Elōg-Lóma 4:9 - Esaa-líat ɛ́ péná

⁹ Míŋ misɔ́tá bí ŋga pɔ́tle, ɓaá mí lɛ́ ja ányúū ɓot ɓá kwɛɛɓɛ ɓɔ́-ntámɛ́ é? Tɔ nɛ́ mí lɛ ki ányúū bipɔ bí ɓot é? Á mbálɛ biíg laga nɛ́: «Ŋyéɓé á Áblaháam wa yíglé nɛ Ɔlolómɛ̄ a nyɔ̄ŋ nyɛ́ ákaa mut a tɛ́ɛ́ sim.»

Elōg-Lóma 4:9 ပူးပေါင်းရင်းမြစ်များ

Lúkas 2:32

mipúú mí ŋga páaye ɓá bí sē ɓé ɓɔ́ɔ̄n bí Élōg-Yúda, la lipém lí Íslāɛl lilóm jɔ́ɔ.»

Elōg-Lóma 4:10

Ndí, á yɔɔ́yɔ́ɔ eceg náŋ a ɓɔ̄ŋɓɛ é? Ɔ́sū tɔ nɛ́ ámbúh likwɛɛ jɛ́ɛ́ é? Kɛ́m ámbúh likwɛɛ jɛ́ɛ́ ɓé, ndí á ɔ́sū.

Elōg-Lóma 4:3

Á mbálɛ Licii-Lipúán líg laga nɛ́ yéé é? Licii-Lipúán líg laga nɛ́: «Áblaháam a ɓɛ́ɛ́la ŋyéɓé la Ɔlolómɛ̄, ányúū náŋ nɛ́ Ɔlolómɛ̄ a nyɔ̄ŋ nyɛ́ ákaa mut a tɛ́ɛ́ sim.»

Elōg-Gálátia 3:14

Náŋ ag yígle nɛ́ ɓot bí sē ɓé ɓɔ́ɔ̄n bí Élōg-Yúda bí kuh ndómbo nyí Áblaháam á jóō lí Yésus Kilístus, la ki nɛ́, li kele la ŋyéɓé, ɓɛ́hɛ bísɛ bi kūh M̀búl Mpúán Ɔlolómɛ̄ a kákanɛ.

Elōg-Éféso 3:8

Tɔ náŋ ákaa ma nɛ́ mi lɛ nyɔ́ a lóohán lí tígi átē á ndog-Ɔlolómɛ̄ yɔ ɛsɛ̄, ma pɔ́n nɛ ma kūh líkaale jé lí lí lɛgɛ lí mílōm mí sē ɓé ɓɔ́ɔ̄n bí Élōg-Yúda pɔ́l abyaŋ á ŋgíla lisúg nyú á Nyɔ́-a-Pɔ́hlɛ,

Elōg-Kólóso 3:11

Jɔ́ hɔ́ nɛ, ɛ́ ŋgá ɓɛ́ ɓé pɛ nɛ́ mɔ́ɔ̄n Élōg-Gelékia nyɔ́, tɔ nɛ́ mɔɔ́n Élōg-Yúda nyɔ́, ɛ́ ŋgá ɓɛ́ ɓé pɛ nɛ́ mut a kwɛ́ɛɓɛ nyɔ́ tɔ nɛ́ epɔ̄-mut yé, ɛ́ ŋgá ɓɛ́ ɓé pɛ nɛ́ ɓacɛn-bí-ɓot ɓá tɔ nɛ́ ɓɛɛ́n-bí-ŋkɔŋ ɓá, ɛ́ ŋgá ɓɛ́ ɓé pɛ nɛ́ ŋyɔ́ŋ nyú tɔ nɛ́ kundɛ-mut nyí, ndí Kilístus nɛ́ a lɛ́ byɔ́ bísɛ ányúū ɓot bísɛ.