Elōg-Lóma 8:2 - Esaa-líat ɛ́ péná

² átɔm nɛ́, mbéndá nyí M̀búl Mpúán nyɔ́ a ŋga tíi eniŋ á ŋ̀atanɛ́ la Yésus Kilístus ya kɔ́pɔ̄ mā á mbéndá nyí aɓé la nyí nyɛmb.

Elōg-Lóma 8:2 ပူးပေါင်းရင်းမြစ်များ

Yohánɛs 4:10

Yésus ɔ pélē hɔ́ nyɛ nɛ́: «Ki ɓɔŋ nɛ́ ɔg yí likaale lí Ɔlolómɛ̄, la nzáá a ŋga lága wa nɛ́ tí ma mindím mí lí nyú, kí wa nɛ́ ɔ ŋgɔ yága nyɛ́ mɔ́, la nyɛ́ a tí wa míndīm mí éniŋ.»

Yohánɛs 4:14

ndí tɔ nzáá a ŋga kɛ́ li nyú lí míndīm mi ŋga kɛ́ nyɛ́ lí tíi, m̀ɓá-mɓá evéhé ɛ́ ŋga kɛ ɓé pɛ nyɛ́ lí byee; á mveŋghanɛ́ mindím mi ŋga kɛ́ nyɛ́ lí tíi, á até wɛ́ɛ̄ míg kɛ li yaan lí líŋgɛ̄n ápah eniŋ éɓem ɛ́ ŋga pámle.»

Yohánɛs 6:63

M̀búl Mpúán nɛ́ a ŋga tíi eniŋ, nyuú ɛh byɛ́ɛ́ ɓé eɓáha tɔ yá. Biɓaŋgá mi ŋga lága ɓɛ́nɛ bí lɛ́ M̀búl, bú ɓɛ́ ki eniŋ.

Yohánɛs 8:32

Miníg kɛ li yí lí mbálɛ, mbálɛ ki ɛ yáanɛ́ ɓɛ́nɛ kundɛ-ɓōt.»

Yohánɛs 8:36

La náŋ, kíyáɓɛ́nɛ Mɔɔ́n Mut nɛ́ a yáanɛ́ ɓɛ́nɛ kundɛ-ɓōt, miníg ɓɛ́ kɔɔ kundɛ-ɓōt.

Elōg-Lóma 16:3

Miní tamlege ma Pilíska la Akílas, ɓasál élɔŋ la ma á nsɔ́n á Yésus Kilístus.

Elōg-Lóma 3:27

Ɓaá, ɓa nyɛɛ́ hɔ́ lí ŋguŋgu lí nyúū é? M̀ɓá! Ányúū yéé é? Ányúū misɔ́n é? Kɛ́m, ndí á jóō lí ŋyéɓé bi byɛɛ́ la Yésus.

Elōg-Lóma 5:21

Jɔ́ nɛ́, ákaa aɓé á éthɛ́ɛ́ ŋguu yɛɛ́ á lí sɔ́la lí nyɛmb, nlemlem ki nɛ́, nyí vɔ́ŋɔ́ɔ Ɔlolómɛ̄, la elɔ́ŋgɔ m̀mím yɛ́ɛ́ a yáanɛ́ ɓot bí binam sim, la náŋ, li kele la Yésus Kilístus, bíg niŋ á éɓem la á éɓem.

Elōg-Lóma 6:14

Átɔm nɛ́, aɓé á ŋgá ɓɛ́la ɓé pɛ ŋguu nyí li ɓɔŋ lí ɓɛ́nɛ jam, kasig miní sē ɓé pɛ á sí mbéndá, ndí miní niŋle á sí míkaale mí Ɔ́lolómɛ̄.

Elōg-Lóma 6:18

Maná kūhlɛ́ á ŋgatka nyí aɓé la ɓɛ́nɛ munú yāán míndimí mí étɛ̄l-sim.

Elōg-Lóma 6:22

Ndí nyí vɔ́ŋɔ́ɔ, maná kūhlɛ́ á ŋgatka nyí áɓē la ɓɛ́nɛ munú yāán míndimí mí Ɔ́lolómɛ̄. Miníg sál mísɔ̄n mí ŋga yáanɛ ɓɛ́nɛ ɓápūán, lisúg jáɓá ki lí lɛ́ éniŋ éɓem.

Elōg-Lóma 7:21

La náŋ, ma sɔ̄m nɛ, náŋ a lɛ ma kaa mbéndá nɛ, kí mi byɛɛ́ kóó li ɓɔŋ lí m̀ɓɛɛŋ, aɓé nɛ á ŋga tɛ́lɛ ma á ɔ́sū,

Elōg-Lóma 7:23

Ndí mag ɛ́n nɛ́, átē wama, mbéndá étām nɛ ɛ ŋga dúhɛ mbéndá pɔ́ŋ yáma. Nyí ɛ ŋga lága nɛ́ yɔ nɛ́ ɛ lɛ. Nyíŋ mbéndá ya yáanɛ́ mā mut a m̀ɓog, á sí likanʼyɛ lí áɓē nyú á lɛ́ átē a bijo byáma bí nyúū.

Elōg-Lóma 7:4

Á élōgyāŋ, nlemlem la ɓɛ́nɛ ki, kasig maná āt la Yésus Kilístus nyɔ́ a wú ányúū yáná, maná mān lí ɓáglan la mbéndá á lí ɓɛ́ lí ɓot bí mut ntám. Nyɛ́ nɛ́ a pāhye á póla ɓá ɓá wū, á li ɓɔŋ nɛ́ bi wúm mitám ányúū Ɔlolómɛ̄.

Elōg-Lóma 8:1

Á élōgyāŋ, nyí vɔ́ŋɔ́ɔ hɔ́, ɓá ɓá āt la Yésus Kilístus bí ŋgá kuh ɓé pɛ ekɔ́ghɛ tɔ yá,

Elōg-Kɔlínto 1 15:45

Ányúū náŋ nɛ́ Lícii-Lipúán lí ŋga lága nɛ́: «Ádam, mut ɔsú a ɓɛ́ɛ́ éveglé yé míson la biveh yé yá kūh éniŋ.» Ádam nyɔ́ a tíile a lɛ M̀búl nyɔ́ a ŋga tíi eniŋ.

Elōg-Kɔlínto 2 3:17

Kasig Nyɔ́ŋ-Ɛsáŋɛ́ a lɛ M̀búl, ányúū náŋ nɛ́, ápah M̀búl á Nyɔ́ŋ-Ɛsáŋɛ́ a lɛ, váŋ ki nɛ́ kundɛ ɛ lɛ.

Elōg-Kɔlínto 2 3:6

Nyɛ́ nɛ́ a yáanɛ́ ɓɛ́hɛ ɓá bí kɔ́ɔ̄ lí ɓɛ́ lí ɓáɓɔŋle bí Ésaa-líat ɛ́ péná, ah jé ɓé lí ŋga ōŋle mbéndá nyí ya cíiɓɛ, ndí jé lí M̀búl Mpúán, átɔm nɛ́ mbéndá ya cíiɓɛ ɛg óm á nyɛmb, ndí M̀búl Mpúán ag tíi eniŋ.

Elōg-Gálátia 2:19

Ndí, á yé ɛ́ ŋga légɓe mbéndá, ma wú nyɛmb nyí ya sɔ́lé á mbéndá yɔ-mɛn á li ɓɔŋ nɛ́ mi lā li niŋ ányúū Ɔlolómɛ̄. Ma tōmlɛ́ á mbásá elɔŋ la Kilístus.

Elōg-Gálátia 5:1

Á élōgyāŋ, kasig Kilístus a tɛ́ɛ́yɛ́ɛ́ ɓɛ́hɛ kundɛ, bi ɓɛ́ hɔ́ kúndɛ la mbálɛ. Lethánɛ hɔ́ taŋ-taŋ nɛ́ miníh timkágán ɓé pɛ á ŋgatka nyí miyɔ́ŋ.

Elōg-Gálátia 6:2

Ɓɛ́nɛ la ɓɛ́nɛ, miní nyɔŋ ŋgaan á ndútu yáná, la náŋ miníg ógle mbéndá nyí Kilístus!

Yákop 1:25

Ndí, nyɔ́ la nyɔ́ a ŋga ɛ́gɓéne á taŋ mbéndá nyí ɛ ŋga tɛ́ɛ́yɛ kundɛ, la nyɛ́ a tíŋɓéné átē, ag kɛ li kuh lí mísɔ̄tá á mam mísɛ a ŋga kɛ́ li ɓɔŋ. A ŋgá ɓɛ́ ɓé ákaa nyɔ́ mut a ámble yɔ, la nyɛ́ ɔ vólanɛ, ndí ag ɓɛ́ ákaa nyɔ́ a ŋga ógle yɔ́.

Biyɛ́ɛ́léné 11:11

Ndí ámbúh nyúŋ alɔ́ áŋháa la epah, mvɛɛɓan á éniŋ nyú á ŋga sɔ́léne la Ɔlolómɛ̄ ág kɛ li níŋgi á nyúū yáɓá la ɓɔ́ bí tɛ́lɛ́.» La náŋ, ɓot bí légɓéé ɓɔ́ bú nát la wóŋ.

Biyɛ́ɛ́léné 22:1

Ámbúh náŋ, áŋgɛl yu étɛ́ ma Yohánɛs lɔm lí míndīm mí éniŋ, mí ŋga páa ákaa elembán. Míŋ mindím míg pámléne á étɔɓé-líkanʼyɛ yé Ɔ́lolómɛ̄ la yé mɔ́ɔ̄n ntómbɛ́.