Elōg-Lóma 6:11 - Esaa-líat ɛ́ péná

¹¹ Nlemlem ki la ɓɛ́nɛ, nyɔŋáŋ ɓɛ́nɛ-mɛ̄n kaa ɓot ɓá wú á yé ɛ́ ŋga légɓe li ɓɔŋ lí áɓē, la kaa ɓot bí ŋga nīŋ ányúū Ɔlolómɛ̄ á ŋ̀atanɛ́ la Yésus Kilístus.

Elōg-Lóma 6:11 ပူးပေါင်းရင်းမြစ်များ

Yohánɛs 20:31

Ndí, mí mam má ciiɓɛ́ já á lí ɓɔŋ nɛ́ miní yéɓé nɛ́ Yésus a lɛ Nyɔ́-a-Pɔ́hlɛ, ɔ ɓɛ́ Mɔɔ́n Ɔlolómɛ̄, la nɛ́, kaa maná yéɓe, miní ɓɛ́la eniŋ éɓem a jóō jɛ́ɛ́.

Elōg-Lóma 16:27

Bi ɓégɛ́ Ɔlolómɛ̄, Ɓátúpēgɛ. Lípēm lí ɓɛ́ la nyɛ́ li kele la Yésus Kilístus á éɓem la á éɓem! Ɛ́ ɓɛ́ náŋ!

Elōg-Lóma 5:1

Á élōgyāŋ, kasig la ŋyéɓé nɛ Ɔlolómɛ̄ a yáanɛ́ ɓɛ́hɛ ɓot bí tɛ́ɛ́ sim ɔ́sū vɛ́ɛ́, nyí vɔ́ŋɔ́ɔ, bi lɛ́ nsaŋ la nyɛ́ li loole la Ɛtáŋɛ wahá Yésus Kilístus.

Elōg-Lóma 6:10

A wú ányúū li manɛ lí áɓē ŋgele ya ányúū yɔ́ ɛ́sɛ. Ndí nyí vɔ́ŋɔ́ɔ a lɛ á éniŋ, ag niŋ ányúū Ɔlolómɛ̄.

Elōg-Lóma 6:13

Miníh byelénégé ɓé pɛ bijo byáná bí nyúū á lí ɓɔŋ lí áɓē, miníh yaanɛ́gɛ́ ɓé byɔ kaa biɓɔŋlé bí mísɔ̄n míh tɛ́ɛ́ ɓé. Ndí, kaa ɓot ɓá ɓógyéné á nyɛmb li timan á éniŋ, la bijo byáná bí nyúū, bí bí lɛ́ biɓɔŋlé bí mísɔ̄n mí tɛ́ɛ́ sim, miní níŋgí á nsɔ́n á Ɔ́lolómɛ̄.

Elōg-Lóma 6:2

Á mbálɛ kɛ́m! Kasig ɓaá wú á áɓē, nɛ́-láá hɔ́ bi ŋgí niŋlégé pɛ á áɓē é?

Elōg-Lóma 6:23

La mbálɛ, nsála á áɓē á lɛ́ nyɛmb, ndí likaale Ɔlolómɛ̄ a ŋga tíi yɛmɛ́ lí lɛ́ éniŋ éɓem yé ɛ́ lɛ́léné á ŋ̀atanɛ́ la Yésus Kilístus, Ɛtáŋɛ wahá.

Elōg-Lóma 7:4

Á élōgyāŋ, nlemlem la ɓɛ́nɛ ki, kasig maná āt la Yésus Kilístus nyɔ́ a wú ányúū yáná, maná mān lí ɓáglan la mbéndá á lí ɓɛ́ lí ɓot bí mut ntám. Nyɛ́ nɛ́ a pāhye á póla ɓá ɓá wū, á li ɓɔŋ nɛ́ bi wúm mitám ányúū Ɔlolómɛ̄.

Elōg-Lóma 7:6

Ndí nyí vɔ́ŋɔ́ɔ, ɓaá ɓáglán la yé ɛ́ ŋgí tígɛ ɓɛ́hɛ á m̀ɓog, ɓaá tɛ́lɛ́ kúndɛ ɔ́sū ví mbéndá, nyaa nyí ɛ ŋga yígle nɛ́, biíg la lí ɓɔŋle lí Ɔlolómɛ̄ á mbadi péná, á sí likanʼyɛ lí M̀búl Mpúán, ndí ah á sí likanʼyɛ lí kálati-mbéndá nyí ya lóo éceg ɓé.

Elōg-Lóma 8:18

Ákaa ɛ́sɛ, mag ɔ́ŋɔ nɛ́, bí sē ɓé nɛ ɓá kēt bisɔghe bí lɛn la lipém jé Ɔ́lolómɛ̄ a ŋga kɛ́ ɓɛ́hɛ li étɛ ámbúh eceg.

Elōg-Kɔlínto 1 6:20

Mut wa a lɛ nyɔ́ a sálá díyɛ ŋgandag á lí kɔpɔ lí ɓɛ́nɛ. Ɓéghánɛ hɔ́ Ɔ́lolómɛ̄ la nyuú yāná!

Elōg-Éféso 2:7

Jɔ́ nɛ́, a étɛ́ ɓɛ́hɛ m̀mím wɛ́ɛ́ nláám á ŋ̀atanɛ́ wāhá la Yésus Kilístus, la náŋ ɔ sómo li étɛ lí ábyaŋ á ŋgíla ŋget nyú á elɔ́ŋgɔ yɛ́ɛ́ m̀mím á bíceg bí ŋga kɛ́ li sɔ́.

Elōg-Fílípi 1:11

miníg kɛ li ɓɛ́ lí ɓá bí ŋga ɓɔ̄ŋ mísɔ̄n mí tɛ́ɛ́ mí ŋga sɔ́le ɓɛ́hɛ li loole la Yésus Kilístus, ányúū lipém la eɓégɛ yé Ɔ́lolómɛ̄.

Elōg-Fílípi 4:7

La váŋ, nsaŋ á Ɔlolómɛ̄ nyú á ŋga lóo joó nɛ lisɔ́ŋtánɛ lí mut-a-binam ág kɛ li tát lí mimím maná la miɔ́ŋɔ máná á ŋ̀atanɛ́ wāná la Yésus Kilístus.

Elōg-Kólóso 2:20

Kasig maná wú la Kilístus, mam mí ŋkɔŋ-á-sí míh byɛ́ɛ́ ɓé pɛ ɓɛ́nɛ nsɛ́ŋ, ányúū yéé hɔ́ pɛ miní ŋgí niŋíg ɔ́ŋgɛn mímīm máná mí ŋgí lɛ́ á mam mí ŋkɔŋ-á-sí é? Yéé hɔ́ pɛ miní ŋgí oŋlégé mí mitiŋ nɛ́:

Elōg-Kólóso 3:17

Yé ɛ́sɛ miní ŋga pɔ́t tɔ li ɓɔŋ, ɓɔŋán yɔ́ a jóō lí Nyɔ́ŋ-Ɛsáŋɛ́ Yésus, ányúū li tíi lí Etāa Ɔlolómɛ̄ mítamlan a jóō lí nyɛ́ Yésus.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Pétlos 1 2:5

Ɓɛ́nɛ-mɛ̄n ɓɛ́án kaa ŋgɔg yí éniŋ, níŋglán á mióŋ mí ndáá ápah M̀búl a ŋga tɔ́ɓene, á lí yaan lí lilómɛ lipúán jé lí ɓatíi-nsúlé, á lí tíi lí misúlé mipúán, mí ŋga nyɛ́ɛle Ɔlolómɛ̄ li kele la Yésus Kilístus.

Pétlos 1 4:11

Kíyáɓɛ́nɛ mut a byɛ́ɛ́ nɛ́ ag pɔ́t, a lɛ́gɛ́ já éɓaŋgá Ɔlolómɛ̄. Kíyáɓɛ́nɛ mut ag sál, a sál ja la ŋguu Ɔlolómɛ̄ a tí nyɛ, á li ɓɔŋ nɛ́ li kele la Yésus Kilístus, ɓot bí tí Ɔlolómɛ̄ lipém lísɛ, átɔm nɛ́, nyɛ́ nɛ́ a byɛ́ɛ̄ ŋguu la lipém á éɓem la á éɓem. Ɛ́ ɓɛ́ náŋ!