Elōg-Lóma 8:26 - Esaa-líat ɛ́ péná

²⁶ Náŋ ki nɛ́, ányúū aɓɔt wáhá, M̀búl Mpúán a sɔ́ ɓɛ́hɛ li óŋgánɛ, átɔm nɛ́ bi ŋgá yí ɓé ɓɛ́hɛ li kánɛ ákaa ɛ́ ŋga sōmlɛ. Ndí, M̀búl Mpúán ag kánɛ ányúū yāhá. Eceg a ŋga kánɛ, ag ɓé kaa mut nɛ́ a ŋga ɓé la esɔghe. Ɔvega vɛ́ɛ́ ví lí ɓé víg loo mam mísɛ bi ŋga lá li laga lí Ɔ́lolómɛ̄.

Elōg-Lóma 8:26 ပူးပေါင်းရင်းမြစ်များ

Matéus 10:20

ányúū nɛ, ah ɓɛ́nɛ-mɛ̄n ɓé nɛ miní ŋga kɛ́ li pɔ́t, ndí M̀búl á Ɛ́sɔ̄ŋɛ́ wāná nɛ á ŋga kɛ́ li pɔ́t á átē wāná.

Matéus 20:22

Yésus ɔ pélē nɛ́: «Miní ŋgá yí ɓé yé miní ŋga ɓāt. Ɓaá, miníg la li nyú lí líɓondó lí ésɔghe mi ŋga kɛ́ li nyú é?» La ɓɔ́ bú pélē nyɛ nɛ́: «Ɔɔ, biíg la.»

Lúkas 22:44

Ɛnɛ́ Yésus a ɔ́ŋɔ́ esɔghe ɛ́ ŋga láaŋke nyɛ́, ɔ kōndyé li kánɛ la ŋguu. Ebibi ŋgí pám nyɛ́ yú yāán ákaa mitɔ́n mí mícii mí ŋgí tɔ́n á sí.

Yohánɛs 14:16

La ma, mi sɔ́hye Etāa nɛ́ a ómlé ɓɛ́nɛ M̀mɔ́mɛ ntám, nyɔ́ a ŋga kɛ́ li ɓɛ́ la ɓɛ́nɛ eceg ɛ́sɛ.

Elōg-Lóma 15:1

Á élōgyāŋ, ɓɛ́hɛ ɓot bi byɛ́ɛ̄ ŋguu, ɛ lɛ́ ɓɛ́hɛ ŋ̀yághānɛ́ nɛ bi óŋgānɛ ɓá bí lɛ́ áɓɔt ɛ́h ɓɛ́ ɓé ja li sómo li yé ɛ ŋga nyɛɛle ɓɛ́hɛ.

Elōg-Lóma 7:24

Mā nyí ŋgɔ́ɔ́-mut, nzáá a ŋga kɛ́ ma lí pámɛ á m̀ɓog á nyí nyuú ɛ ŋga óm mā á nyɛmb é?

Elōg-Lóma 8:15

Ányúū nɛ, M̀búl Ɔlolómɛ̄ a tí ɓɛ́nɛ á sē ɓé nyú á ŋga yáanɛ ɓɛ́nɛ miyɔ́ŋ la li kɔnhanɛ lí ɓɛ́nɛ woŋ sīg-pɛ, ndí, maná kūh M̀búl nyú wá yaanɛ́ ɓɛ́nɛ ɓɔɔ́n bí Ɔ́lolómɛ̄. Wɔ́ nɛ́ a ŋga yígle ɓɛ́hɛ li lónle lí nyɛ̄ nɛ́: «Ába, Etāa!»

Elōg-Kɔlínto 2 5:2

Jɔ́ nɛ́, bi ŋga ɓé la esɔghe, ányúū nɛ bi byɛ́ɛ́ kóó écɛ̄ŋ nyí li níŋgí á nyíŋ ndáá yāhá ékombo-lóō,

Elōg-Kɔlínto 2 5:4

Ɓɛ́hɛ ɓá bi ŋga nīŋ mú á yéŋ eláá, mbálɛ nyíŋ, biíg ɓé la esɔghe ányúū nɛ mbɛgɛ ɛg ditle ɓɛ́hɛ, ánsī nɛ bi ŋgá somo ɓé lí cóó lí líɓɛ́ɛg jáhá lí mut a ŋkɔŋ-á-sí, ndí biíg somo ki lí jálɓan lí líɓɛ́ɛg lí mut a loó, á lí ɓɔŋ nɛ́, yé ɛ́ ŋga nīŋ á éɓem la eɓem ɛ́ mīn yé ɛ́ ŋga wú.

Elōg-Gálátia 4:6

Kasig miní lɛ́ kɔɔ ɓɔɔ́n ɓɛ́ɛ́, Ɔlolómɛ̄ a vá M̀búl á Mɔ́ɔ̄n wɛ́ɛ̄ átē á mimím máhá, nyúŋ M̀búl nɛ́ á ŋga lón nɛ́: «Ába!» Náŋ a lɛ nɛ́ Etāa.

Elōg-Éféso 2:18

Li kele la nyɛ́ nɛ́ ɓɔ́ɔ̄n bí Élōg-Yúda la ɓá bí sē ɓé ɓɔ́ɔ̄n bi Élōg-Yúda ɓɛ́hɛ bísɛ bií ŋga lā li pám ɔ́sū ví Etāa átē á pɔ̄m M̀búl Mpúán.

Elōg-Éféso 6:18

Biceg bísɛ, M̀búl Mpúán a óŋgánɛ ɓɛ́nɛ á míkánɛ máná mísɛ la á nzag yáná ɛ́sɛ. La náŋ ɓɛ́án pɛɛ la li nyɔ́hɓe á míkánɛ ányúū ndog Ɔlolómɛ̄ ɛsɛ̄.

Elōg-Hébɛl 4:15

Ányúū nɛ bi byɛ́ɛ ǹtíi-nsúlé ǹcɛ́ŋ nyɔ́ a ŋga lá li kaan lí áɓɔt wáhá. Nyɛ́g a kūh míceglan á mam mísɛ kaa ɓɛ́hɛ, ndí nyɛ́ āh vuhle ɓé Ɔ́lolómɛ̄.

Elōg-Hébɛl 5:2

Ag la li sɔ́ŋtánɛ lí ɓot bí ŋgá yí ɓé jam, bí ŋga kɛ́ á njáŋgá, átɔm nɛ́, nyɛ́-mɛ̄n ki a lɛ̄ ja mut-a-binam nyɔ́ a ŋga ɓɔ̄t á mam mísɛ ákaa ɓɔ́.

Yákop 4:3

Miníg yaga ndí miní ŋgá kuh ɓé, átɔm nɛ́ miníg ɓéé lí yaga, miníg yaga ányúū li yáhɛ lí kóó yáná míson.