Elōg-Lóma 3:23 - Esaa-líat ɛ́ péná

²³ ɓot bísɛ ɓá mān lí ɓɔŋ áɓē, ɓɔ́ bísɛ ki bí ŋgá ɛ́n ɓé lípēm lí Ɔ́lolómɛ̄.

Elōg-Lóma 3:23 ပူးပေါင်းရင်းမြစ်များ

Elōg-Lóma 1:28

Ákaa ɓáh ɛ́n ɓé nsɛ́ŋ á lí yí lí Ɔ́lolómɛ̄, Ɔlolómɛ̄ a cóó ɓɔ múŋ á éjōŋ yáɓá éyī, nɛ́ bí ɓɔ̄ŋɔ́g mam mí ɓáh nyɛɛ ɓé lí ɓɔŋ.

Elōg-Lóma 11:32

Ányúū náŋ nɛ Ɔlolómɛ̄ a mwáhɛ nɛ ɓot bísɛ bí ndɔ́gɓéné nyɛ́, nɛ́ ndí a étɛ́ ɓɔ́ bísɛ ekɔnan-ŋgɔ́ɔ́ yɛ́ɛ́.

Elōg-Lóma 3:19

Ndí ɓɛ́hɛ, biíg yí nɛ́ yé ɛ́sɛ mbéndá Móse ɛ ŋga lága, ɛg laga yɔ́ ányúū ɓá bí ŋga nyɛ́ɛ yɔ li ógle, nɛ́ ndí ɓot bí lēg minyu, la nɛ́ ɛ́ yílɛ́ nɛ́, ɓot bísɛ á ŋkɔŋ-á-sí ɓá ku ŋkál ɔ́sū ví Ɔ́lolómɛ̄.

Elōg-Lóma 3:9

Ndí yéé! Ɓaá, ɓɛ́hɛ ɓɔɔ́n bí Élōg-Yúda biíg loo ɓáŋá ɓot ɓatám la yéé é? Á mbálɛ la tɔ jam! Átɔm nɛ́, ɓaá súgɛ́ nɛ́, ɔ ɓɛ́ mɔɔ́n Élōg-Yúda tɔ kɛ́m, ɓɛ́hɛ bísɛ bi lɛ á sí likanʼyɛ lí áɓē.

Elōg-Lóma 5:2

Li loole la Yésus Kilístus, ndí la ŋyéɓé bi byɛɛ́ la nyɛ́ ki, nzen ya lēglɛ́ ɓɛ́hɛ á lí kuh lí likaale lí Ɔ́lolómɛ̄ jé bi byɛɛ́ kɔɔ, bu válé ki liŋgagá jáhá á lípitá bi byɛɛ́ nɛ biíg kɛ li nyɔŋ lí ŋgaan á lípēm lí Ɔ́lolómɛ̄.

Elōg-Gálátia 3:22

Ndí, Licii-Lipúán líg laga nɛ́, aɓé wá dí ŋkɔŋ-á-sí ásɛ cíŋ, á lí ɓɔŋ nɛ́ yé Ɔlolómɛ̄ a kakáánɛ nɛ́ ag kɛ li tíi, a yáhɛ yɔ́ ányúū ɓot bí yéɓe la Yésus kilístus.

Elōg-Tésaloníka 1 2:12

Ɓaá éélé ɓɛ́nɛ, bu létɛ́ ɓɛ́nɛ nyúū, bu lóohán ɓɛ́nɛ li sɔ́hye nɛ́ miní nīŋ ákaa Ɔlolómɛ̄ a ŋga sómo, nyɛ́ mut a yáŋá ɓɛ́nɛ á lí ɓɛ́la lí joga á Ékombo yɛ́ɛ́ la á lípēm jɛ́ɛ́.

Elōg-Tésaloníka 2 2:14

Ányúū náŋ nɛ́ Ɔlolómɛ̄ a yáŋléé ɓɛ́nɛ li kele la Pɔ́l M̀ɓɛɛŋ bi lɛgléé ɓɛ́nɛ, nɛ́ ndí miní ɓɛ́la joga á lipém lí Ɛtáŋɛ wahá Yésus Kilístus.

Elōg-Hébɛl 4:1

Ɔlolómɛ̄ a yíg ɓɛ́hɛ mikakanɛ nɛ́ biíg la li níŋgi á vóōm a ɓōŋhán ɓɛ́hɛ evɛɛɓan. Nyɔŋán hɔ́ lítāt nɛ mut waná tɔ wa ah súúg ɓé lí níŋgi átē,

Pétlos 1 4:13

Ndí, eceg miní ŋga nyɔ̄ŋ ŋgaan á bísɔghe bí Nyɔ́-a-Pɔ́hlɛ, kɔnán jā mívag, á lí ɓɔŋ nɛ́ eceg lipém jɛ́ɛ́ lí ŋga kɛ́ li ɛ́ni, miní ɓɛ́ á mísophɛ.

Pétlos 1 5:1

Mag kwɛlɛ hɔ́ ɓácɛ̄ŋ bí éɓasɛ bí lɛ́ á póla yaná, ányúū nɛ mág mi lɛ ǹcɛ́ŋ a eɓasɛ kaa ɓɔ́. Mi lɛ mbóŋ nyí bisɔghe Nyɔ́-a-Pɔ́hlɛ a kūh, ma mut ma yáŋlɛ́ á li nyɔŋ lí ŋgaan á lípēm lí ŋga kɛ́ li ɛ́ni. Á ɓácɛ̄ŋ bí éɓasɛ, mag tíi ɓɛ́nɛ míkūndá nɛ́:

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.