Elōg-Lóma 8:18 - Esaa-líat ɛ́ péná

¹⁸ Ákaa ɛ́sɛ, mag ɔ́ŋɔ nɛ́, bí sē ɓé nɛ ɓá kēt bisɔghe bí lɛn la lipém jé Ɔ́lolómɛ̄ a ŋga kɛ́ ɓɛ́hɛ li étɛ ámbúh eceg.

Elōg-Lóma 8:18 ပူးပေါင်းရင်းမြစ်များ

Misɔ́n mí Ɓáōmɓɛ 20:24

Ndí ányúū yáma, eniŋ yáma ɛ́h byɛ́ɛ́ ɓé nsɛ́ŋ tɔ wá. Miɔ́ŋɔ máma mí lɛ́ nɛ́ mi pám la ŋgómán wama la nsɔ́n wama á lísūg, bí Ɛtáŋɛ Yésus a byéehɛ́ ma, nyúŋ ŋgómán la nyúŋ nsɔ́n nɛ bí lɛ́ li tíi lí mbóŋ nyí Pɔ́l M̀ɓɛɛŋ nyí ediŋ Ɔ́lolómɛ̄.

Elōg-Lóma 8:19

Átɔm nɛ́, biveglé bísɛ bí lɛ́ lí laaŋke átē a evéhé nɛ́ Ɔlolómɛ̄ a yíhɛ́ ɓanzáá bí lɛ́ ɓɔ́ɔ̄n ɓɛ́ɛ́.

Elōg-Kólóso 3:4

Eceg Kilístus nyɔ́ a lɛ́ éniŋ yáná a ŋga kɛ́ li ɛ́ni, váŋ nɛ́ ɓɛ́nɛ ki miní ŋga kɛ́ li ɛ́ni elɔŋ la nyɛ́ átē a ŋyoganɛ́ wɛ́ɛ̄ a lipém.

Elōg-Tésaloníka 2 2:14

Ányúū náŋ nɛ́ Ɔlolómɛ̄ a yáŋléé ɓɛ́nɛ li kele la Pɔ́l M̀ɓɛɛŋ bi lɛgléé ɓɛ́nɛ, nɛ́ ndí miní ɓɛ́la joga á lipém lí Ɛtáŋɛ wahá Yésus Kilístus.

Títo 2:13

á nlaaŋkán á mísɔ̄tá bií ŋga pītye, la lipém lí ŋga kɛ́ li ɛ́ni jé lí Loó lí míloó nyɔ́ a lɛ Ǹsuŋ wahá Yésus Kilístus.

Elōg-Hébɛl 11:35

Li kele la ŋyéɓé nɛ ɓondígá ɓá bí timáán lí kuh lí mímbim mí ɓasáŋɛ́ ɓáɓá ɓá bí pahyéé la ɓɔ́ bú tɔ́ɔ̄ pɛ la ɓɔ́. Ɓot ɓatám bí kūhúú ndéeŋgɛ ŋgandag nyí ɛ ómóó ɓɔ́ á nyɛmb, ndí bí púnúú nɛ́ bí mwah ɓɔ́, bú yéɓé lí wú kasig bí ɓɛ́ɛ́ bí tíŋɛ á ŋyéɓé, nɛ́ ndí bí pahyé, bí níŋgí á éniŋ yé yá loohán lí ɓɛ́ lí élɔ́ŋgɔ.

Pétlos 1 1:13

Jɔ́ nɛ́, ɓɛ́án pɛɛ, miní ɓoŋhán nsɔ́n, naŋʼyán mípitá máná á míkaale Ɔlolómɛ̄ a ŋga kɛ́ ɓɛ́nɛ li tíi á eceg Yésus Kilístus a ŋga kɛ́ ɓɛ́nɛ li étɛ lí nyɛ́-mɛ̄n.

Pétlos 1 4:13

Ndí, eceg miní ŋga nyɔ̄ŋ ŋgaan á bísɔghe bí Nyɔ́-a-Pɔ́hlɛ, kɔnán jā mívag, á lí ɓɔŋ nɛ́ eceg lipém jɛ́ɛ́ lí ŋga kɛ́ li ɛ́ni, miní ɓɛ́ á mísophɛ.

Pétlos 1 5:1

Mag kwɛlɛ hɔ́ ɓácɛ̄ŋ bí éɓasɛ bí lɛ́ á póla yaná, ányúū nɛ mág mi lɛ ǹcɛ́ŋ a eɓasɛ kaa ɓɔ́. Mi lɛ mbóŋ nyí bisɔghe Nyɔ́-a-Pɔ́hlɛ a kūh, ma mut ma yáŋlɛ́ á li nyɔŋ lí ŋgaan á lípēm lí ŋga kɛ́ li ɛ́ni. Á ɓácɛ̄ŋ bí éɓasɛ, mag tíi ɓɛ́nɛ míkūndá nɛ́:

Yohánɛs 1 3:2

Á élōgyāŋ yé ediŋ, li ɓotle la nyí vɔ́ŋɔ́ɔ bi lɛ̄ ɓɔ́ɔ̄n bí Ɔlolómɛ̄, ndí yé bi ŋga kɛ́ li ɓɛ́ ɛ́ lɛ́ ŋgí lí ɛ́ni. Biíg yí nɛ́, eceg Nyɔ́-a-Pɔ́hlɛ a ŋga kɛ́ li sɔ́, biíg kɛ li punan la nyɛ́, ánsī nɛ biíg kɛ nyɛ́ lí ɛ́n ákaa a lɛ.