Elōg-Lóma 6:14 - Esaa-líat ɛ́ péná

¹⁴ Átɔm nɛ́, aɓé á ŋgá ɓɛ́la ɓé pɛ ŋguu nyí li ɓɔŋ lí ɓɛ́nɛ jam, kasig miní sē ɓé pɛ á sí mbéndá, ndí miní niŋle á sí míkaale mí Ɔ́lolómɛ̄.

Elōg-Lóma 6:14 ပူးပေါင်းရင်းမြစ်များ

Matéus 1:21

Ag kɛ li byál lí mɔ́ɔ̄n-á-páam, nyɔ́ ɔ ŋgɔ kɛ̄ li lo lí jóō nɛ́ Yésus, ányúū nɛ nyɛ́ nɛ́ a ŋga kɛ́ li suŋ lí lílōm jɛ́ɛ́ á míɓē.»

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 1:17

Kasig mbéndá Ɔlolómɛ̄ ya tíéɓɛ́ ɓɛ́hɛ la Móse, ekɔnan-ŋgɔ́ɔ́ la mbálɛ bíg sɔ́lé ɓɛ́hɛ li kele la Yésus Kilístus.

Yohánɛs 8:36

La náŋ, kíyáɓɛ́nɛ Mɔɔ́n Mut nɛ́ a yáanɛ́ ɓɛ́nɛ kundɛ-ɓōt, miníg ɓɛ́ kɔɔ kundɛ-ɓōt.

Elōg-Lóma 11:6

Ányúū nɛ Ɔlolómɛ̄ a pɔ́hɔ̄ ɓɔ li oŋle la ediŋ yɛ́ɛ́, ndí ah ányúū misɔ́n máɓá ɓé. Ki ɓɔ̄ŋ nɛ́ ɛ́h ɓɛ́ɛg ányúū misɔ́n, kí édiŋ yɛ́ɛ́ ɛ́ sē ɓé taŋ ediŋ.

Elōg-Lóma 4:16

La náŋ, la ŋyéɓé nɛ bi ŋga yáan ɓakoto-embámbá, á li ɓɔŋ nɛ́ náŋ a ɓɛ́ likaale lí Ɔlolómɛ̄ la nɛ́ likakanɛ a tí mbóta Áblaháam lí yāl, ah ányúū ɓá bí ŋgá ógle mbéndá ɓɔ́-ntámɛ́ ɓé, ndí la ányúū ɓot bí byɛ́ɛ̄ ŋyéɓé káa Áblaháam ɛtáŋɛ wahá ɓɛ́hɛ bísɛ.

Elōg-Lóma 5:17

Ányúū nɛ, kíyáɓɛ́nɛ á njɔm nyí pɔ̄m mut ya, la ányúū aɓé nyú á pɔ̄m mut ya, nyɛmb ya nyɔ̄ŋ líkanʼyɛ, ɛbuu-la-ŋgele yáŋvéé hɔ́, li kele la pɔ̄m mut ya nɛ́ Yésus Kilístus, ɓot Ɔlolómɛ̄ a tí míkaale nlohanɛ́, ɔ yáanɛ́ ki ɓɔ́ kɔɔ sim á miíh mɛ́ɛ́, bí ŋga kɛ́ ɓé li kanʼyɛ á éniŋ é?

Elōg-Lóma 5:18

Á lí sɛ́m lí pɛ́m, kasig la aɓé nyú wá ɓɔ̄ŋɓɛ́ la pɔ̄m mut ya nɛ́ ɓot bísɛ ɓá kūh ékɔ́ghɛ, nlemlem ki nɛ́, la nsɔ́n á etɛ́l-sim á pɔ̄m mut ya nɛ́, Ɔlolómɛ̄ a yáanɛ́ ɓot bísɛ sim ɔ́sū vɛ́ɛ́, la ɓɔ́ bú kūh eniŋ.

Elōg-Lóma 6:12

Ɛ́ ŋgá somlɛ hɔ́ ɓé pɛ nɛ́ aɓé á kanʼyɛ́ nyí nyúū yāná ɛ ŋga wú, jɔ́ nɛ́, miníh óglégé ɓé pɛ kóó yí nyúū.

Elōg-Lóma 6:15

Ndí yéé hɔ́ é? Ɓaá, biíg nyɛɛ hɔ́ ja lí ɓɔŋ lí áɓē ányúū nɛ bi sē ɓé pɛ ɓɛ́hɛ á sí likanʼyɛ lí mbéndá, ndí bu ɓɛ́ ja á sí mikaale mí Ɔ́lolómɛ̄ é? Á mbálɛ, kɛ́m! Ɓāh nyɛɛ ɓé ɓɛ́hɛ li ɓɔŋ náŋ!

Elōg-Lóma 8:12

Jɔ́ hɔ́ nɛ, á élōgyāŋ, bi byɛ́ɛ́ epíl, ndí ah yé míson ɓé mí mí ŋga nyághánɛ ɓɛ́hɛ li nīŋ ákaa mí ŋga sómo.

Elōg-Lóma 8:2

átɔm nɛ́, mbéndá nyí M̀búl Mpúán nyɔ́ a ŋga tíi eniŋ á ŋ̀atanɛ́ la Yésus Kilístus ya kɔ́pɔ̄ mā á mbéndá nyí aɓé la nyí nyɛmb.

Elōg-Gálátia 3:23

Bi ɓɛ́ɛ́ á m̀ɓog á mbéndá sɔ́kágánɛ́ ŋyéɓé á ŋgí sɔ́, nyú Ɔlolómɛ̄ a ŋgí nyɛɛ ɓɛ́hɛ li yɛ́ɛ́léne.

Elōg-Gálátia 4:21

Laglán ma, ɓɛ́nɛ ɓá miní byɛ́ɛ̄ kóó li ɓɛ́ á sí likanʼyɛ lí mbéndá, ɓaá, manáh ámble ɓé yé nyíŋ mbéndá ɛ ŋga lága é?

Elōg-Gálátia 5:18

Ndí, kíyáɓɛ́nɛ maná mwahɛ́ nɛ M̀búl Mpúán nɛ́ a wɛ́ɛ́ la ɓɛ́nɛ, miní ŋgá ɓɛ́ ɓé á sí mbéndá.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 8:10

Nyɔ́ŋ-Ɛsáŋɛ́ ag kɛ la ɔsú nɛ́: «Esaa-líat mi ŋga kɛ́ li ɓɔ̄ŋ la lilóm lí Íslāɛl, ámbúh nyúŋ alɔ́ yɔ́ yé nɛ́, eceg mi ɓɛ́ mag tíi ɓɔ́ mbéndá yáma, mag kɛ ja yɔ́ lí cíi á míɔ̄ŋɔ máɓá la á mímīm máɓá. Mag kɛ li ɓɛ́ lí Loó jáɓá, ɓɔ́g bí ɓɛ́ lilóm jáma.