Elōg-Lóma 6:4 - Esaa-líat ɛ́ péná

⁴ Li kele la nzoɓan nyí ɓaá kūh, ɓaá wú élɔŋ la nyɛ́, bu jéɓɛ̄ ki élɔŋ la nyɛ́, á li ɓɔŋ nɛ́, kaa ŋguu nyí lipém lí Étāa Ɔlolómɛ̄ ya pāhyɛ́ Yésus Kilístus á póla ɓá ɓá wū, ɓɛ́hɛ ki bi kúh eniŋ ɛ́ péná.

Elōg-Lóma 6:4 ပူးပေါင်းရင်းမြစ်များ

Yohánɛs 11:40

Yésus ɔ lága nyɛ nɛ́: «Ɓaá, máh laga ɓé wa nɛ́ kíyáɓɛ́nɛ ɔ byɛ́ɛ ŋyéɓé ɔg kɛ li ɛ́n lí lípēm lí Ɔ́lolómɛ̄ é?»

Yohánɛs 2:11

Míŋ nɛ́ mí lɛ́ mínɛ́ŋ mí ɔsú Yésus a ɓɔŋ á tísɔn nyí Kána á Galiléa. A étɛ́ lipém jɛ́ɛ́, la ɓayége ɓɛ́ɛ́ bú yéɓé la nyɛ́.

Misɔ́n mí Ɓáōmɓɛ 2:24

Ndí Ɔlolómɛ̄ a pahyɛ́ɛ́ nyɛ́, ɔ ɓógtɛ́ nyɛ á átē á ésɔghe yé nyɛ̄mb átɔm nɛ́, nyɛmb ɛh ɓɛ́ɛ́la ɓé ŋguu li byee lí nyɛ.

Misɔ́n mí Ɓáōmɓɛ 2:32

Nyɔ́ Yésus, Ɔlolómɛ̄ a pāhyɛ́ nyɛ. Ɓɛ́hɛ bísɛ bi lɛ mbóŋ.

Elōg-Lóma 6:19

Mag nyɔŋle ŋget á mam mí ŋga lóo á póla ɓot-bí-bínam, á li ɓɔŋ nɛ́ miní sɔ́ŋtánɛ m̀ɓɛɛŋ. Nlemlem kaa miní yaanɛ́ɛ bijo byáná bí nyúū míyɔ̄ŋ mí mísɔ̄n mí nyɛ́gā la mí mí mpuŋgú, misɔ́n mí mí ŋgí óm ɓɛ́nɛ á lí ndɔ́gɓéne lí Ɔ́lolómɛ̄. Nyí vɔ́ŋɔ́ɔ, miní yáanɛ́ byɔ́ míyɔ̄ŋ mí mísɔ̄n mí étɛ̄l-sim yé ɛ́ ŋga yáanɛ ɓɛ́nɛ ɓápūán.

Elōg-Lóma 6:3

Ɓaá, miníg yég nɛ́ kaa ɓɛ́hɛ bísɛ ɓá ɓaá āt la Yésus Kilístus li kele la nzoɓan ɓaá kuh, náŋ ki nɛ́ ɓaá āt la nyɛmb yɛɛ́ é?

Elōg-Lóma 6:8

Ndí kasig ɓaá wú élɔŋ la Kilístus, bi lɛ́ mbáki nɛ́ biíg kɛ ki li niŋ elɔŋ la nyɛ́.

Elōg-Lóma 6:9

Biíg yí kɔɔ nɛ́, kaa Kilístus a pāhyé á póla ɓá ɓá wū, a ŋgá wú ɓé pɛ, nyɛmb ɛ ŋgá la ɓé pɛ nyɛ́ lí ɓɔŋ lí tɔ̄ jam.

Elōg-Lóma 7:6

Ndí nyí vɔ́ŋɔ́ɔ, ɓaá ɓáglán la yé ɛ́ ŋgí tígɛ ɓɛ́hɛ á m̀ɓog, ɓaá tɛ́lɛ́ kúndɛ ɔ́sū ví mbéndá, nyaa nyí ɛ ŋga yígle nɛ́, biíg la lí ɓɔŋle lí Ɔlolómɛ̄ á mbadi péná, á sí likanʼyɛ lí M̀búl Mpúán, ndí ah á sí likanʼyɛ lí kálati-mbéndá nyí ya lóo éceg ɓé.

Elōg-Lóma 8:11

Kíyáɓɛ́ ki nɛ́ M̀búl nyú á nyɔ́ a pāhyɛ́ Yésus á póla ɓá ɓá wū á tɔ́ɔ átē wāná, ɛnɛ nyɔ́ a pāhyɛ́ Yésus Kilístus á póla ɓá ɓá wū, li kele la M̀búl wɛ́ɛ́ nyú á lɛ́ átē wāná, ag kɛ ki li niŋɛ lí nyúū yáná yí ŋga wú.

Elōg-Kɔlínto 1 6:14

Ɔlolómɛ̄ nyɔ́ a pāhyɛ́ Nyɔ́ŋ-Ɛsáŋɛ́, nyɛ́g ag kɛ ɓɛ́hɛ li pahyɛ la ŋguu yɛɛ́.

Elōg-Kɔlínto 2 13:4

La mbálɛ, a tōmlɛ́ á mbásá átē a aɓɔt wɛ́ɛ́, ndí a lɛ̄ á éniŋ la ŋguu nyí Ɔlolómɛ̄. Ɓɛ́hɛ ki bi lɛ́ áɓɔt á ŋ̀atanɛ́ la nyɛ́, ndí biíg kɛ li ɓɛ́ á éniŋ elɔŋ la nyɛ́ ányúū yāná li loole la ŋguu nyí Ɔlolómɛ̄.

Elōg-Kɔlínto 2 5:17

La ki nɛ́, kíyáɓɛ́nɛ mut a áat la Nyɔ́-a-Pɔ́hlɛ, nyɔ́ŋ mut a yáan eveglé ɛ́ péná. Yé ɛ́sɛ ɛ́ ɓɛ́ɛ́ kwaŋ yá man lí loo, léɓyán sig nɛ́ mam mísɛ má timán péná.

Elōg-Éféso 4:17

Á élōgyāŋ, jam mi ŋga lága la li yīgyɛ lí ɓɛ́nɛ á jóō lí Nyɔ́ŋ-Ɛsáŋɛ́ jɔ́ jé nɛ́: Miníh niŋíg ɓé pɛ kaa ɓot bí ŋgí yí ɓé Ɔ́lolómɛ̄, ɓá bí byɛ́ɛ̄ éyī ɛ́ ŋgíla eɓáha.

Elōg-Éféso 5:8

Á kwākwáŋɛ, miní ɓɛ́ɛ́ ɓɔ́ɔ̄n bí lívito, ndí nyí vɔ́ŋɔ́ɔ miní lɛ́ ɓɔ́ɔ̄n bí mipúú á ŋ̀atanɛ́ la Nyɔ́ŋ-Ɛsáŋɛ́. Niŋán ákaa ɓɔɔ́n bí mípūū.

Elōg-Kólóso 3:10

kasig maná yaán mut a péná, nyɔ́ a ŋgá tɔmb ɓé lí veŋe lí éniŋ yɛ́ɛ́ á lí ɓɔŋ nɛ́ a yí m̀veg nyɛ́, a púnán ki la nyɛ́.

Elōg-Kólóso 4:1

Á ɓɛ́ɛ̄n-bí-míyɔ̄ŋ, miní kóóhánɛ miyɔ́ŋ máná á nyaa ɛ tɛ́ɛ́ la ákaa ɛ́ ŋga sōmlɛ, la mí miɔ́ŋɔ nɛ́ ɓɛ́nɛ ki miní byɛ́ɛ Ɛtáŋɛ wa nyɔ́ a lɛ á lōó.

Pétlos 1 3:21

Mɔ́ nɛ́ mi ɓɛ́ɛ́ ndembye nyí nzoɓan nyí ɛ ŋga sūŋ ɓɛ́nɛ nyí lɛn, nyí ɛ ŋgá púɛ ɓé mbindo nyí nyúū, ndí nyí ɛ lɛ́ bisúghɛ́nɛ́ bí mut a byɛɛ́ miɔ́ŋɔ miláám á lí oŋ lí Ɔlolómɛ̄. Nyíŋ nzoɓan nɛ́ ɛ ŋga sūŋ ɓɛ́nɛ li kele la lipahye lí Yésus Kilístus,

Yohánɛs 1 2:6

Tɔ nzáá a ŋga laga nɛ́ a lɛ́ jam já la Ɔlolómɛ̄, a nyɛ́ɛ li wɛɛ ákaa nyɛ́-mɛ̄n a wɛ́ɛ.