Elōg-Lóma 2:1 - Esaa-líat ɛ́ péná

¹ Á mɔ́ɔ̄nyɔ̄ŋ, wá nyɔ́ ɔ ŋgɔ kááhɛ ɓáŋá ɓátām ɓaá kwɛlene, tɔ̄ wa ɓɛ́ nzáá, ɔ ŋgɔ́ kɛ ɓé lí kuh lí élaakɛ, átɔm nɛ́ eceg ɔ ŋgɔ kááhɛ ɓot ɓatám, ndí ɔg ɓɔŋ nlemlem kaa ɓɔ́, wā-mɛ̄n ɔg pámɛ mbag nyí ŋkál wɔ́ɔ.

Elōg-Lóma 2:1 ပူးပေါင်းရင်းမြစ်များ

Lúkas 12:14

La Yésus ɔ bíhī nyɛ nɛ́: «Nzáá a tɛ́ɛ́yɛ́ ma li ɓɛ́ lí ŋ̀kááhɛ waná tɔ ŋ̀kaa-lisaŋgó jáná é?»

Lúkas 19:22

Ŋ̀kanʼyɛ a byɛ́la nyɛ́ nɛ́: ‹Li oŋle la biɓaŋgá byɔ́ɔ nɛ́ mi ŋga kɛ́ wa li kááhɛ; m̀ɓɔŋle m̀ɓé kaa wa! Ɔ ŋgɔ yí nɛ́ mi lɛ́ ŋ̀kat á mut, nɛ́ mag nyɔŋ yé māh naŋɛ ma, mag pumu yé māh sál ma;

Lúkas 6:37

Miníh kááhɛ́gɛ́ ɓé tɔ mut á lí ɓɔŋ nɛ́, ɓɔ́g bí kááhɛ́gɛ́ ɓé ɓɛ́nɛ; miníh tíág ɓé mut mbag eɓé, á li ɓɔŋ nɛ́ ɓɛ́nɛ ki miníh kuhúg ɓé mbag eɓé. Laakánɛ, ɓɔ́g bíg kɛ ɓɛ́nɛ li laakɛ.

Elōg-Lóma 14:22

Yé ɔ ŋgɔ ɔ́ŋɔ likɔlɓan la nyúŋ ŋkwɛl, náŋɛ̄ yɔ́ átē wɔ́ɔ ɔ́sū ví Ɔ́lolómɛ̄, ɓɛ́ mbáki la yé ŋyéɓé wɔ́ɔ á ŋga lága wa. Misɔ́tá la nyɔ́ a ŋgá kuɛhɛ ɓé nyɛ́-mɛ̄n ŋkál, ki ɔ súgɛ́ nɛ ag oŋle cíŋ-m̀mím yɛ́ɛ̄.

Elōg-Lóma 2:2

Ndí, biíg yí nɛ́ ɓot bí ŋga ɓɔŋ míŋ mam, Ɔlolómɛ̄ ag kááhɛ á nyaa ɛ tɛ́ɛ́.

Elōg-Lóma 2:3

Ɔg ɔ́ŋɔ nɛ́ wā mut ɔ ŋgɔ kááhɛ ɓot bí ŋga ɓɔ̄ŋ nyíŋ nyaa mām kí ɔg ɓɔŋ nlemlem á jam, ɓaá ekɔ́ghɛ Ɔ́lolómɛ̄ ɛ́g kɛ wa lí yíg é?

Elōg-Lóma 3:9

Ndí yéé! Ɓaá, ɓɛ́hɛ ɓɔɔ́n bí Élōg-Yúda biíg loo ɓáŋá ɓot ɓatám la yéé é? Á mbálɛ la tɔ jam! Átɔm nɛ́, ɓaá súgɛ́ nɛ́, ɔ ɓɛ́ mɔɔ́n Élōg-Yúda tɔ kɛ́m, ɓɛ́hɛ bísɛ bi lɛ á sí likanʼyɛ lí áɓē.

Elōg-Lóma 9:20

Wā mut-a-binam, ɔ lɛ́ hɔ́ nzáá á lí kál la Ɔ́lolómɛ̄ é? Ɓaá, m̀ɓaŋāg-á-jam ág la li ɓat lí m̀ɓaŋ jɔ́ nɛ́: «Ányúū yéé wa ɓāŋ ma ná é?»

Elōg-Kɔlínto 1 4:5

Ányúū náŋ, miníh kááhɛ́gɛ́ ɓé eceg ŋgí lí kɔ́lan, sɔ́kágánɛ́ Nyɔ́ŋ-Ɛsáŋɛ́ ag sɔ́. Nyɛ́ nɛ́ a ŋga kɛ́ li pámɛ á mípūū yé ɛ́sɛ ɛ́ sɔ́lɛ̄ á lívito, ag kɛ ki li yɛ́lɛ lí míɔ̄ŋɔ mí mímīm. La váŋ, Ɔlolómɛ̄ ag kɛ li ségɛ lí mut sig á nyaa ɛ kɔ́ɔ̄ la nyɛ́.

Elōg-Kɔlínto 1 7:16

Ákaa ɛ́sɛ, á míndīgá, ɓaá, ɔg yí kí nɛ́ ɔg kɛ li suŋ lí nlóm wɔ́ɔ é? Á páam, ɓaá, ɔg yí kí nɛ́ ɔg kɛ li suŋ lí ŋ̀gáá wɔ́ɔ é?

Yákop 2:20

Á énāān-ɛ́-mut yé, ɓaá, nyí vɔ́ŋɔ́ɔ ɔg sɔ́ŋtánɛ nɛ́ ŋyéɓé á ŋgíla misɔ́n á lɛ́ yɛ̄mɛ́ é?

Yákop 4:11

Á élōgyāŋ, miníh sɔgkágán ɓé ɓɛ́nɛ la ɓɛ́nɛ. Tɔ nzáá a ŋga sɔ̄g mɔɔ́nɛ́sāŋ ndí tɔ li kááhɛ lí nyɛ, ɛnɛ a pɔ́t áɓē likɔlɓan la mbéndá, ɔ kááhɛ ki yɔ. Ndí kíyáɓɛ́nɛ ɔg kááhɛ mbéndá, ɛnɛ ɔ ŋgɔ́ oŋle ɓé yɔ, wa yáan jā ŋ̀kááhɛ yɔ.