Elōg-Lóma 7:14 - Esaa-líat ɛ́ péná

¹⁴ Ákaa ɛsɛ̄, biíg yí nɛ́ mbéndá ɛg sɔ́le la Ɔ́lolómɛ̄. Ndí ma, mi lɛ̄ jā mut-a-binam, ma nūŋlɛ, mu yáan ŋyɔ́ŋ nyú áɓē.

Elōg-Lóma 7:14 ပူးပေါင်းရင်းမြစ်များ

Matéus 16:23

Ndí Yésus ɔ yíán, a byɛ́la Pétlos nɛ́: «Ɓógó ma váŋ, nɛŋɛ́ la ma á Sátan! Ɔ lɛ́ ma yoóm míceglan, átɔm nɛ́ miɔ́ŋɔ mɔ́ɔ mí sē ɓé míɔ̄ŋɔ mí Ɔ́lolómɛ̄, ndí mí mí ɓot-bí-bínam.»

Matéus 18:25

Kasig nyɔ́ŋ mut ah ɓɛ́ɛ́la ɓé tɔ jam á lí sála lí epíl yɛ́ɛ́, káísa ɔ kānʼyɛ́ nɛ bí núŋú nyɛ́, bí núŋú ŋ̀gáá wɛ́ɛ̄, ɓɔɔ́n ɓɛ́ɛ́ la byoóm bísɛ a ɓɛ́ɛ́la á lí ɓɔŋ nɛ́ a sálá epíl yɛ́ɛ́.

Matéus 5:22

Ndí ma, mag laga ɓɛ́nɛ nɛ́: tɔ nzáá a ŋga álye mɔɔ́nyāŋ, bíg kɛ la nyɛ́ á bíkááhɛ́nɛ́. Nyɔ́ la nyɔ́ a ŋga kɛ́ li óŋo lí mɔ́ɔ̄nyāŋ nɛ́: ‹Ejóŋ-mut›! Bíg kɛla nyɛ́ á ŋkál á ɔ́ku-vicɛ́ŋ-ví-bíkāāhɛ́nɛ́. Nyɔ́ ki a ŋga óŋo nyɛ́ nɛ́: ‹Mut-a-nzeg›, a kɔ́ɔ́ nɛ́ bí léé nyɛ́ á éɓēl yé nzáan.

Matéus 5:28

Ndí ma, mag laga ɓɛ́nɛ nɛ́: tɔ nzáá a ŋga légɓe mindígá la kóó, a ɓɔ̄ŋ áɓē á ndeŋg la nyɛ́ á m̀mím wɛ́ɛ́.

Lúkas 5:8

Ɛnɛ́ Símɔn Pétlos a ɛ́n naŋ, ɔ ɓɛ́hán á míkoo mí Yésus, ɔ sɔ́hyé nyɛ́ nɛ́: «Ɛtáŋɛ, kɛnɛ́g, nɛŋɛ́ la ma, átɔm nɛ́ mí lɛ m̀ɓɔŋ-miɓé.»

Lúkas 7:6

Yésus ɔ kɛ́ elɔŋ la ɓɔ́. Ɛnɛ́ ɓá pám ɓɛ́ɓɛ la nlɛ́ɛ́, ŋ̀kanʼyɛ nlɔŋ á éɓōgo sónja ɔ óm míwāndá mɛ́ɛ́ lí laga lí Yésus nɛ́: «Ɛtáŋɛ, ɔh teeŋgɛ́gɛ́ ɓé nyúū yɔ́ɔ, átɔm nɛ́ mih kɔ́ɔ́ ɓé ma nɛ́ mi lɛ́glé wa á yóg yáma.

Elōg-Lóma 3:9

Ndí yéé! Ɓaá, ɓɛ́hɛ ɓɔɔ́n bí Élōg-Yúda biíg loo ɓáŋá ɓot ɓatám la yéé é? Á mbálɛ la tɔ jam! Átɔm nɛ́, ɓaá súgɛ́ nɛ́, ɔ ɓɛ́ mɔɔ́n Élōg-Yúda tɔ kɛ́m, ɓɛ́hɛ bísɛ bi lɛ á sí likanʼyɛ lí áɓē.

Elōg-Lóma 6:6

Bi sɔ́ŋtánɛ m̀ɓɛɛŋ nɛ́, nlom á mut bi ɓɛ́ɛ́, wá tomlɛ́ á mbásá élɔŋ la nyɛ́, nɛ́ ndí nyíŋ nyuú yāhá miɓé ɛh ɓɛ́ɛ́g ɓé pɛ, la ki nɛ́ bih ɓɛ́ɛ́g ɓé pɛ miyɔ́ŋ mí áɓē.

Elōg-Lóma 7:18

Kasig mi ŋga yí nɛ́ átē wama, náŋ ɛnɛ átē a nyúū yáma á líɓɛ́ɛg lí mut-a-binam, m̀ɓɛɛŋ a sē ɓé múŋ. Kóó ɛ lɛ̄ ma nɛ́ mi ɓɔ̄ŋ m̀ɓɛɛŋ, ndí mi ŋgá la ɓé ma,

Elōg-Gálátia 4:3

Náŋ a lɛ nlemlem á jam la ɓɛ́hɛ, éceg bi ɓɛ́ɛ́ ɓɔ́ɔ̄n ɓátɔ̄ga, bi ɓɛ́ɛ́ míyɔ̄ŋ, á sí likanʼyɛ lí biveglé bí ŋkɔŋ-á-sí.

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Hébɛl 4:12

Á mbálɛ, eɓaŋgá Ɔ́lolómɛ̄ ɛ́g nyiŋgɛ, ɛ́g sál la ŋguu, ɛ́ byɛ́ɛ́ nsɔŋ ntɔ́ga nyú á ŋga vóó li loo lí mboná nyí ɛ ŋga sɛ́m bípah bíɓáa. Ɛg níŋgi wóŋ átē, yá ɓágá m̀búl la mut-a-até, ya ɓágá ki moŋga mí nyúū la pɔ́ŋ-bíveh. Ɛg kááhɛ kóó la miɔ́ŋɔ mí m̀mím á mut-a-binam.