Elōg-Lóma 6:22 - Esaa-líat ɛ́ péná

²² Ndí nyí vɔ́ŋɔ́ɔ, maná kūhlɛ́ á ŋgatka nyí áɓē la ɓɛ́nɛ munú yāán míndimí mí Ɔ́lolómɛ̄. Miníg sál mísɔ̄n mí ŋga yáanɛ ɓɛ́nɛ ɓápūán, lisúg jáɓá ki lí lɛ́ éniŋ éɓem.

Elōg-Lóma 6:22 ပူးပေါင်းရင်းမြစ်များ

Matéus 13:40

Nlemlem kaa bí ŋga kɛ́ li komanɛ lí líkāā-lí-ŋkóg á lí dígɛ lí jɔ, náŋ ki nɛ́ lísūg lí ŋkɔŋ-á-sí lí ŋga kɛ́ li ɓɛ́.

Matéus 13:43

Jɔ́ nɛ́, ɓot bí tɛ́ɛ́ sim bíg kɛ li paa kaa vaŋgá á Ékombo yé Ɛsáŋɛ́ wāɓá. Nyɔ́ a byɛ́ɛ̄ miɔ́ɔ́ a ámblé.»

Matéus 19:29

Jɔ́ nɛ́, nyɔ́ la nyɔ́ a ŋga yíg ndáá yɛ́ɛ́, elōgnyāŋ yé páam la yé ɓondígá, ɛsáŋɛ́, nyaŋɛ́, ɓɔɔ́n ɓɛ́ɛ́ tɔ mindíí mɛ́ɛ́ ányúū joó jáma, ag kɛ li kuh náŋ ŋgandag sīg-pɛ, ndí á kūh ki eniŋ éɓem kaa joga.

Matéus 25:46

Jɔ́ nɛ́, bíg kɛ li kuh lí ékɔ́ghɛ á éɓem la á éɓem. Ɓáŋá ki bí tɛ́ɛ́ sim, bíg kɛ li kuh lí éniŋ éɓem.»

Yohánɛs 15:16

Ah ɓɛ́nɛ ɓé nɛ maná pɔhɔ́ ma, ndí ma nɛ́ ma pɔ́hɔ̄ ɓɛ́nɛ, mu tɛ́ɛ́yɛ́ ɓɛ́nɛ ɓayége nɛ́ miní kɛ, miní úm binyɛŋgɛ́n, la nɛ́ binyɛŋgɛ́n byáná bí ɓēm, la váŋ, tɔ yé ɛ́sɛ maná ɓat Etāa á jóō jáma, ag tíi ɓɛ́nɛ yɔ́.

Yohánɛs 15:2

Tɔ wɔɔ́wɔ́ɔ ŋkɔɔ wáh úm ɓé bínyɛŋgɛ́n, Etāa ag sɛ́m wɔ́. Ndí nyú wa úm bínyɛŋgɛ́n, ag sɛ́m bípaápáa byɛ́ɛ́, á lí ɓɔŋ nɛ́ á kóndyé sīg-pɛ li úm lí bínyɛŋgɛ́n.

Yohánɛs 4:36

Nyí vɔ́ŋɔ́ɔ, mut a ŋga púmu ag kuh hɔ́ nsála wɛ́ɛ́, ag naŋɛ mpumu wɛ́ɛ́ ányúū eniŋ éɓem. La náŋ, nyɔ́ a ŋga sál la nyɔ́ a ŋga púmu bíg kɔn mivag elɔŋ.

Yohánɛs 8:32

Miníg kɛ li yí lí mbálɛ, mbálɛ ki ɛ yáanɛ́ ɓɛ́nɛ kundɛ-ɓōt.»

Elōg-Lóma 6:14

Átɔm nɛ́, aɓé á ŋgá ɓɛ́la ɓé pɛ ŋguu nyí li ɓɔŋ lí ɓɛ́nɛ jam, kasig miní sē ɓé pɛ á sí mbéndá, ndí miní niŋle á sí míkaale mí Ɔ́lolómɛ̄.

Elōg-Lóma 6:18

Maná kūhlɛ́ á ŋgatka nyí aɓé la ɓɛ́nɛ munú yāán míndimí mí étɛ̄l-sim.

Elōg-Lóma 6:21

Yé hɔ́ maná tombánɛ́ á míŋ misɔ́n é? Nyí lɛn, míg kɔnhanɛ ɓɛ́nɛ mbɔɔla, átɔm nɛ́ lisúg jáɓá lí lɛ́ jā nyɛmb.

Elōg-Lóma 7:25

Eɓégɛ ɛ́ ɓɛ́ la Ɔlolómɛ̄ nyɔ́ a ŋga kɛ́ li ɓɔŋ náŋ li loole la Yésus Kilístus Ɛtáŋɛ wahá. Mā-ntámɛ́ hɔ́ nyɔŋ. Mú, eyí yáma ɛ́g óm ma lí ógle lí mbéndá Ɔlolómɛ̄, wóŋóó ki nyuú yáma ɛg óm ma lí ógle lí mbéndá nyí aɓé.

Elōg-Lóma 7:4

Á élōgyāŋ, nlemlem la ɓɛ́nɛ ki, kasig maná āt la Yésus Kilístus nyɔ́ a wú ányúū yáná, maná mān lí ɓáglan la mbéndá á lí ɓɛ́ lí ɓot bí mut ntám. Nyɛ́ nɛ́ a pāhye á póla ɓá ɓá wū, á li ɓɔŋ nɛ́ bi wúm mitám ányúū Ɔlolómɛ̄.

Elōg-Lóma 8:2

átɔm nɛ́, mbéndá nyí M̀búl Mpúán nyɔ́ a ŋga tíi eniŋ á ŋ̀atanɛ́ la Yésus Kilístus ya kɔ́pɔ̄ mā á mbéndá nyí aɓé la nyí nyɛmb.

Elōg-Kɔlínto 1 7:22

Átɔm nɛ́, ŋyɔ́ŋ nyú wá yáŋlɛ á ŋ̀atanɛ́ la Nyɔ́ŋ-Ɛsáŋɛ́ wa tɛ́lɛ́ kundɛ la Nyɔ́ŋ-Ɛsáŋɛ́. Nlemlem á jam, mut a yáŋlɛ kí a lɛ̄ kúndɛ, a lɛ ŋyɔ́ŋ á Nyɔ́-a-Pɔ́hlɛ.

Elōg-Kɔlínto 2 3:17

Kasig Nyɔ́ŋ-Ɛsáŋɛ́ a lɛ M̀búl, ányúū náŋ nɛ́, ápah M̀búl á Nyɔ́ŋ-Ɛsáŋɛ́ a lɛ, váŋ ki nɛ́ kundɛ ɛ lɛ.

Elōg-Gálátia 1:10

Nyí vɔ́ŋɔ́ɔ, ɓaá, mi byɛ́ɛ́ kóó la ɔɔ nyí ɓot bí binam tɔ nɛ́ nyí Ɔlolómɛ̄ é? Ɓaá, mag somo li nyɛɛle lí ɓot bí binam é? Ki ɓɔŋ nɛ́ mi ŋgí somo li nyɛɛle lí ɓot-bí-bínam, kí mi sē ɓé pɛ ma m̀ɓɔŋle a Kilístus.

Elōg-Gálátia 5:13

Á élōgyāŋ, maná yáŋlɛ́ á lí ɓɛ́ lí kundɛ. Ndí nyíŋ kundɛ yāná ɛh ɓɛ́ɛ́g ɓé ɓɛ́nɛ ɔpɛ́hyé á lí yáhɛ lí kóó míson! Ndí, ediŋ yáná, ɛ́ yáanɛ́ ɓɛ́nɛ la ɓɛ́nɛ ɓaɓɔŋle.

Elōg-Gálátia 5:22

Ndí, misɔ́n mí M̀búl mí lɛ́: ediŋ, mivag, nsaŋ, eɔ́hánɛ, m̀mím-á-m̀ɓɛɛŋ, ekɔ́ɔ́, ŋyéɓé,

Elōg-Éféso 5:9

Mipúú míg sɔ́la ja mísɔ̄n mí m̀ɓɛɛŋ, etɛ́l-sim la mbálɛ.

Elōg-Fílípi 1:11

miníg kɛ li ɓɛ́ lí ɓá bí ŋga ɓɔ̄ŋ mísɔ̄n mí tɛ́ɛ́ mí ŋga sɔ́le ɓɛ́hɛ li loole la Yésus Kilístus, ányúū lipém la eɓégɛ yé Ɔ́lolómɛ̄.

Elōg-Fílípi 4:17

Náŋ a ŋgá somo ɓé lí laga nɛ́ mi lɛ á nsom á mikaale. Ndí mag somo ja mām mí ŋga yígle nɛ́, Ɔlolómɛ̄ a kóndyé ɓɛ́nɛ á yé miní byɛ́ɛ̄.

Elōg-Kólóso 1:10

nɛ́ ndí miní niŋ á nyaa ɛ tɛ́ɛ́ ɔ́sū ví Nyɔ́ŋ-Ɛsáŋɛ́, miní ɓɔŋ yé ɛ́ ŋga nyɛ́ɛle nyɛ́ eceg sig. La ki nɛ́ misɔ́n máná mí m̀ɓɛɛŋ mí úm mitám, la nɛ́ miní kóndyé lí yí lí Ɔ́lolómɛ̄ m̀ɓɛɛŋ m̀ɓɛɛŋ.

Elōg-Kólóso 4:12

Epafálas nyɔ́ a lɛ mɔ́ɔ̄n wāná nyɛ́g ag tama ɓɛ́nɛ. A lɛ m̀ɓɔŋle a Yésus Kilístus, ag du eceg ɛ́sɛ ányúū yāná átē a mikánɛ, á lí ɓɔŋ nɛ́ miníh yɔŋɓág ɓé, miní ɓɛ́ miólɓāg, miní yéɓé ki li ɓɔŋ lí nsom á Ɔ́lolómɛ̄ ásɛ.

Títo 1:1

Ma Póol, m̀ɓɔŋle a Ɔlolómɛ̄, mi lɛ ŋ̀ómɓɛ a Yésus Kilístus á lí wɛɛla lí ɓot Ɔlolómɛ̄ a pɔ́hɔ nɛ́ bí ɓɛ́la ŋyéɓé, nɛ́ mi yíhɛ́ ɓɔ́ mbálɛ, nɛ́ ndí bí tiŋɓé la Ɔlolómɛ̄,

Elōg-Hébɛl 12:14

Somlán lí ɓɛ́ lí nsaŋ la ɓot bísɛ, miní sōmó ki li niŋ lí éniŋ ɛ́ ŋga nyɛ́ɛle Ɔlolómɛ̄ yé ɛ́ lɛ́ nɛ, ah náŋ ɓé, mut tɔ wa a ŋgá kɛ ɓé lí ɛ́n lí Nyɔ́ŋ-Ɛsáŋɛ́.

Yákop 1:1

Ma Yákop, m̀ɓɔŋle a Ɔlolómɛ̄ la nyɔ́ a Nyɔ́ŋ-Ɛsáŋɛ́ Yésus Kilístus, mag tama jóom lí mílōmɛ la míɓáa mí Ɔ́lolómɛ̄ má cámān á ŋkɔŋ-á-sí ásɛ.

Pétlos 1 1:9

la náŋ miníg kuh nsɛ́ŋ nyú á ŋyéɓé wáná. Nyúŋ nsɛ́ŋ nɛ́ a lɛ́ lísuŋga jé lí mimbúl máná.

Pétlos 1 2:16

Niŋán kaa kundɛ-ɓōt, ɛ́h ɓɛ́ ɓé li ɓɔŋle lí nyíŋ kundɛ kaa ecéŋka á lí sɔɔ lí m̀mím-ɓé wáná, ndí ɓɔŋán mam kaa ɓaɓɔŋle bí Ɔ́lolómɛ̄.

Biyɛ́ɛ́léné 7:13

Váŋ nɛ́ ǹcɛ́ŋ á ékombo-lóō wa a nyɔ̄ŋ mpɔ́t ɔ ɓāt ma nɛ́: «Ɓá ɓot bí jáhɛ́ bípúpúɛ bí mbɔ́tí, bí lɛ́ ɓanzáá, bíg sɔ́léne véé é?»