Elōg-Lóma 7:24 - Esaa-líat ɛ́ péná

²⁴ Mā nyí ŋgɔ́ɔ́-mut, nzáá a ŋga kɛ́ ma lí pámɛ á m̀ɓog á nyí nyuú ɛ ŋga óm mā á nyɛmb é?

Elōg-Lóma 7:24 ပူးပေါင်းရင်းမြစ်များ

Matéus 5:4

Misɔ́tá la ɓawú-m̀mím, bíg kɛ li koto lí sí.

Matéus 5:6

Misɔ́tá la ɓá bí lɛ́ nzal la evéhé yé étɛ̄l-sim: bíg kɛ li yál.

Lúkas 4:18

M̀búl á Nyɔ́ŋ-Ɛsáŋɛ́ á káhɛ á lóō jáma, nyɛ́ nɛ́ a pɔ́hɔ̄ ma nɛ́ mi lɛgɛ ɓot bí ŋgɔ́ɔ́ Pɔ́l m̀ɓɛɛŋ. Ɔ óm ma li lɛgɛ lí ɓot-bí-míɓog nɛ́ bíg kɛ li tɛ́lɛ lí kundɛ; nɛ́ ɓot-bí-ndím bíg kɛ́ li ɛ́n, nɛ́ ɓá bí lɛ a ndutu, bíg kɛ́ li kuh lí étɔ́hɔ;

Elōg-Lóma 6:6

Bi sɔ́ŋtánɛ m̀ɓɛɛŋ nɛ́, nlom á mut bi ɓɛ́ɛ́, wá tomlɛ́ á mbásá élɔŋ la nyɛ́, nɛ́ ndí nyíŋ nyuú yāhá miɓé ɛh ɓɛ́ɛ́g ɓé pɛ, la ki nɛ́ bih ɓɛ́ɛ́g ɓé pɛ miyɔ́ŋ mí áɓē.

Elōg-Lóma 8:13

Átɔm nɛ́, kíyáɓɛ́nɛ miníg niŋ li oŋle la míson, miníg kɛ li wú. Ndí, kíyáɓɛ́nɛ la M̀búl Mpúán, miníg ól míɓɔŋɔg mí míson máná, miníg kɛ li niŋ.

Elōg-Lóma 8:2

átɔm nɛ́, mbéndá nyí M̀búl Mpúán nyɔ́ a ŋga tíi eniŋ á ŋ̀atanɛ́ la Yésus Kilístus ya kɔ́pɔ̄ mā á mbéndá nyí aɓé la nyí nyɛmb.

Elōg-Lóma 8:23

Ndí, bí sē ɓé byɔ́-ntámɛ́. Ɓɛ́hɛ ki ɓá, ɓaá kuh M̀búl Mpúán kaa joga lí ɔ́sū á míkaale mí Ɔ́lolómɛ̄, ɓɛ́hɛ ki bi ŋgí ɓéeg la esɔghe átē wāhá, á nlaaŋkán nɛ Ɔlolómɛ̄ ag yaanɛ ɓɛ́hɛ ɓɔɔ́n ɓɛ́ɛ́, la nyɛ́ a pámɛ́ ɓɛ́hɛ nɛ́ ɓam ɓam á m̀ɓog á nyí nyuú.

Elōg-Lóma 8:26

Náŋ ki nɛ́, ányúū aɓɔt wáhá, M̀búl Mpúán a sɔ́ ɓɛ́hɛ li óŋgánɛ, átɔm nɛ́ bi ŋgá yí ɓé ɓɛ́hɛ li kánɛ ákaa ɛ́ ŋga sōmlɛ. Ndí, M̀búl Mpúán ag kánɛ ányúū yāhá. Eceg a ŋga kánɛ, ag ɓé kaa mut nɛ́ a ŋga ɓé la esɔghe. Ɔvega vɛ́ɛ́ ví lí ɓé víg loo mam mísɛ bi ŋga lá li laga lí Ɔ́lolómɛ̄.

Elōg-Kólóso 2:11

Á ŋ̀atanɛ́ la Yésus Kilístus nɛ́ miní kwɛɛɓɛ́ɛ, ah likwɛɛ lí mut-a-binam ɓé, ndí jé lí ŋga sɔ́le la nyɛ́, á lí ɓógtɛ lí ɓɛ́nɛ kóó-míson ɛ́ ŋga óm ɓɛ́nɛ á áɓē.

Timotéo 2 4:18

Nyɔ́ŋ-Ɛsáŋɛ́ ag kɛ ma lí ɓógtɛ á jóō nɛ́ jam liɓé, ag kɛ ma lí suŋ, a níŋgɛ́ ma á Ékombo yɛ́ɛ́ yé ɛ́ lɛ́ á lóō. Lipém lí ɓɛ́ la nyɛ́ á éɓem la á éɓem! Ɛ́ ɓɛ́ náŋ.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 2:15

A kɔ̄pɔ́ ki ɓot bísɛ, ɓá woŋ á nyɛmb wá yaanɛ́ míyɔ̄ŋ á éniŋ yáɓá ɛ́sɛ.

Biyɛ́ɛ́léné 21:4

Ag kɛ ɓɔ́ lí tɔh lí bíya á miíh, nyɛmb ɛ ŋgá ɓɛ́ ɓé pɛ. Liwú lí ŋgá ɓɛ́ ɓé pɛ, tɔ milón, tɔ esɔghe, ánsī nɛ́ mam mí kwaŋ mí ŋkɔŋ-á-sí mí sē ɓé pɛ.