Elōg-Lóma 5:21 - Esaa-líat ɛ́ péná

²¹ Jɔ́ nɛ́, ákaa aɓé á éthɛ́ɛ́ ŋguu yɛɛ́ á lí sɔ́la lí nyɛmb, nlemlem ki nɛ́, nyí vɔ́ŋɔ́ɔ Ɔlolómɛ̄, la elɔ́ŋgɔ m̀mím yɛ́ɛ́ a yáanɛ́ ɓot bí binam sim, la náŋ, li kele la Yésus Kilístus, bíg niŋ á éɓem la á éɓem.

Elōg-Lóma 5:21 ပူးပေါင်းရင်းမြစ်များ

Matéus 25:46

Jɔ́ nɛ́, bíg kɛ li kuh lí ékɔ́ghɛ á éɓem la á éɓem. Ɓáŋá ki bí tɛ́ɛ́ sim, bíg kɛ li kuh lí éniŋ éɓem.»

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 10:28

Jɔ́ nɛ́, mag tíi mɔ́ éniŋ éɓem; m̀ɓá-mɓá mí ŋgá kɛ ɓé li jáŋ, mut tɔ wa ki a ŋgá kɛ́ ɓé mɔ li la lí lí ɓógtɛ á mɔ máma.

Elōg-Lóma 4:13

Ákaa ɛ́sɛ, ah ányúū mbéndá Móse ɓé nɛ Áblaháam tɔ mbota yɛ́ɛ̄ ɓá kūh líkakanɛ nɛ́ ɓá nyɛɛ́ lí kuh lí ŋkɔŋ-á-sí ákaa embámbá, ndí ányúū etɛ́l-sim yé ɛ ŋga sɔ́léne á ŋyéɓé.

Elōg-Lóma 5:12

Nlemlem á jam ki nɛ́, la pɔ̄m mut ya nɛ́ Ádam nɛ́ áɓē wá níŋgí á ŋkɔŋ-á-sí, aɓé ki wú sɔ́la nyɛmb, nyɛmb yɔg yu cámān la ɓot bísɛ, la náŋ, ɓot bísɛ ɓá ɓɔ̄ŋ áɓē,

Elōg-Lóma 5:14

Nyaa nɛ́, li ɓotle á Ádam li pám nɛ́-tɛ́ɛla á Móse, nyɛmb ya dúgú lí kanʼyɛ, yu kānʼyɛ́ tɛɛla ɓá bísɛ bíh dɔ́gɓénée ɓé Ɔ́lolómɛ̄ ákaa Ádam. Ŋkwɛl á nyɛ́ Ádam ág punan la nyú á nyɔ́ a ŋgí nyɛɛ li sɔ́.

Elōg-Lóma 5:17

Ányúū nɛ, kíyáɓɛ́nɛ á njɔm nyí pɔ̄m mut ya, la ányúū aɓé nyú á pɔ̄m mut ya, nyɛmb ya nyɔ̄ŋ líkanʼyɛ, ɛbuu-la-ŋgele yáŋvéé hɔ́, li kele la pɔ̄m mut ya nɛ́ Yésus Kilístus, ɓot Ɔlolómɛ̄ a tí míkaale nlohanɛ́, ɔ yáanɛ́ ki ɓɔ́ kɔɔ sim á miíh mɛ́ɛ́, bí ŋga kɛ́ ɓé li kanʼyɛ á éniŋ é?

Elōg-Lóma 6:12

Ɛ́ ŋgá somlɛ hɔ́ ɓé pɛ nɛ́ aɓé á kanʼyɛ́ nyí nyúū yāná ɛ ŋga wú, jɔ́ nɛ́, miníh óglégé ɓé pɛ kóó yí nyúū.

Elōg-Lóma 6:14

Átɔm nɛ́, aɓé á ŋgá ɓɛ́la ɓé pɛ ŋguu nyí li ɓɔŋ lí ɓɛ́nɛ jam, kasig miní sē ɓé pɛ á sí mbéndá, ndí miní niŋle á sí míkaale mí Ɔ́lolómɛ̄.

Elōg-Lóma 6:16

Miní ŋgá yí ɓé nɛ kí miníg sále mut kaa miyɔ́ŋ, á lí ógle lí nyɛ, ɛnɛ miní lɛ́ míyɔ̄ŋ mí nyɔ́ŋ mut miní ŋga ógle é? Náŋ ag somo li laga nɛ́, miní lɛ́ míyɔ̄ŋ mí áɓē nyú á ŋga óm á nyɛmb, tɔ nɛ́ miní lɛ́ ɓáōgle Ɔlolómɛ̄ nyɔ́ a ŋga tɛ́ɛ́yɛ ɓɛ́nɛ sim.

Elōg-Lóma 6:23

La mbálɛ, nsála á áɓē á lɛ́ nyɛmb, ndí likaale Ɔlolómɛ̄ a ŋga tíi yɛmɛ́ lí lɛ́ éniŋ éɓem yé ɛ́ lɛ́léné á ŋ̀atanɛ́ la Yésus Kilístus, Ɛtáŋɛ wahá.

Elōg-Lóma 8:10

Ndí, kíyáɓɛ́nɛ Nyɔ́-a-Pɔ́hlɛ a lɛ átē wāná, la mbálɛ, tɔ náŋ ákaa nyuú yāná ya nyɛ́ɛ lí wú ányúū njɔm nyí miɓé, M̀búl nyɛ́ ag tíi ɓɛ́nɛ eniŋ ányúū nɛ, Ɔlolómɛ̄ a yáanɛ́ ɓɛ́nɛ ɓá bí tɛ́ɛ́ sim.

Títo 2:11

La mbálɛ, Ɔlolómɛ̄ a étɛ́ élɔ́ŋgɔ yɛ́ɛ́ m̀mím, yɔ́ nɛ́ ɛ́ ŋga sūŋ mbóó limut ɛsɛ̄,

Elōg-Hébɛl 4:16

Bi síŋglé hɔ́, ɛ́h ɓɛ́ ɓé woŋ tɔ wá ɓɛɓɛ la étɔɓé-líkanʼyɛ yé Ɔ́lolómɛ̄ nyɔ́ a byɛɛ́ elɔ́ŋgɔ m̀mím, á lí ɓɔŋ nɛ́ a étɛ́ ɓɛ́hɛ ekɔnan-ŋgɔ́ɔ́ yɛ́ɛ́ la elɔ́ŋgɔ yɛ́ɛ́ m̀mím, nɛ́ ndí bi kuh lióŋgánɛ á éceg ɛ́ kɔ́ɔ̄.

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.

Pétlos 2 1:1

Ma Símɔn Pétlos, m̀ɓɔŋle la ŋ̀ómɓɛ á Yésus Kilístus, mag ciile ɓɛ́nɛ ɓáŋ bísɛ maná kuh taŋ ŋyéɓé kaa ɛwáhá, li kele la etɛ́l-sim yé Yésus Kilístus nyɔ́ a lɛ Ɔlolómɛ̄ la Ǹsuŋ wahá.

Yohánɛs 1 2:25

Nyɛ́-mɛ̄n a ɓɔ̄ŋ ɓɛ́hɛ likakanɛ, jɔ́ nɛ́ lí lɛ́ éniŋ éɓem.