Elōg-Lóma 7:22 - Esaa-líat ɛ́ péná

²² kí múŋ átē wama, mbéndá Ɔlolómɛ̄ ɛg nyɛɛle ma.

Elōg-Lóma 7:22 ပူးပေါင်းရင်းမြစ်များ

Yohánɛs 4:34

Yésus ɔ lága ɓɔ nɛ́: «Lidí jama li lɛ́ ja li yáhɛ lí nsom á Ɔlolómɛ̄ nyɔ́ a óm ma la li ɓɔŋ li nsɔ́n wɛ́ɛ́.

Elōg-Lóma 2:29

Ndí liɓɛ́ɛg lí mɔ́ɔ̄n Élōg-Yúda lí lɛ́hɛ́nɛ́ ja á yé ɛ́ sɔ́lɛ̄, taŋ likwɛɛ ki ɛ lɛ̄ jā á m̀mím, yɔ nɛ́ ɛ ŋga sɔ́le la M̀búl Mpúán, ndí ah á kálati nyí mbéndá ɓé. Nyɔ́ŋ mut nɛ́ a ŋga kūh eɓégɛ ɛ́ ŋgá sɔ́le la Ɔlolómɛ̄ ndí ah la ɓot-bí-bínam ɓé.

Elōg-Lóma 8:7

Ɔɔ, li oŋle lí kóó-míson lí lɛ́ jā lí ndɔ́gɓéne lí Ɔ́lolómɛ̄, ányúū nɛ mison mí ŋgá ógle ɓé mbéndá Ɔlolómɛ̄, mí ŋgá la ɓé tɔ yɔ li ógle.

Elōg-Kɔlínto 2 4:16

Á élōgyāŋ, ányúū náŋ nɛ́ bi ŋgá yɔŋɔ ɓé ɓɛ́hɛ, ndí tɔ yá ɓɛ́ nɛ nyuú mison yahá ɛ lɛ lí kɛ puh la puh á écɛ̄hɛ, m̀búl nyú á lɛ́ átē a wāhá wɔ́ ág nyɔŋ ŋguu péná ɔlɔ́ la ɔlɔ́ sig.

Elōg-Éféso 3:16

Mag sɔ́hye nyɛ́ nɛ́, kasig a yáhɛ́ la abyaŋ á lípēm jɛ́ɛ́, M̀búl Mpúán wɛ́ɛ̄, a letɛ́ m̀búl wáná,

Elōg-Kólóso 3:9

Minaa míh ɓɛ́ɛ́g ɓé pɛ á póla yaná, átɔm nɛ́, maná cóó eɓɛ́lé yé mut a kwaŋ la miɓɔŋɔg mɛ́ɛ́,

Elōg-Hébɛl 8:10

Nyɔ́ŋ-Ɛsáŋɛ́ ag kɛ la ɔsú nɛ́: «Esaa-líat mi ŋga kɛ́ li ɓɔ̄ŋ la lilóm lí Íslāɛl, ámbúh nyúŋ alɔ́ yɔ́ yé nɛ́, eceg mi ɓɛ́ mag tíi ɓɔ́ mbéndá yáma, mag kɛ ja yɔ́ lí cíi á míɔ̄ŋɔ máɓá la á mímīm máɓá. Mag kɛ li ɓɛ́ lí Loó jáɓá, ɓɔ́g bí ɓɛ́ lilóm jáma.

Pétlos 1 3:4

ndí aláám wáná á ɓɛ́ aláám nyú á átē wāná, aláám nyú á ŋgá lɔɓe ɓé, nyú á byɛ́ɛ̄ eɓɔɓɔtɛ-m̀mím la m̀mím á nsaŋ, nyúŋ aláám nɛ a lɛ́ nsɛ́ŋ ŋgandag ɔ́sū ví Ɔlolómɛ̄.