Elōg-Lóma 4:15 - Esaa-líat ɛ́ péná

¹⁵ Á mbálɛ, mbéndá ɛg sɔ́la ɔún ví Ɔ́lolómɛ̄. Ápah mbéndá ɛ sē ɓé, li búú lí mbéndá jɔ́g lí sē ɓé.

Elōg-Lóma 4:15 ပူးပေါင်းရင်းမြစ်များ

Yohánɛs 15:22

Ki ɓɔŋ nɛ́ mih sɔ́ ɓé ma, ki ɓɔŋ nɛ́ mih máŋlɛ́gɛ ɓé ɓɔ́, kí ɓáh ɓɔŋ ɓé áɓē. Ndí vɔ́ŋɔ́ɔ, aɓé wáɓá áh byɛ́ɛ́ ɓé élaakɛ.

Yohánɛs 3:36

Nyɔ́ a ŋga yéɓe la Mɔɔ́n, a byɛ́ɛ́ eniŋ éɓem. Nyɔ́ a ŋgá ógle ɓé Mɔ́ɔ̄n, a ŋgá kɛ ɓé lí kuh lí éniŋ, ndí, ɔún ví Ɔ́lolómɛ̄ víg tíg la nyɛ́.»

Elōg-Lóma 1:17

Ákaa ɛ́sɛ, múŋ á nyíŋ Pɔ́l M̀ɓɛɛŋ nɛ́ Ɔlolómɛ̄ a étɛ́ nɛ, ag lem nɛ́ ɓot bí lɛ́ sim kí bíg yéɓe la nyɛ́, nyúŋ ŋyéɓé wɔ́ ntámɛ́ á kɔ́ɔ. Ányúū náŋ nɛ́ Licii-Lipúán lí ŋga lága nɛ́: «Tɔ nzáá a tɛ́ɛ́ sim li oŋle la ŋyéɓé a byɛɛ́ la Ɔlolómɛ̄ ag kɛ li niŋ.»

Elōg-Lóma 5:13

átɔm nɛ́, sɔ́kágánɛ́ Ɔlolómɛ̄ ag yɛ́ɛ́léne Móse mbéndá, aɓé á dúgléé lí ɓɛ́ á ŋkɔŋ-á-sí. Ndí, á ŋgí la ɓé lí sɔ́ŋglɛ kaa aɓé kí mbéndá ɛ́ sē ɓé.

Elōg-Kɔlínto 1 15:56

Aɓé nɛ á lɛ́ nsɔŋ á nyɛmb, ŋguu nyí aɓé ki ɛ lɛ̄ mbéndá.

Elōg-Gálátia 3:10

Jɔ́ nɛ́, ɓaógle mbéndá bísɛ bí lɛ́ mílɔgɔ́g, kasig yá ciiɓɛ́ nɛ: «Eɓómá la nyɔ́ a ŋgá ɔ́hánɛ ɓé á lí yáhɛ lí yé ɛ́sɛ yá ciiɓɛ́ á kálati nyí mbéndá.»

Elōg-Gálátia 3:19

Yéé hɔ́ mbéndá ɛ ŋga sɔ́ lí ɓɔŋ vá é? Ɓá kondyé jā mbéndá á lí ɓɔŋ nɛ́ mpuŋgú á ɛ́ní nɛ́-tɛ́ɛ la á nlaaŋkán á mbota nyí ɓá tí míkakanɛ. Áŋgɛl nɛ́ yá lɛgɛ́ nyíŋ mbéndá, yú tí yɔ ǹloɛ nɛ́ a pám la yɔ á yóg ɓot-bí-bínam.

Elōg-Éféso 5:6

Mut tɔ wa ah yɛ́ɛ́kɛ́gɛ́ ɓé ɓɛ́nɛ la biyógló bí míkwɛl. Míŋ mam mísɛ míg ɓɔ̄ŋ nɛ́ Ɔlolómɛ̄ ag álye ɓot bí ŋgá ndɔ́gɓéne nyɛ́.

Elōg-Kólóso 3:6

Nyúŋ avuha ásɛ nɛ́ á ŋga ályɛ Ɔlolómɛ̄.

Yohánɛs 1 3:4

Tɔ nzáá a ɓɔŋ aɓé a tɛ́ŋgánɛ́ mbéndá nyí Ɔlolómɛ̄, átɔm nɛ́ aɓé, á lɛ́ lí tɛ́ŋgánɛ lí mbéndá nyí Ɔlolómɛ̄.

Biyɛ́ɛ́léné 19:15

Mboná nsɔŋ yu pámlé nyɛ á ányu á lí sɔghɛ lí bíkombo. Ag kɛ́ li ɓɛ́la lí ɔso ví écɛɛ á lí kanʼyɛ lí byɔ́ la ŋguu, ag kɛ li cógte lí m̀ɓálá nyú a byɛ́ɛ̄ wáany nyí ɛ ŋga tɔ̄g la ɔún ví Ɔlolómɛ̄ á Ŋguu-mísɛ.