Elōg-Lóma 4:11 - Esaa-líat ɛ́ péná

¹¹ Ámbúh náŋ, Ɔlolómɛ̄ ɔ tí nyɛ ndembye likwɛɛ nyí ɛ́ lɛ́ éɓátan-ɛ́-ndembye yé étɛ̄l-sim li kele la ŋyéɓé, tɔ náŋ ákaa a ɓɛ́ɛ́ a ŋgí lɛ épɔ. La náŋ, a timáán lí ɓɛ́ lí esáŋɛ́ a ɓot bísɛ bí lɛ́ bípɔ ɓá bí byɛ́ɛ̄ ŋyéɓé, á li ɓɔŋ nɛ́ Ɔlolómɛ̄ a yéɓé ɓɔ́ ákaa ɓot bí tɛ́ɛ́ sim.

Elōg-Lóma 4:11 ပူးပေါင်းရင်းမြစ်များ

Matéus 16:16

Símɔn Pétlos ɔ nyɔ̄ŋ hɔ́ mpɔ́t, ɔ pélē nyɛ nɛ́: «Ɔ lɛ Nyɔ́-a-Pɔ́hlɛ, Mɔɔ́n Ɔ́lolómɛ̄, Loó lí éniŋ.»

Matéus 8:11

Mag laga ki ɓɛ́nɛ nɛ́, ŋgandag ɓot ɛ́g kɛ li sɔ́léne á mípāmléné la á mínanténé mí vāŋgá á lí tɔɔ á téɓeli nyí lindémá elɔŋ la Áblaháam, Ísaak la Yákob á Ékombo lóō;

Lúkas 19:9

Váŋ nɛ́ Yésus a pɔ́t likɔlɓan la Sakíyo nɛ́: «Nyí lɛn, lisuŋga la níŋgí mú á nyú nlɛ́ɛ́, átɔm nɛ́ nyɛ́g a lɛ já mɔɔ́n Áblaháam wa.

Yohánɛs 3:33

Nyɔ́ a ŋga lɛ́gle nyíŋ mbóŋ ag yīgyɛ kɔɔ nɛ́ Ɔlolómɛ̄ a lɛ mbálɛ.

Yohánɛs 3:36

Nyɔ́ a ŋga yéɓe la Mɔɔ́n, a byɛ́ɛ́ eniŋ éɓem. Nyɔ́ a ŋgá ógle ɓé Mɔ́ɔ̄n, a ŋgá kɛ ɓé lí kuh lí éniŋ, ndí, ɔún ví Ɔ́lolómɛ̄ víg tíg la nyɛ́.»

Yohánɛs 6:35

La nyɛ́ ɔ pélē jɔ nɛ́: «Ma nɛ́ mi lɛ ékɔgá éniŋ. Tɔ nzáá a ŋga ōŋ ma, a ŋga kɛ ɓé lí tɔɔ lí nzal, nyɔ́ a ŋga yéɓe la ma, m̀ɓá-mɓá evéhé ɛ́ ŋgá byee ɓé pɛ nyɛ́.

Yohánɛs 6:40

Nsom á Etāa nyú nɛ́, Tɔ nzáá a ɛ́n Mɔɔ́n ndí a yéɓé la nyɛ́, ag kuh eniŋ éɓem. Mág, mag kɛ nyɛ́ li pahyɛ á ɔlɔ́ vá tiile.»

Yohánɛs 6:47

La mbálɛ-mbálɛ, mag laga ɓɛ́nɛ nɛ́, nyɔ́ la nyɔ́ a ŋga yéɓé, a byɛ́ɛ́ eniŋ éɓem.

Yohánɛs 8:33

La ɓɔ́ bú tímānɛ̄ nyɛ nɛ́: «Bi lɛ mbota nyí Áblaháam, m̀ɓá-mɓá bi ɓáág ŋgí lí yáan lí miyɔ́ŋ mí tɔ mut; nɛ láá hɔ́ ɔ ŋgɔ lága ɓɛ́hɛ nɛ́ biíg kɛ li yaan lí kundɛ-ɓōt é?»

Elōg-Lóma 10:11

Átɔm nɛ́, Licii-Lipúán líg laga nɛ́: «Nyɔ́ la nyɔ́ a ŋga yéɓe la nyɛ́, m̀ɓá, a ŋgá kɛ ɓé lí tám.»

Elōg-Lóma 10:4

Ányúū nɛ nsɛ́ŋ á mbéndá Móse á ɓɛ́ɛ́ ja nɛ́ ɓot bí yí Nyɔ́-a-Pɔ́hlɛ nɛ́ ndí, tɔ nzáá a ŋga yéɓe la nyɛ́, Ɔlolómɛ̄ ag tɛ́ɛ́ nyɛ́ sim.

Elōg-Lóma 10:6

Ndí, etɛ́l-sim ɛ́ ŋga sɔ́le á ŋyéɓé ɛ́g laga nɛ́: «Ɔh laglág ɓé á m̀mím wɔ́ɔ nɛ́: ‹Nzáá a ŋga kɛ́ li ɓét á lōó é›? Li laga náŋ lí lɛ́ nɛ lá somó lí mínɛ nɛ́: lí ɓét á lí yáŋa lí Nyɔ́-a-Pɔ́hlɛ nɛ́ a sūh é?

Elōg-Lóma 3:22

Ɔlolómɛ̄ ag tɛ́ɛ́yɛ sim ɓá bísɛ bí ŋga yéɓe la Yésus Kilístus, átɔm nɛ́ ah byɛ́ɛ́ ɓé ndɔ́tlán tɔ ya, ányúū nɛ,

Elōg-Lóma 3:26

ányúū eɔ́hánɛ a ɓɛ́ɛ́la. Ag étɛ etɛ́l-sim yɛ́ɛ́ á yé eceg bi byɛɛ́, nɛ́ ndí a ɓɛ́ sim, ag tɛ́ɛ́yɛ́ ki sim nyɔ́ la nyɔ́ a ŋga nīŋle á ŋyéɓé la Yésus.

Elōg-Lóma 3:30

ányúū nɛ Ɔlolómɛ̄ a lɛ jā wa. Nyɛ́ nɛ́ a ŋga kɛ́ li tɛ́ɛ́yɛ lí Élōg-Yúda sim, nlemlem ki la ɓá bí sē ɓé ɓɔ́ɔ̄n bí Élōg-Yúda li kele la ŋyéɓé bí byɛ́ɛ̄.

Elōg-Lóma 4:10

Ndí, á yɔɔ́yɔ́ɔ eceg náŋ a ɓɔ̄ŋɓɛ é? Ɔ́sū tɔ nɛ́ ámbúh likwɛɛ jɛ́ɛ́ é? Kɛ́m ámbúh likwɛɛ jɛ́ɛ́ ɓé, ndí á ɔ́sū.

Elōg-Lóma 9:30

Náŋ ag somo li laga nɛ́ yéé é? Ɓot bí sē ɓé ɓɔ́ɔ̄n bí Élōg-Yúda ɓá ɓáh somo ɓé étɛ̄l-sim ɔ́sū ví Ɔ́lolómɛ̄, ɓá kūh étɛ̄l-sim, etɛ́l-sim ɛ́ ŋga sɔ́le la ŋyéɓé.

Elōg-Lóma 9:33

ákaa yá ciiɓɛ́ nɛ́: «Léɓyán, mag tɛ́ɛ́yɛ ŋgɔg ɔɓag á tísɔn nyí Síon, liáá lí ŋgɔg lí ŋga ɓɛ́h ɓot. Ndí nyɔ́ la nyɔ́ a ŋga ɛ́gɓéne jɔ́, m̀ɓá a ŋgá kɛ ɓé lí tám.»

Elōg-Lóma 9:6

Kɛ́m, náŋ a ŋgá somo ɓé tɔ lí laga nɛ́ mikakanɛ mí Ɔ́lolómɛ̄ mí ŋgá yál ɓé. Ákaa ɛ́sɛ, ah ɓá bísɛ bí lɛ́ ɓɔ́ɔ̄n bí Íslāɛl ɓé nɛ bí lɛ́ tihtih ɛ́ ɓɔ́ɔ̄n bí lílōm lí Íslāɛl.

Elōg-Kɔlínto 2 1:22

ɔ vá ɓɛ́hɛ ɛyɛ́ɛ́ éɓátan-ɛ́-ndembye, ɔ vá ki ɓɛ́hɛ M̀búl Mpúán á mímīm kaa ndembye mbáki nyí mikaale bií ŋga kɛ́ li kuh.

Elōg-Gálátia 3:22

Ndí, Licii-Lipúán líg laga nɛ́, aɓé wá dí ŋkɔŋ-á-sí ásɛ cíŋ, á lí ɓɔŋ nɛ́ yé Ɔlolómɛ̄ a kakáánɛ nɛ́ ag kɛ li tíi, a yáhɛ yɔ́ ányúū ɓot bí yéɓe la Yésus kilístus.

Elōg-Gálátia 3:29

La náŋ, Kíyáɓɛ́nɛ miní lɛ́ ɓá bí Kilístus, ɛnɛ miní lɛ́ hɔ́ mbota nyí Áblaháam; miní lɛ́ ɓákoto-embámbá li oŋle la mikakanɛ mí Ɔ́lolómɛ̄.

Elōg-Gálátia 3:7

Maná nyɛɛ́ hɔ́ lí sɔ́ŋtánɛ nɛ́, ɓot bí byɛ́ɛ̄ ŋyéɓé nɛ́ bí lɛ́ tihtih ɓɔ́ɔ̄n bí Áblaháam.

Elōg-Gálátia 5:5

Ányúū ɓɛ́hɛ ɓá bi byɛɛ́ ŋyéɓé li kele la M̀búl Mpúán, bi byɛ́ɛ́ lipitá nɛ Ɔlolómɛ̄ ag yaanɛ ɓɛ́hɛ ɓot bí tɛ́ɛ́ sim ɔ́sū vɛ́ɛ́.

Elōg-Gálátia 6:16

Nsaŋ á Ɔ́lolómɛ̄ la ediŋ yɛ́ɛ́ bí ɓɛ́ la ɓá bísɛ bí ŋga ógle jéŋ litiŋ, nlemlem la ndog Ɔlolómɛ̄ ɛsɛ̄.

Elōg-Éféso 1:13

La nyɛ́ ki nɛ́ maná ámblé eɓaŋgá yé mbálɛ, Pɔ́l M̀ɓɛɛŋ nyí lisuŋga jáná. La nyɛ́ sīg-pɛ nɛ́ maná yéɓe, bú átyɛ́ ɓɛ́nɛ ndembye nyí ɛ lɛ̄ M̀búl Mpúán a kákanɛ. Nyɔ́ŋ M̀búl Mpúán

Elōg-Éféso 4:30

Miníh ályɛ́gɛ́ ɓé M̀búl Mpúán, nyɔ́ Ɔlolómɛ̄ a átyɛ́ ɓɛ́nɛ ákaa eɓátan-ɛ́-ndembye ányúū ɔlɔ́ ví bií ŋga kɛ́ li kɔplɛ á áɓē.

Elōg-Fílípi 3:9

mi ɓɛ́ á ŋ̀atanɛ́ la nyɛ́. Liɓɛ́ɛg jáma lí sim lí ŋgá sɔ́le ɓé á lí oŋle jáma lí mbéndá, ndí líg sɔ́le ja á ŋyéɓé mi byɛ́ɛ̄ la Nyɔ́-a-Pɔ́hlɛ. Yéŋ etɛ́l-sim ɛ́g sɔ́le la Ɔlolómɛ̄, la yɔ́ yá tɔɓéné á ŋyéɓé.

Elōg-Hébɛl 11:7

Li kele la ŋyéɓé á Nóa nɛ́ Ɔlolómɛ̄ a yíhɛ́ɛ́ nyɛ́ yé ɛ́ ŋgí nyɛɛ li ɓɔŋɓɛ, yé ɛ́ lɛ́ nɛ mut a ɓɛ́ɛ́ ŋgi lí ɛ́n. La Nóa ɔ nyɔ̄ŋ yéŋ eɓaŋgá Ɔlolómɛ̄ taŋ, la nyɛ́ ɔ óŋ éŋgāgáŋ ɛ́ ŋkúú ányúū li suŋ li m̀biya wɛ́ɛ́. La náŋ, a kūɛhɛ́ɛ ŋkɔŋ-á-sí ŋkál la Ɔlolómɛ̄ ɔ nyɔ̄ŋ nyɛ kaa mut a lɛ sim li oŋle la ŋyéɓé a ɓɛ́ɛ́la.

Pétlos 2 1:1

Ma Símɔn Pétlos, m̀ɓɔŋle la ŋ̀ómɓɛ á Yésus Kilístus, mag ciile ɓɛ́nɛ ɓáŋ bísɛ maná kuh taŋ ŋyéɓé kaa ɛwáhá, li kele la etɛ́l-sim yé Yésus Kilístus nyɔ́ a lɛ Ɔlolómɛ̄ la Ǹsuŋ wahá.

Biyɛ́ɛ́léné 9:4

Bú súŋɛ̄ wɔ nɛ́ áh sɔghɛ́gɛ́ ɓé bíkāā bí ŋkɔŋ-á-sí, biéé la yíŋí péná bíɓɛɓɛ́la bitám, ndí á sɔ̄ghɛ́ jā ɓot-bí-bínam ɓá bíh byɛ́ɛ́ ɓé éɓátan-ɛ́-ndembye Ɔlolómɛ̄ á mbɔm.