Elōg-Lóma 8:17 - Esaa-líat ɛ́ péná

¹⁷ Kaa bi lɛ hɔ́ ɓɔ́ɔ̄n bí Ɔ́lolómɛ̄, bi lɛ ɓákoto-embámbá, ɓakoto-embámbá yé Ɔ́lolómɛ̄, ɓakoto-embámbá elɔŋ la Nyɔ́-a-Pɔ́hlɛ. Kasig ɓaá nyɔ̄ŋ ŋgaan á bísɔghe byɛ́ɛ́, biíg kɛ ki li nyɔŋ lí ŋgaan á lípēm jɛ́ɛ́.

Elōg-Lóma 8:17 ပူးပေါင်းရင်းမြစ်များ

Matéus 16:24

Ámbúh náŋ, Yésus ɔ lága ɓáyēge ɓɛ́ɛ́ nɛ́: «Nyɔ́ la nyɔ́ a ŋga sómo ma lí oŋ, a vólánɛ̄ nyɛ́-mɛ̄n, a ɓɛ́gɛ̄ ja mbásá yɛ́ɛ̄, a óŋ ma.

Matéus 25:21

Ɛsáŋɛ́ a nsɔ́n ɔ yó nyɛ̄ nɛ́: ‹Náŋ a lɛ m̀ɓɛɛŋ, ɔ lɛ élɔ́ŋgɔ la taŋ m̀ɓɔŋle, wa étɛ́ ékɔ̄ɔ̄ á pūh mam, mag kɛ wa lí tíi lí mam mí ŋga lōo míŋ, sɔ́, ɔ vāg elɔŋ la ɛsɔ́ŋɛ́ a nsɔ́n.›

Lúkas 12:32

Ɔh kɔnɔ́g ɓé woŋ, á líɓembá lítɔ̄ga, átɔm nɛ́ Ɛsɔ́ŋɛ́ wāná a ɛ́n m̀ɓɛɛŋ á li tíi lí ɓɛ́nɛ Ekombo yɛ́ɛ́.

Lúkas 24:26

Ɓaá ɛ́ ŋga somlɛ ɓé yágá nɛ Nyɔ́-a-Pɔ́hlɛ a táká náŋ sɔ́kágánɛ́ ag níŋgi á lípēm jɛ́ɛ́ é?»

Yohánɛs 17:24

Etāa kóó yáma ɛ lɛ nɛ́, ápah mi lɛ, ɓot wa tí ma ɓɔ́g bí ɓɛ́ váŋ, nɛ́ bí mɛ̄mɛ́ lipém wa tí ma, ányúū nɛ́, wa dúgú ma lí diŋ, sɔ́kágánɛ́ ɔg veg ŋkɔŋ-á-sí

Misɔ́n mí Ɓáōmɓɛ 14:22

Voóm sig, bí ŋgí letɛ ɓayége nyuú la li tíi lí ɓɔ mikúndá nɛ́ bí tiŋɓé á ŋyéɓé. Jɔ́ nɛ́ bí ŋgí laga ɓɔ́ nɛ́: «Ɛ́g somlɛ nɛ́ bi lōolé á ŋgandag bísɔghe á lí ɓɔŋ nɛ́ bi níŋgí á Ékombo Ɔ́lolómɛ̄.»

Misɔ́n mí Ɓáōmɓɛ 20:32

Nyí vɔ́ŋɔ́ɔ, mag yíg ɓɛ́nɛ á sí bitátlé bí Ɔlolómɛ̄ la á biɓaŋgá byɛ́ɛ́ bí édiŋ. Byɔ́ nɛ́ bí byɛ́ɛ̄ ŋguu li letɛ lí ŋyéɓé wáná, la li tíi lí ɓɛ́nɛ embámbá yé a nāŋʼyé ɓot ɓɛ́ɛ́ bísɛ a púɛ.

Misɔ́n mí Ɓáōmɓɛ 26:18

á lí lege lí mɔ̄ miíh la li ɓógtɛ lí mɔ́ á lívito li kɛla lí mɔ á mipúú, li ɓógtɛ lí mɔ̄ á mɔ mí Sátan, li kɛla lí mɔ̄ á yóg Ɔlolómɛ̄, nɛ́ ndí mí kuh elaakɛ-miɓé la li nyɔŋ lí joga á émbāmbá elɔŋ la ndog ɓayéɓe li oŋle la ŋyéɓé bí byɛ́ɛ̄ la ma.›

Elōg-Lóma 5:17

Ányúū nɛ, kíyáɓɛ́nɛ á njɔm nyí pɔ̄m mut ya, la ányúū aɓé nyú á pɔ̄m mut ya, nyɛmb ya nyɔ̄ŋ líkanʼyɛ, ɛbuu-la-ŋgele yáŋvéé hɔ́, li kele la pɔ̄m mut ya nɛ́ Yésus Kilístus, ɓot Ɔlolómɛ̄ a tí míkaale nlohanɛ́, ɔ yáanɛ́ ki ɓɔ́ kɔɔ sim á miíh mɛ́ɛ́, bí ŋga kɛ́ ɓé li kanʼyɛ á éniŋ é?

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Kɔlínto 1 2:9

Ndí, ányúū náŋ nɛ́ yá ciiɓɛ́ nɛ: «Yé diíh lí ɓáág ŋgí lí ɛ́n, yé aɔ́ɔ́ a ɓáág ŋgí lí ámble, yé ɛ́ ɓáág ŋgí lí loole lí mut tɔ wa á míɔ̄ŋɔ, Ɔlolómɛ̄ a manáá yɔ́ lí ɓoŋhan ányúū ɓadiŋɛ nyɛ́.»

Elōg-Kɔlínto 2 1:5

Nlemlem kaa bi ŋga nyɔ̄ŋ ŋgaan ŋgandag á bísɔghe bí Nyɔ́-a-Pɔ́hlɛ, náŋ ki nɛ́ Ɔ́lolómɛ̄ a ŋga mɔ́mɛ́ ɓɛ́hɛ ŋgandag li loole la Nyɔ́-a-Pɔ́hlɛ.

Elōg-Kɔlínto 2 1:7

Jam tɔ já lí ŋgá la ɓé lí veŋe lí lípitá bi byɛɛ́ á ŋgwáāg yāná, ányúū nɛ biíg yí nɛ́, kaa miní ŋga nyɔ̄ŋ ŋgaan á bísɔghe byáhá, náŋ ki nɛ́ miní ŋga nyɔ̄ŋ ŋgaan á émɔ́mɛ yáhá.

Elōg-Gálátia 3:29

La náŋ, Kíyáɓɛ́nɛ miní lɛ́ ɓá bí Kilístus, ɛnɛ miní lɛ́ hɔ́ mbota nyí Áblaháam; miní lɛ́ ɓákoto-embámbá li oŋle la mikakanɛ mí Ɔ́lolómɛ̄.

Elōg-Gálátia 4:7

Jɔ́ nɛ́, ɔ sē hɔ́ ɓé pɛ ŋyɔ́ŋ, ndí ɔ lɛ mbyááhɛ. Kasig ɔ lɛ mbyááhɛ, wág ɔ lɛ ja ŋ̀koto-embámbá yé Ɔlolómɛ̄ a nāŋʼyéné ɓɔ́ɔ̄n ɓɛ́ɛ́.

Elōg-Éféso 3:6

Nyíŋ mbaŋ nyí nɛ́: ɓɔɔ́n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda bíg kaan nlemlem á émbāmbá, bíg ɓɛ́ bíjo bí nyúū ya, bíg kuh ki nlemlem á líkakanɛ lí Ɔ́lolómɛ̄ á ŋ̀atanɛ́ wāɓá la Yésus Kilístus li oŋle la Pɔ́l M̀ɓɛɛŋ.

Elōg-Fílípi 1:29

Ákaa ɛ́sɛ, Ɔlolómɛ̄ a tí ɓɛ́nɛ likaale nɛ́ miní yéɓé la Nyɔ́-a-Pɔ́hlɛ, ah jɔ́-ntámɛ́ ɓé ja, ndí la li sɔghe ányúū yɛ́ɛ̄ ki.

Elōg-Fílípi 3:10

Yé ɛ́sɛ mi ŋga sómo, ɛ́ lɛ́ lí yí lí Nyɔ́-a-Pɔ́hlɛ, li yí lí ŋguu nyí ya pāhyɛ́ nyɛ, nɛ́ ndí mi nyɔ́ŋ ŋgaan á bísɔghe byɛ́ɛ́, á lí ɓɔŋ nɛ́ mi púnān la nyɛ́ á nyɛ̄mb yɛ́ɛ̄.

Elōg-Kólóso 1:24

Nyí vɔ́ŋɔ́ɔ, mag kɔn mivag la bisɔghe mi ŋga kūh ányúū yāná. Bisɔghe bí yégléé nɛ́ Yésus Kilístus a kūh, má mag kūh byɔ ányúū Eɓasɛ yé ɛ́ lɛ́ nyúū nyí Kilístus.

Títo 3:7

á lí ɓɔŋ nɛ́, bi ɓɛ́ sim li loole la elɔ́ŋgɔ yɛ́ɛ́ m̀mím, la ki nɛ́, la lipitá bi byɛɛ́, bi yáan ɓakoto-embámbá yé éniŋ éɓem.

Elōg-Hébɛl 1:14

Ɓaá, yíŋ áŋgɛl ɛ́sɛ ɛ́ sē ɓé ja mímbūl mí mí ŋga sále Ɔlolómɛ̄ é? Ɓaá nsɔ́n wáɓá á sē ɓé jā lí óŋgánɛ lí ɓot bí ŋga nyɛ́ɛ li kuh lí lísuŋga é?

Elōg-Hébɛl 1:2

Ndí, á nyú alɔ́ wá tiile bi byɛɛ́, Ɔlolómɛ̄ a pɔ́tɛ́ ɓɛ́hɛ li loole la Mɔɔ́n wɛ́ɛ̄. Li loole la nyɔ́ŋ Mɔɔ́n nɛ a vēg ŋkɔŋ-á-sí ásɛ la mam mí lɛ́ átē, ɔ tɛ́ɛ́yɛ́ nyɛ ŋ̀koto-embámbá yé mam mísɛ.

Elōg-Hébɛl 6:17

Nlemlem la Ɔlolómɛ̄, a kanáá-sɔŋ eceg a ŋgí sómo li kondye lí lí étɛ lí ɓákoto-embámbá ndembye nɛ́ yé a kakáánɛ ɓɔ́ ɛh byɛ́ɛ́ ɓé péndan tɔ ya.

Yákop 2:5

Ámblán á élōgyāŋ yé édiŋ, ɓaá, ah Ɔlolómɛ̄ ɓé nɛ a pɔ́hɔ̄ ɓá bí lɛ́ ɓáyɛ̄ɛ̄yɛ́ɛ li oŋle la liɛ́nɛg lí ɓot bí ŋkɔŋ-á-sí, á lí byaŋɓɛ lí ɓɔ á ŋyéɓé, la li yaanɛ lí ɓɔ ɓakoto-embámbá yé Ékombo-lóō yé a kákānɛ̄ ɓot bí ŋga dīŋ nyɛ́ é?

Pétlos 1 1:4

ányúū embámbá yé ɛ́ ŋgá cɛ́ ɓé, yé ɛ́ ŋgá ɔ́gɔ ɓé lívīn, ndí tɔ li veŋghan lí épaa yɛ́ɛ́. A nāŋʼyé ɓɛ́nɛ yéŋ embámbá á lóō.

Pétlos 1 4:13

Ndí, eceg miní ŋga nyɔ̄ŋ ŋgaan á bísɔghe bí Nyɔ́-a-Pɔ́hlɛ, kɔnán jā mívag, á lí ɓɔŋ nɛ́ eceg lipém jɛ́ɛ́ lí ŋga kɛ́ li ɛ́ni, miní ɓɛ́ á mísophɛ.

Biyɛ́ɛ́léné 21:7

Embámbá ǹdí-cíŋ a ŋga kɛ̄ li koto ɛ́g ɓɛ́ nɛ́: ma mag ɓɛ́ Lōó jɛ́ɛ́, nyɛ́g a ɓɛ́ mɔɔ́n wáma.

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.