Elōg-Lóma 6:16 - Esaa-líat ɛ́ péná

¹⁶ Miní ŋgá yí ɓé nɛ kí miníg sále mut kaa miyɔ́ŋ, á lí ógle lí nyɛ, ɛnɛ miní lɛ́ míyɔ̄ŋ mí nyɔ́ŋ mut miní ŋga ógle é? Náŋ ag somo li laga nɛ́, miní lɛ́ míyɔ̄ŋ mí áɓē nyú á ŋga óm á nyɛmb, tɔ nɛ́ miní lɛ́ ɓáōgle Ɔlolómɛ̄ nyɔ́ a ŋga tɛ́ɛ́yɛ ɓɛ́nɛ sim.

Elōg-Lóma 6:16 ပူးပေါင်းရင်းမြစ်များ

Matéus 20:4

Ɔ lāgá ɓɔ̄ nɛ́: ‹Ɓɛ́nɛ ki kɛnán á ǹdíí wama á bínyɛŋgɛ́n bí wáany, mag sála ɓɛ́nɛ yé ɛ́ kɔɔ́ la nsɔ́n wáná.›

Matéus 6:24

«Mut tɔ wa a sē hɔ́ ɓé nɛ a lá lí sále lí ɓásāŋɛ́ bíɓáa: tɔ yá ɓɔŋ láá, ag síŋgɛ nyɔ́ wa ndí a díŋɛ́ nyɔ́ŋɔ́, tɔ nɛ́ ag kɛ li átɓe la wa, ndí a yáŋa nyɔ́ŋɔ́. Miní sē hɔ́ ɓé nɛ maná ɓɛ́ miníg sále Ɔ́lolómɛ̄ ndí miníg sále ki ŋkuh.»

Yohánɛs 8:34

Yésus ɔ pélē ɓɔ nɛ́: «La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga ɓɔ̄ŋ aɓé a lɛ ǹdimí á áɓē.

Elōg-Lóma 11:2

Ɔlolómɛ̄ āh cóó ɓé lílōm jɛ́ɛ́, jé a dúgú lí pɔhɔ. Mi lɛ mbáki nɛ́ miníg yí m̀ɓɛɛŋ m̀ɓɛɛŋ yé Élīas a ŋgí yó á Lícii-Lipúán, eceg a ŋgí táŋglan ɔ́sū ví Ɔ́lolómɛ̄ ányúū lilóm lí Íslāɛl nɛ́:

Elōg-Lóma 12:1

Á élōgyāŋ, kasig Ɔlolómɛ̄ a ŋga kɔnle ɓɛ́hɛ ŋgɔ́ɔ́, mag sɔ́hye hɔ́ ɓɛ́nɛ nɛ́: miní tí nyɛ́ ɓɛ́nɛ-mɛ̄n kaa byoóm bí nsúlé. Li ɓotle vɔ́ŋɔ́ɔ miníg ógle nyɛ́, miníg ɓɛ́ jā ɛ́ɓɛ̄ɛ̄ la li ɓɔŋ lí yé ɛ́ ŋga nyɛ́ɛle nyɛ́. Nyíŋ patí li ɓégɛ lí nyɛ nɛ ɛ kɔɔ́.

Elōg-Lóma 6:17

Bi tí Ɔlolómɛ̄ mítamlan, átɔm nɛ́ miní ɓɛ́ɛ́ míyɔ̄ŋ mí áɓē, ndí nyí vɔ́ŋɔ́ɔ, maná lɛ́glé yé ɓá yéglɛ́ ɓɛ́nɛ, munú óglé ki yɔ́ la m̀mím wáná ásɛ.

Elōg-Kɔlínto 1 3:16

Ɓaá, miní ŋgá yí ɓé nɛ nyúū yāná ɛ lɛ̄ ndáá-ēcɛ́ŋ-Ɔlolómɛ̄ é? La ki nɛ́ M̀búl á Ɔ́lolómɛ̄ á tɔ́ɔ á átē wāná é?

Elōg-Kɔlínto 1 5:6

Yéŋ eyát yáná miní ŋga ɓɔ̄ŋ ɛ́ sē ɓé m̀ɓɛɛŋ! Ɓaá, miní ŋgá yí ɓé nɛ́ puh esaŋɛ nɛ́ ɛ́ ŋga vúhɛ fláwa ɛsɛ̄ é?

Elōg-Kɔlínto 1 6:2

Ɓaá miní ŋgá yí ɓé nɛ ndog-Ɔlolómɛ̄ nɛ ɛ ŋga kɛ́ lí kááhɛ lí ŋkɔŋ-á-sí é? Kíyáɓɛ́ hɔ́ nɛ ɓɛ́nɛ nɛ́ miní ŋga kɛ́ li kááhɛ lí ŋkɔŋ-á-sí, nɛ̄-láá hɔ́ miní kɔ́ɔ́ ɓé lí kááhɛ lí pūh mam ná é?

Elōg-Kɔlínto 1 6:3

Ɓaá, miní ŋgá yí ɓé nɛ ɓɛ́hɛ biíg kɛ li kááhɛ lí áŋgɛl é? Kí ɓa kááhɛ́ hɔ́ áŋgɛl, ɛbuu-la-ŋgele yáŋvéé la mam mí yé eniŋ é?

Elōg-Kɔlínto 1 6:9

Ɓaá, miní ŋgá yí ɓé nɛ ɓot bíh tɛ́ɛ́ ɓé sim bí ŋgá kɛ ɓé lí koto lí Ékombo Ɔ́lolómɛ̄ é? Miníh yɛ́ɛ́kɛ́gɛ́ ɓé ɓɛ́nɛ-mɛ̄n! Ɛ́ ɓɛ́ ɓot bí éniŋ ɛ́ mpuŋgú, ɛ́ ɓɛ́ ɓaɓégɛ-bisát, ɛ́ ɓɛ́ ɓot bí ndeŋg, ɛ́ ɓɛ́ páam ɛ́ ŋga ɓɔ̄ŋ mam kaa ɓondígá, ɛ́ ɓɛ́ páam ɛ́ ŋga nānte la yíŋí páam etám,

Elōg-Kɔlínto 1 9:13

Ɓaá, miní ŋgá yí ɓé nɛ ɓot bí ŋga sál á ndáá-ēcɛ́ŋ-Ɔlolómɛ̄, bíg niŋlene múŋ é? La ki nɛ́, ɓatíi-nsúlé bíg kuh ɛjáɓá jóga múŋ á míŋ mísūlé é?

Elōg-Kɔlínto 1 9:24

Á élōgyāŋ, ɓaá, miní ŋgá yí ɓé nɛ, á voóm bí ŋga náŋgle m̀bíí, ɓanāŋga-m̀bíí bísɛ bíg ɓógo elɔŋ, ndí mut wāhwa nɛ́ a ŋga kūh ɔtot é? Náŋglán hɔ́ m̀bíí nyaa nyí ɛ lɛ nɛ́ miní kuh ɔtot.

Pétlos 2 2:19

Ɓáŋ ɓot bíg kakanɛ ɓɔ́ lí tɛ́lɛ lí kundɛ, ki ɓɔ́-mɛ̄n bí lɛ́ míyɔ̄ŋ mí éniŋ ɛ́ mpuŋgú ɛ́ ŋga lɔ́ɔ ɓɔ́, ányúū nɛ mut sig ag yaan ŋyɔ́ŋ á jam lí ŋga kānʼyɛ nyɛ́.