Elōg-Lóma 8:10 - Esaa-líat ɛ́ péná

¹⁰ Ndí, kíyáɓɛ́nɛ Nyɔ́-a-Pɔ́hlɛ a lɛ átē wāná, la mbálɛ, tɔ náŋ ákaa nyuú yāná ya nyɛ́ɛ lí wú ányúū njɔm nyí miɓé, M̀búl nyɛ́ ag tíi ɓɛ́nɛ eniŋ ányúū nɛ, Ɔlolómɛ̄ a yáanɛ́ ɓɛ́nɛ ɓá bí tɛ́ɛ́ sim.

Elōg-Lóma 8:10 ပူးပေါင်းရင်းမြစ်များ

Yohánɛs 14:23

Yésus ɔ pélē nyɛ nɛ́: «Tɔ nzáá a ŋga díŋɛ ma, ag naŋɛ eɓaŋgá yáma, Etāa ki ag kɛ nyɛ́ lí díŋɛ, ma la Etāa biíg sɔ́ á yóg yɛ́ɛ̄, bi tɔ́ɔ̄ elɔŋ la nyɛ́.

Yohánɛs 15:5

Ma nɛ́ mi lɛ tín mikɔɔ mí bínyɛŋgɛ́n bí wáany, ɓɛ́nɛ munú ɓɛ́ míŋ míkɔɔ: tɔ nzáá a átɓé la ma, ndí mág ma ɓɛ́ mí átɛ la nyɛ́, ag kɛ li úm lí bínyɛŋgɛ́n ŋgandag, ányúū nɛ, miní sē ɓé nɛ maná ɓɔ̄ŋ tɔ jam ɛ́h ɓɛ́ ɓé ma.

Yohánɛs 17:23

nɛ́ mi ɓɛ́ á átē wāɓá, kaa wág ɔ lɛ á átē wama, á lí ɓɔŋ nɛ́ bí ɓɛ́ jā mut wāhwa. Váŋ nɛ́ ɓot bí ŋkɔŋ-á-sí bí ŋga kɛ li yí nɛ́ wa nɛ́ wa óm ma, la ki nɛ́ wa díŋɛ́ ɓɔ kaa wa díŋɛ́ ma.

Yohánɛs 4:14

ndí tɔ nzáá a ŋga kɛ́ li nyú lí míndīm mi ŋga kɛ́ nyɛ́ lí tíi, m̀ɓá-mɓá evéhé ɛ́ ŋga kɛ ɓé pɛ nyɛ́ lí byee; á mveŋghanɛ́ mindím mi ŋga kɛ́ nyɛ́ lí tíi, á até wɛ́ɛ̄ míg kɛ li yaan lí líŋgɛ̄n ápah eniŋ éɓem ɛ́ ŋga pámle.»

Yohánɛs 6:54

Tɔ nzáá a ŋga dí nyuú yáma, a nyú ki micii máma, a byɛ́ɛ́ eniŋ éɓem. Mág, mag kɛ nyɛ́ li pahyɛ á ɔlɔ́ vá tiile,

Yohánɛs 6:56

Tɔ nzáá a ŋga dí nyuú yáma, a nyú ki micii máma, ag ɓɛ́ á até wama, mág mi ɓɛ́ á até wɛ́ɛ̄.

Elōg-Lóma 5:12

Nlemlem á jam ki nɛ́, la pɔ̄m mut ya nɛ́ Ádam nɛ́ áɓē wá níŋgí á ŋkɔŋ-á-sí, aɓé ki wú sɔ́la nyɛmb, nyɛmb yɔg yu cámān la ɓot bísɛ, la náŋ, ɓot bísɛ ɓá ɓɔ̄ŋ áɓē,

Elōg-Lóma 5:21

Jɔ́ nɛ́, ákaa aɓé á éthɛ́ɛ́ ŋguu yɛɛ́ á lí sɔ́la lí nyɛmb, nlemlem ki nɛ́, nyí vɔ́ŋɔ́ɔ Ɔlolómɛ̄, la elɔ́ŋgɔ m̀mím yɛ́ɛ́ a yáanɛ́ ɓot bí binam sim, la náŋ, li kele la Yésus Kilístus, bíg niŋ á éɓem la á éɓem.

Elōg-Lóma 8:11

Kíyáɓɛ́ ki nɛ́ M̀búl nyú á nyɔ́ a pāhyɛ́ Yésus á póla ɓá ɓá wū á tɔ́ɔ átē wāná, ɛnɛ nyɔ́ a pāhyɛ́ Yésus Kilístus á póla ɓá ɓá wū, li kele la M̀búl wɛ́ɛ́ nyú á lɛ́ átē wāná, ag kɛ ki li niŋɛ lí nyúū yáná yí ŋga wú.

Elōg-Kɔlínto 1 15:45

Ányúū náŋ nɛ́ Lícii-Lipúán lí ŋga lága nɛ́: «Ádam, mut ɔsú a ɓɛ́ɛ́ éveglé yé míson la biveh yé yá kūh éniŋ.» Ádam nyɔ́ a tíile a lɛ M̀búl nyɔ́ a ŋga tíi eniŋ.

Elōg-Kɔlínto 2 13:5

Ɓɛ́nɛ-mɛ̄n léɓyán sig éniŋ yáná, miní ɛ́n kí nɛ́ miníg nīŋ átē a ŋyéɓé. Tɔ nɛ́, miní vá sig ɓɛ́nɛ-mɛ̄n á éceglɛ, váŋ nɛ́ miní ŋga yí kí nɛ́ Yésus Kilístus a lɛ̄ átē wāná! Ɔ ɓógtɛ́ nɛ́ maná kū yéŋ eceglɛ.

Elōg-Kɔlínto 2 4:11

Ákaa ɛ́sɛ, eceg sig, ɓɛ́hɛ ɓá bi lɛ á éniŋ, bi ɓáág jā ɓɛ́ɓɛ la nyɛmb ányúū Yésus, á li ɓɔŋ nɛ́ eniŋ yɛ́ɛ́ ki ɛ́ ɛ́nyéné ɓɛ́hɛ á nyúū nyí ɛ ŋga wú.

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Éféso 3:17

la ki nɛ́, átē a ŋyéɓé, Nyɔ́-a-Pɔ́hlɛ a tɔ́ɔ́ á mimím máná, nɛ́ ndí miní tɔ̄ɓéné átē á ediŋ, miní ólɓéné múŋ.

Elōg-Fílípi 1:23

Múŋ á nyíŋ duthá-dutha mi lɛ, mú á yé epah, mi byɛ́ɛ́ kóó lí kɛ á lí ɓɛ́ élɔŋ la Nyɔ́-a-Pɔ́hlɛ, kasig náŋ a lóohán lí ɓɛ́ lí m̀ɓɛɛŋ.

Elōg-Fílípi 3:9

mi ɓɛ́ á ŋ̀atanɛ́ la nyɛ́. Liɓɛ́ɛg jáma lí sim lí ŋgá sɔ́le ɓé á lí oŋle jáma lí mbéndá, ndí líg sɔ́le ja á ŋyéɓé mi byɛ́ɛ̄ la Nyɔ́-a-Pɔ́hlɛ. Yéŋ etɛ́l-sim ɛ́g sɔ́le la Ɔlolómɛ̄, la yɔ́ yá tɔɓéné á ŋyéɓé.

Elōg-Kólóso 1:27

A sómó lí yíhɛ lí ndog yɛ́ɛ̄ líɓɛ́ɛg lí nyíŋ mbaŋ la abyaŋ wɛ́ɛ́ á ŋgwáāg ɓot bí sē ɓé ɓɔ́ɔ̄n bí Élōg-Yúda. Nyíŋ mbaŋ ɛ lɛ́ nɛ́, Kilístus a lɛ̄ la ɓɛ́nɛ, la nyɛ́ nɛ́ miní byɛ́ɛ́ lipitá nɛ miníg níŋgi á lipém lí Ɔ́lolómɛ̄.

Elōg-Tésaloníka 1 4:16

Ányúū nɛ, eceg ŋgɛ́ŋ ya kūt, eceg bi ŋga kɛ́ li ámble lí cíŋ nyí áŋgɛl ecɛ́ŋɛ́ la nlón á nséɓá á Ɔ́lolómɛ̄, Nyɔ́ŋ-Ɛsáŋɛ́ nyɛ́-mɛ̄n ag kɛ li sɔ́le á lōó, váŋ hɔ́, ɓot ɓá wú ányúū Nyɔ́-a-Pɔ́hlɛ nɛ́ bí ŋga kɛ́ li dúgu lí lí pahye.

Elōg-Hébɛl 12:23

Maná sīŋglé ɓɛ́ɓɛ la ŋkɔtanɛ́ a ɓadúgu-libyáa, ɓá moó má ciiɓɛ́ á lóō, munú sīŋglé ɓɛ́ɓɛ la Ɔ́lolómɛ̄, ŋ̀kááhɛ ɓot bísɛ. Munú sīŋglé ki ɓɛ́ɓɛ la mimbúl mí ɓot bí tɛ́ɛ́-sim ɔ́sū ví Ɔ́lolómɛ̄ ɓá ɓá yāán ɓápūán.

Elōg-Hébɛl 9:27

Ya tɛ́ɛ́ɓɛ́ nɛ, joó nɛ mut-a-binam ag wú jā ŋgele yāhya, ámbúh nyɛ̄mb yɛ́ɛ̄ Ɔlolómɛ̄ ag kááhɛ́ nyɛ́.

Biyɛ́ɛ́léné 14:13

La ma mú ámblé cíŋ ɛg sɔ́le á lóō ɛg laga nɛ́: cií nɛ́, «Nyí vɔ́ŋɔ́ɔ, misɔ́tá la ɓá bí ŋga wúēle até á ŋyéɓé á Nyɔ́ŋ-Ɛsáŋɛ́! M̀búl ag yó kɔɔ nɛ́, bí nyɔŋ evɛɛɓan yé misɔ́n máɓá, átɔm nɛ́ misɔ́n máɓá mí m̀ɓɛɛŋ, míg oŋ ɓɔ́.»