Elōg-Lóma 5:11 - Esaa-líat ɛ́ péná

¹¹ Li loo ki náŋ, eyát yáhá átē a Ɔlolómɛ̄ ɛ́g sɔ́le ja la Ɛtáŋɛ wahá Yésus Kilístus, nyɔ́ a lɛ̄ nɛ́, la nyɛ́, Ɔlolómɛ̄ a kóm nsaŋ la ɓɛ́hɛ nyí lɛn.

Elōg-Lóma 5:11 ပူးပေါင်းရင်းမြစ်များ

Lúkas 1:46

La Malía ɔ yó nɛ: «M̀búl wáma ásɛ ág ségɛ Nyɔ́ŋ-Ɛsáŋɛ́,

Yohánɛs 1:12

Ndí ɓot ɓá lɛ́glé yɔ, bú yéɓé ki á jóō jɛ́ɛ́, yéŋ Eɓaŋgá yá tí ɓɔ kundɛ li yaan lí ɓɔ́ɔ̄n bí Ɔlolómɛ̄.

Elōg-Lóma 11:15

Ákaa ɛ́sɛ, eceg Ɔlolómɛ̄ a váá ɓɔ́ á ŋgwáāg, a kóm nsaŋ la ŋkɔŋ-á-sí. Yéé ɛ́ ŋga kɛ́ li ɓɔŋɓɛ eceg bí ŋga timan ɓɔ́ lí lɛ́gle é? Náŋ ag kɛ li ɓɛ́ kaa li ɓógo á nyɛmb li timan á éniŋ.

Elōg-Lóma 2:17

Ndí, wa nyɔ́ ɔ ŋgɔ kātɓan li ɓɛ́ lí mɔɔ́n Élōg-Yúda, wa nyɔ́ ɔ ŋgɔ ɛ́gɓéne á mbéndá Móse, ɔ ŋgɔ vá líŋgagá la Loó jɔ́ɔ,

Elōg-Lóma 5:1

Á élōgyāŋ, kasig la ŋyéɓé nɛ Ɔlolómɛ̄ a yáanɛ́ ɓɛ́hɛ ɓot bí tɛ́ɛ́ sim ɔ́sū vɛ́ɛ́, nyí vɔ́ŋɔ́ɔ, bi lɛ́ nsaŋ la nyɛ́ li loole la Ɛtáŋɛ wahá Yésus Kilístus.

Elōg-Lóma 5:10

Ákaa ɛ́sɛ, kíyáɓɛ́nɛ la nyɛmb nyí Mɔɔ́n wɛ́ɛ̄, Ɔlolómɛ̄ a kóm nsaŋ la ɓɛ́hɛ eceg bi ɓɛ́ɛ́ ɓálem ɓɛ́ɛ́, ebuu-la-ŋgele yáŋvéé éniŋ yé Nyɔ́-a-Pɔ́hlɛ ɛ́ ŋga kɛ́ ɓé ɓɛ́hɛ li suŋ kí bu mān lí kóm lí nsaŋ la Ɔlolómɛ̄ é?

Elōg-Lóma 5:3

Li loo náŋ ki, tɔ eceg bi lɛ átē a ndutu biíg yáta, ányúū nɛ́ biíg yí nɛ́ ndutu ɛg sɔ́la kɔkɔ.

Elōg-Lóma 8:23

Ndí, bí sē ɓé byɔ́-ntámɛ́. Ɓɛ́hɛ ki ɓá, ɓaá kuh M̀búl Mpúán kaa joga lí ɔ́sū á míkaale mí Ɔ́lolómɛ̄, ɓɛ́hɛ ki bi ŋgí ɓéeg la esɔghe átē wāhá, á nlaaŋkán nɛ Ɔlolómɛ̄ ag yaanɛ ɓɛ́hɛ ɓɔɔ́n ɓɛ́ɛ́, la nyɛ́ a pámɛ́ ɓɛ́hɛ nɛ́ ɓam ɓam á m̀ɓog á nyí nyuú.

Elōg-Lóma 9:10

Ah náŋ nyɛ́-ntámɛ́ ɓé, nlemlem á jam nɛ́ wá loolé Lebéka, ɛtáŋɛ wahá Ísaak nyɛ́-ntámɛ́ nɛ́ a váá nyɛ́ líbum.

Elōg-Kɔlínto 1 10:16

Ɓaá, liɓondó lí ndómbo jé bi ŋga tíéle Ɔlolómɛ̄ mítamlan lí sē ɓé jā ŋ̀atanɛ́ wāhá la micii mí Nyɔ́-a-Pɔ́hlɛ é? Ekɔgá yé bi ŋga búg ɛ́ sē ɓé jā ŋ̀atanɛ́ wāhá la nyuú nyí Nyɔ́-a-Pɔ́hlɛ é?

Elōg-Kɔlínto 2 8:19

Li loo náŋ, Biɓasɛ bísɛ bí pɔhléé nyɛ́ á lí ɓɛ́ lí líwāndá jáhá lí dúwɛ ányúū nyúŋ nsɔ́n á ékɔnan-ŋgɔ́ɔ́, nyú bií ŋga sál ányúū lipém lí Nyɔ́ŋ-Ɛsáŋɛ́ nyɛ́-mɛ̄n, la ányúū li yáhɛ lí míɔ̄ŋɔ máhá mílāām.

Elōg-Gálátia 4:9

Ndí, nyí vɔ́ŋɔ́ɔ hɔ́ miní ŋga yí Ɔlolómɛ̄, tɔ nɛ́ nyɛ́ Ɔ́lolómɛ̄ a ŋga yí ɓɛ́nɛ, nɛ́-láá miní ŋgí óglégé míloó mí míh byɛ́ɛ́ ɓé ŋguu tɔ eɓáha é? Miní ŋgí byɛ́ɛ́ kóó li ɓɛ́ lí míyɔ̄ŋ máɓá é?

Elōg-Gálátia 5:22

Ndí, misɔ́n mí M̀búl mí lɛ́: ediŋ, mivag, nsaŋ, eɔ́hánɛ, m̀mím-á-m̀ɓɛɛŋ, ekɔ́ɔ́, ŋyéɓé,

Elōg-Fílípi 3:1

Á élōgyāŋ, á lí súgɛ lí ŋkwɛl wáma, mag laga ɓɛ́nɛ nɛ́, miní sōphɛ́ɛ la mivag á ŋ̀atanɛ́ wāná la Nyɔ́ŋ-Ɛsáŋɛ́. Náŋ a ŋgá téeŋgɛ ɓé ma á li ciile lí ɓɛ́nɛ milemlem mí mam, átɔm nɛ́ náŋ ag letɛ ɓɛ́nɛ nyuú.

Elōg-Fílípi 3:3

Á mbálɛ, titih míkwɛɛ́g mí ɓot ɛ́ lɛ́ ɓɛ́hɛ, ányúū nɛ ɓɛ́hɛ nɛ́ M̀búl á Ɔlolómɛ̄ a ŋga óŋgánɛ li ɓɔŋle lí nyɛ esaa epúán, ányúū nɛ Yésus Kilístus nɛ́ a lɛ ɓɛ́hɛ ɛyáhá éwāhlé-ŋgáŋ, la ki nɛ́ ɓɛ́hɛ bi ŋgá pitye ɓé ɓɛ́hɛ-mɛ̄n.

Elōg-Fílípi 4:4

Miní sōphɛ́ la mívag eceg ɛ́sɛ, á ŋ̀atanɛ́ wāná la Nyɔ́ŋ-Ɛsáŋɛ́. Mi ŋgí laglág sīg-pɛ nɛ́, miní sōphɛ́ la mívag!

Elōg-Kólóso 2:6

Kasig maná lɛ́glé Yésus Kilístus Nyɔ́ŋ-Ɛsáŋɛ́, wɛán élɔŋ la nyɛ́.

Pétlos 1 1:8

Nyɔ́ Yésus maná diŋɛ, ɓɛ́nɛ ŋgi lí ɛ́n lí nyɛ, nyɔ́ Yésus miní ŋga yéɓe, nyɔ́ miníh ɛ́nɛ́g ɓé. Jɔ nɛ́, miní sophɛ́ɛ la mivag mí ŋgá man ɓé, la mí mí lípēm,