ ǹtíi-nsúlé ǹcɛ́ŋ nyɔ́ a ŋga lá li kaan lí áɓɔt wáhá. Nyɛ́g a kūh míceglan á mam mísɛ kaa ɓɛ́hɛ, ndí nyɛ́ āh vuhle ɓé Ɔ́lolómɛ̄.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.