Elōg-Lóma 2:29 - Esaa-líat ɛ́ péná

²⁹ Ndí liɓɛ́ɛg lí mɔ́ɔ̄n Élōg-Yúda lí lɛ́hɛ́nɛ́ ja á yé ɛ́ sɔ́lɛ̄, taŋ likwɛɛ ki ɛ lɛ̄ jā á m̀mím, yɔ nɛ́ ɛ ŋga sɔ́le la M̀búl Mpúán, ndí ah á kálati nyí mbéndá ɓé. Nyɔ́ŋ mut nɛ́ a ŋga kūh eɓégɛ ɛ́ ŋgá sɔ́le la Ɔlolómɛ̄ ndí ah la ɓot-bí-bínam ɓé.

Elōg-Lóma 2:29 ပူးပေါင်းရင်းမြစ်များ

Lúkas 11:39

Nyɔ́ŋ-Ɛsáŋɛ́ a byɛ́la nyɛ́ nɛ́: «Nyí vɔ́ŋɔ́ɔ, ɓɛ́nɛ ɓɔɔ́n bí Élōg-Falísái, miníg púɛ já mbúh míɓondó la yí tándi, ndí até wāná a yáhɛ la peg yí wíī la miɔ́ŋɔ miɓé.

Lúkas 17:21

Bí ŋgá kɛ ɓé li laga nɛ́: Jɔ́ jé vá tɔ nɛ́ Jɔ́ jéŋé wóŋóó. Kɔɔ la mbálɛ, Likanʼyɛ lí Ɔlolómɛ̄ li lɛ́ á póla yaná.»

Yohánɛs 12:43

Á mbálɛ nɛ́, bí ŋgí ɛ́n lípēm lí ŋga sɔ́le ɓɔ́ la ɓot-bí-bínam nsɛ́ŋ li loo lí jé lí ŋga sɔ́le la Ɔlolómɛ̄.

Yohánɛs 4:23

Ndí eceg ɛ́g kɛ li sɔ́, yɔ́ yágá ki yé, ápah tihtih ɛ́ ɓáɓégɛ Etāa bí ɓɛ́ bíg ɓɛ́gɛ nyɛ́ á m̀búl la átē á mbálɛ. Kɔɔ la mbálɛ, yíŋ nyaa ɓáɓégɛ nɛ́ Etāa a ŋga sómo.

Yohánɛs 5:44

Nɛ́-láá hɔ́ miní ŋga lá li yéɓe, kíyáɓɛ́nɛ miníg tíélán lipém ɓɛ́nɛ la ɓɛ́nɛ ndí manáh somó ɓé lípēm lí ŋga sɔ́le la Ɔlolómɛ̄ nyɛ́-ntámɛ́ é?

Elōg-Lóma 14:17

Ákaa ɛ́sɛ, Likanʼyɛ lí Ɔ́lolómɛ̄ lí sē ɓé jam lí lídī tɔ jé lí bínyūnyú. Lí lɛ́ jā étɛ̄l-sim, nsaŋ la mivag bí ŋga sɔ́le la M̀búl Mpúán.

Elōg-Lóma 2:27

Nyɔ́ŋ mut, á éɓɛ̄lé yɛ́ɛ́ yé épɔ, kíyáɓɛ́nɛ a yáhɛ́ yé mbéndá ɛ ŋga lága, ag kɛ wa lí kááhɛ, wá nyɔ́ ɓá tí kálati nyí mbéndá, wu kwɛ́ɛɓɛ, ndí ɔh óglé ɓé mbéndá.

Elōg-Lóma 3:1

Á élōgyāŋ, La náŋ hɔ́, ɓaá mɔɔ́n Élōg-Yúda ag loo ɓáŋá ɓot ɓatám la yéé é? Ɓaá likwɛɛ lí byɛ́ɛ nsɛ́ŋ á yéé é?

Elōg-Lóma 7:6

Ndí nyí vɔ́ŋɔ́ɔ, ɓaá ɓáglán la yé ɛ́ ŋgí tígɛ ɓɛ́hɛ á m̀ɓog, ɓaá tɛ́lɛ́ kúndɛ ɔ́sū ví mbéndá, nyaa nyí ɛ ŋga yígle nɛ́, biíg la lí ɓɔŋle lí Ɔlolómɛ̄ á mbadi péná, á sí likanʼyɛ lí M̀búl Mpúán, ndí ah á sí likanʼyɛ lí kálati-mbéndá nyí ya lóo éceg ɓé.

Elōg-Kɔlínto 1 4:5

Ányúū náŋ, miníh kááhɛ́gɛ́ ɓé eceg ŋgí lí kɔ́lan, sɔ́kágánɛ́ Nyɔ́ŋ-Ɛsáŋɛ́ ag sɔ́. Nyɛ́ nɛ́ a ŋga kɛ́ li pámɛ á mípūū yé ɛ́sɛ ɛ́ sɔ́lɛ̄ á lívito, ag kɛ ki li yɛ́lɛ lí míɔ̄ŋɔ mí mímīm. La váŋ, Ɔlolómɛ̄ ag kɛ li ségɛ lí mut sig á nyaa ɛ kɔ́ɔ̄ la nyɛ́.

Elōg-Kɔlínto 1 7:19

Likwɛɛ lí sē ɓé tɔ jam, á liɓɛ́ɛg lí épɔ ki lí sē ɓé tɔ jam, yé ɛ́ lɛ́ nsɛ́ŋ ɛ́ lɛ́ lí ógle lí bíkanʼyɛ́nɛ́ bí Ɔlolómɛ̄.

Elōg-Kɔlínto 2 10:18

Ah mut a ŋga séme nyɛ́-mɛ̄n ɓé nɛ Nyɔ́ŋ-Ɛsáŋɛ́ a ŋga dítɛ, ndí Nyɔ́ŋ-Ɛsáŋɛ́ nɛ a ŋga dítɛ mut nyɛ́ a ŋga séme.

Elōg-Kɔlínto 2 3:6

Nyɛ́ nɛ́ a yáanɛ́ ɓɛ́hɛ ɓá bí kɔ́ɔ̄ lí ɓɛ́ lí ɓáɓɔŋle bí Ésaa-líat ɛ́ péná, ah jé ɓé lí ŋga ōŋle mbéndá nyí ya cíiɓɛ, ndí jé lí M̀búl Mpúán, átɔm nɛ́ mbéndá ya cíiɓɛ ɛg óm á nyɛmb, ndí M̀búl Mpúán ag tíi eniŋ.

Elōg-Fílípi 3:3

Á mbálɛ, titih míkwɛɛ́g mí ɓot ɛ́ lɛ́ ɓɛ́hɛ, ányúū nɛ ɓɛ́hɛ nɛ́ M̀búl á Ɔlolómɛ̄ a ŋga óŋgánɛ li ɓɔŋle lí nyɛ esaa epúán, ányúū nɛ Yésus Kilístus nɛ́ a lɛ ɓɛ́hɛ ɛyáhá éwāhlé-ŋgáŋ, la ki nɛ́ ɓɛ́hɛ bi ŋgá pitye ɓé ɓɛ́hɛ-mɛ̄n.

Elōg-Tésaloníka 1 2:4

Ndí, kasig Ɔlolómɛ̄ a ɛ́n nɛ bi kɔ́ɔ, ányúū náŋ nɛ́ a tí ɓɛ́hɛ nsɔ́n á lí lɛgɛ lí Pɔ́l M̀ɓɛɛŋ yɛ́ɛ̄ kaa ɛ́ ŋga sōmlɛ. Ányúū náŋ nɛ́ bi ŋga lɛ́gɛ yɔ, ah ányúū li nyɛɛle lí ɓot ɓé, ndí ányúū lí nyɛɛle lí Ɔlolómɛ̄ nyɔ́ a ŋga yí mímīn máhá.

Pétlos 1 3:4

ndí aláám wáná á ɓɛ́ aláám nyú á átē wāná, aláám nyú á ŋgá lɔɓe ɓé, nyú á byɛ́ɛ̄ eɓɔɓɔtɛ-m̀mím la m̀mím á nsaŋ, nyúŋ aláám nɛ a lɛ́ nsɛ́ŋ ŋgandag ɔ́sū ví Ɔlolómɛ̄.