Elōg-Lóma 7:13 - Esaa-líat ɛ́ péná

¹³ Á élōgyāŋ, mag ɓat nɛ́, jam lí m̀ɓɛɛŋ nɛ́ lá timán lí ɓɛ́ lí njɔm nyí nyɛmb ányúū yama é? Á mbálɛ kɛ́m! Ndí aɓé nɛ́ á lɛ́ njɔm nyí nyɛmb yáma. Wá étɛ́ kɔɔ eɓɛ́lé yɛ́ɛ́ nɛ á lɛ́ áɓē nlee la eceg wá ɓɔŋlé yé ɛ́ lɛ́ m̀ɓɛɛŋ á lí óm lí mā á nyɛ̄mb. Ekanʼyɛ yé mbéndá nɛ yá ɓɔ̄ŋ nɛ́ aɓé á étɛ́ tɛɛla á vɔɔ́vɔ́ɔ ɔvega á lɛ́ kɔɔ jam liɓé, á yɛ́lɛ́ ki eɓɛ́lé yɛ́ɛ́ yé kɔ́mɔn ɛ́sɛ.

Elōg-Lóma 7:13 ပူးပေါင်းရင်းမြစ်များ

Matéus 28:8

Ɓondígá bú vóó li ɓógo á sɔŋ á sí ŋgandag woŋ la mivag. Bú nāŋgá m̀bíí li kɛ lí lí lɛgɛ lí ɓáyēge bí Yésus nyíŋ pɔ́l.

Lúkas 20:16

Ag kɛ li sɔ́, a ól ɓáŋ ɓaɛŋ bísɛ, a tí ǹdíí wɛ́ɛ́ ɓot ɓatám.» Ɛnɛ́ ɓot ɓá ámblé bíŋ biɓaŋgá, bú pélē nɛ́: «Kɛ́m, m̀ɓá!»

Elōg-Lóma 5:20

Kaa mbéndá ya sɔ́, ányúū náŋ nɛ́ áɓē wá bul. Ndí, ápah aɓé wá bul, váŋ ki nɛ́ ékɔnan-ŋgɔ́ɔ́ yé Ɔ́lolómɛ̄ yɔ́g yá loohán lí bul.

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Gálátia 3:21

Ɓaá, mbéndá ɛg tɛ́ŋgánɛ hɔ́ míkakanɛ mí Ɔlolómɛ̄ é? Kɛ́m. Kíyáɓɛ́nɛ pɔm mbéndá nyí ɛ tíéɓɛ́ɛ ɛ byɛ́ɛ́ ŋguu li niŋɛ, la mbálɛ, kí etɛ́l-sim ɛ́g sɔ́le ja á mbéndá.