Elōg-Lóma 4:25 - Esaa-líat ɛ́ péná

²⁵ Nyɛ́ nɛ́ Ɔ́lolómɛ̄ a tí kaa nsúlé ányúū avuha wáhá, Ɔlolómɛ̄ ɔ pāhyɛ́ ki nyɛ́ ányúū li tɛ́ɛ́yɛ lí ɓɛ́hɛ sim ɔ́sū vɛ́ɛ́.

Elōg-Lóma 4:25 ပူးပေါင်းရင်းမြစ်များ

Matéus 20:28

Náŋ ki nɛ̄ Mɔɔ́n Mut ah sɔ́ ɓé nɛ bí ɛɛlé nyɛ́, ndí a sɔ́ nɛ a ɛ́ɛ́lé ɓot, la li tíi lí éniŋ yɛ́ɛ́ á ésɛsɛ́ma á lí tɔ́hɔ lí ɔ́bul ví límut.»

Elōg-Lóma 3:25

Ɔ́lolómɛ̄ a tí nyɛ kaa nsúlé nɛ́ ndí, li kele la micii mɛ́ɛ́, a ɓɛ́ ekwag-miɓé ányúū ɓá bí ŋga yéɓé la nyɛ́. La náŋ, Ɔlolómɛ̄ a étɛ́ nɛ a ɓáág sim, nlee la eceg a mwáhɛ́ míɓē mí ɓot bí kwaŋ ŋgíla ekɔ́ghɛ,

Elōg-Lóma 5:18

Á lí sɛ́m lí pɛ́m, kasig la aɓé nyú wá ɓɔ̄ŋɓɛ́ la pɔ̄m mut ya nɛ́ ɓot bísɛ ɓá kūh ékɔ́ghɛ, nlemlem ki nɛ́, la nsɔ́n á etɛ́l-sim á pɔ̄m mut ya nɛ́, Ɔlolómɛ̄ a yáanɛ́ ɓot bísɛ sim ɔ́sū vɛ́ɛ́, la ɓɔ́ bú kūh eniŋ.

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Kɔlínto 1 15:17

Ndí Kíyáɓɛ́nɛ Nyɔ́-a-Pɔ́hlɛ āh pahye ɓé, ɛnɛ ŋyéɓé wáná a lɛ yɛ̄mɛ́, miní ŋgí tɔ́ɔ ki á míɓē máná.

Elōg-Kɔlínto 2 5:15

La ki nɛ́, Nyɔ́-a-Pɔ́hlɛ a wú ányúū ɓot bísɛ, á lí ɓɔŋ nɛ́ ɓá bí lɛ́ á éniŋ, bíh niŋíg ɓé pɛ ányúū yāɓá ɓɔ́-mɛ̄n, ndí bí nīŋ ja ányúū nyɛ́ mut a wú, la nyɛ́ ɔ pāhyé ányúū yāɓá.

Elōg-Kɔlínto 2 5:21

Yésus Kilístus nyɛ́ mut āh yí ɓé áɓē, Ɔlolómɛ̄ a ɓɛ̄glɛ́ nyɛ miɓé máhá nɛ́ ndí li loole la nyɛ́, bi yáan ɓot bí lɛ́ sim ɔ́sū ví Ɔ́lolómɛ̄.

Elōg-Gálátia 1:4

nyɛ́ Yésus a tí nyɛ́-mɛ̄n ányúū miɓé máhá á lí ɓɔŋ nɛ́ a sūŋ ɓɛ́hɛ á míɓē mí ŋkɔŋ-á-sí, li oŋle la nsom á Ɔlolómɛ̄ Etāa wahá.

Elōg-Gálátia 2:20

Mag niŋ, ndí ah mā-mɛ̄n ɓé nyɔ́ŋ, Kilístus nɛ́ a ŋga nīŋ átē wama, átɔm nɛ́, eniŋ yáma yé lɛ̄n, yé líɓɛ́ɛg lí mut-a-binam, mag niŋ yɔ́ átē a ŋyéɓé la Mɔɔ́n Ɔlolómɛ̄ nyɔ́ a dīŋ ma, ɔ wú ányúū yáma.

Elōg-Gálátia 3:13

Nyɔ́-a-Pɔ́hlɛ a sála á lí ɓógtɛ lí ɓɛ́hɛ á bílɔg bí nyíŋ mbéndá, eceg a yéɓé nyɛ́-mɛ̄n li ɓɛgɛ lí bílɔg byáhá, kasig yá ciiɓɛ́ nɛ: «Eɓómá la nyɔ́ bí ŋga pánɛ á énjēŋ.»

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Títo 2:14

Nyɛ́-mɛ̄n nɛ́ a tí éniŋ yɛ́ɛ́ ányúū yāhá, ányúū li kɔpɔ lí ɓɛ́hɛ á míɓē máhá mísɛ, la li púɛ lí ɓɛ́hɛ nɛ́ bi ɓɛ́ lílōm jɛ́ɛ́ la nɛ́ bi ɓɛ́la akwáá á lí ɓɔŋ lí mísɔ̄n mí m̀ɓɛɛŋ.

Elōg-Hébɛl 8:3

Joó nɛ ǹtíi-nsúlé ǹcɛ́ŋ a tɛ́ɛ́ɓɛ́ ányúū li tíi lí míkaale la misúlé, jɔ́ nɛ́, ɛ́ lɛ́ nsɛ́ŋ nɛ́ nyɛ́g a ɓɛ́la puh jam a ŋga tíi.

Elōg-Hébɛl 9:28

Nlemlem nɛ́, Yésus Kilístus ki a tíéɓɛ́ kaa nsúlé ŋgele yāhya, ányúū lí ɓógtɛ lí míɓē mí mbɔ́ŋgɔ limut. Ag kɛ li ɛ́ni ŋgele ya yáhɛ́ ɛ́ɓáa, ah ányúū li manɛ lí míɓē ɓé, ndí ányúū li suŋ lí ɓot bí ŋga láaŋke misɔ́ mɛ́ɛ́.

Pétlos 1 1:21

Li kele la nyɛ́ nɛ́ miní ŋga yéɓe la Ɔlolómɛ̄, nyɛ́ nɛ́ a pāhyɛ́ nyɛ á póla ɓá ɓá wū, la nyɛ́ ɔ tí nyɛ lipém, nyaa nyí ɛ lɛ̄ nɛ́ máná nāŋʼyéné ŋyéɓé wáná la lipitá jáná la Ɔlolómɛ̄.

Pétlos 1 2:24

Nyɛ́ nɛ́ a ɓɛ́gɛ̄ aɓé wáhá á nyúū yɛ́ɛ̄ á loó lí mbásá, á li ɓɔŋ nɛ́ bih ɓɛ́ɛ́g ɓé pɛ á sí likanʼyɛ lí áɓē, ndí bi nīŋ eniŋ ɛ́ tɛ́ɛ́ sim. Mbála yɛ́ɛ́ yá tɔ́ɔyɛ́ ɓɛ́nɛ mbólí.

Pétlos 1 3:18

Ákaa ɛ́sɛ, Nyɔ́-a-Pɔ́hlɛ nyɛ́-mɛ̄n a sɔ̄ghe ányúū miɓé mí ɓot-bí-bínam ŋgele ya ányúū yɔ́ ɛ́sɛ. Nyɛ́ mut a tɛ́ɛ́ sim, a sɔ̄ghé ányúū ɓá bíh tɛ́ɛ́ ɓé sim, á lí ɓɔŋ nɛ́ a kɛla ɓɛ́nɛ á mbóg Ɔlolómɛ̄. A wú átē a mison, ndí ɔ tímān á eniŋ átē a M̀búl.

Yohánɛs 1 2:2

átɔm nɛ́ a tí nyɛ́-mɛ̄n kaa nsúlé ányúū elaakɛ míɓē máhá, ah ɛmáhá mɔ́-ntámɛ́ ɓé, ndí la mí mí ŋkɔŋ-á-sí ásɛ ki.

Biyɛ́ɛ́léné 1:5

la Yésus Kilístus ki, ǹtíi mbóŋ Ɔlolómɛ̄ á nyaa ɛ tɛ́ɛ́, mut ɔsú nɛ a páhyé á póla ɓá ɓá wū la ŋ̀kanʼyɛ káísa yí ŋkɔŋ-á-sí Kilístus a lɛ nyɔ́ a ŋga diŋ ɓɛ́hɛ, nyɔ́ a ɓógtɛ́ ɓɛ́hɛ á áɓē wáhá li kele la micii mɛ́ɛ́,

Biyɛ́ɛ́léné 5:9

Bí ŋgí lɔ́ŋgɛ ŋgoso péná nɛ: «Ɔ kɔ́ɔ́ li lɛ́gle lí kálati la li kɔpɔ lí bíɓátan bí ndembye byɛ́ɛ́; ányúū nɛ ɓá sɛ́m wa líbīt, bú tí wa ákaa nsúlé; ányúū Ɔlolómɛ̄, wu sóm la micii mɔ́ɔ, ɓot bí jóō nɛ bikombo, bí jóō nɛ lilóm, bí jóō nɛ lilómɛ la ɓá bí mípɔ̄t mísɛ.

Biyɛ́ɛ́léné 7:14

La ma mu pélē nyɛ nɛ́: «Ɛtáŋɛ, wa nɛ́ ɔ ŋgɔ yí!» Váŋ nɛ́ a lága hɔ́ ma nɛ́: «Bíg pámle á éceglɛ ecɛ́ŋ. Ɓá so mbɔ́tí yáɓá átē á micii mí mɔɔ́n ntómbɛ́, la ɓɔ́ bú púɛ́ yɔ.