Elōg-Lóma 15:16 - Esaa-líat ɛ́ péná

¹⁶ mi ɓɛ́ m̀ɓɔŋle a Yésus Kilístus á ŋgwáāg ɓot bí sē ɓé ɓɔ́ɔ̄n bí Élōg-Yúda. Ma yáŋlɛ́ á nyúŋ nsɔ́n á li lɛgɛ lí Pɔ́l M̀ɓɛɛŋ nyí Ɔlolómɛ̄, á lí ɓɔŋ nɛ́ ɓot bí sē ɓé ɓɔɔ́n bí Élōg-Yúda bí ɓɛ́ nsúlé nyú M̀búl Mpúán a púɛ nɛ́ á nyɛɛle Ɔ́lolómɛ̄.

Elōg-Lóma 15:16 ပူးပေါင်းရင်းမြစ်များ

Misɔ́n mí Ɓáōmɓɛ 13:2

Ɔlɔ́ vá, éceg bí ŋgí ɓɔŋ esaa epúán ɛ́ Nyɔ́ŋ-Ɛsáŋɛ́ la étɔɔ-nzal, M̀búl Mpúán ɔ lāgá nɛ: «Ɓagán ma Balnábas la Sául ányúū nsɔ́n ma yáŋlé ɓɔ.»

Misɔ́n mí Ɓáōmɓɛ 20:24

Ndí ányúū yáma, eniŋ yáma ɛ́h byɛ́ɛ́ ɓé nsɛ́ŋ tɔ wá. Miɔ́ŋɔ máma mí lɛ́ nɛ́ mi pám la ŋgómán wama la nsɔ́n wama á lísūg, bí Ɛtáŋɛ Yésus a byéehɛ́ ma, nyúŋ ŋgómán la nyúŋ nsɔ́n nɛ bí lɛ́ li tíi lí mbóŋ nyí Pɔ́l M̀ɓɛɛŋ nyí ediŋ Ɔ́lolómɛ̄.

Misɔ́n mí Ɓáōmɓɛ 20:32

Nyí vɔ́ŋɔ́ɔ, mag yíg ɓɛ́nɛ á sí bitátlé bí Ɔlolómɛ̄ la á biɓaŋgá byɛ́ɛ́ bí édiŋ. Byɔ́ nɛ́ bí byɛ́ɛ̄ ŋguu li letɛ lí ŋyéɓé wáná, la li tíi lí ɓɛ́nɛ embámbá yé a nāŋʼyé ɓot ɓɛ́ɛ́ bísɛ a púɛ.

Misɔ́n mí Ɓáōmɓɛ 22:21

Ndí Ɛtáŋɛ ɔ lágá ma nɛ́: ‹Kɛɛ́n, mag óm wa énɛŋɛ́, a voóm milóm mí mí sē ɓé ɓɔ́ɔ̄n bí Élōg-Yúda mí lɛ›.»

Misɔ́n mí Ɓáōmɓɛ 9:15

Ndí, Nyɔ́ŋ-Ɛsáŋɛ́ ɔ yó nyɛ nɛ́: «Kɛnɛ́g, átɔm nɛ́ ma pɔ́hɔ nyɔ́ŋ mut nɛ́ a ɓɛ́ m̀ɓɔŋle wama ányúū li yíhɛ lí jóō jáma á mílōm mí sē ɓé mí mí Élōg-Yúda, ɔ́sū ví ɔ́bul ví káísa la ɓɔɔ́n bí Íslāɛl.

Elōg-Lóma 1:1

Ma Póol, m̀ɓɔŋle a Yésus Kilístus, nyɔ́ Ɔlolómɛ̄ a yáŋá á lí ɓɛ́ lí ŋ̀ómɓɛ, a pɔ́hɔ̄ ma tóɓó-tóɓó á lí lɛgɛ lí Pɔ́l M̀ɓɛɛŋ yɛɛ́.

Elōg-Lóma 11:13

Nyí vɔ́ŋɔ́ɔ, mag yíhɛ ɓɛ́nɛ ɓá miní sē ɓé ɓɔ́ɔ̄n bí Élōg-Yúda nɛ́, mi lɛ̄ ŋ̀ómɓɛ ányúū ɓá bí sē ɓé ɓɔ́ɔ̄n bí Élōg-Yúda. Mag ditɛ nsɔ́n wáma,

Elōg-Lóma 15:18

Ányúū nɛ́ mi sē ɓé tɔ ma nɛ́ ma ɓágá ányu á li pɔ́t lí jam tɔ já á nsɔ́n á Ɔ́lolómɛ̄, amáh sig yé Kilístus a ɓɔŋ li kele la ma. A ɓɔ̄ŋ nɛ́ mi óŋgánɛ ɓot bí sē ɓé ɓɔ́ɔ̄n bí Élōg-Yúda nɛ́ bí óglé Ɔ́lolómɛ̄. A ŋgí yáhɛ náŋ átē á biɓaŋgá mi ŋgí pɔ́t la átē a misɔ́n mi ŋgí sál.

Elōg-Lóma 15:19

Náŋ a ŋgí loole á ŋguu ndembye ɛ́ mam, á minɛ́ŋ la á ŋguu nyí M̀búl Mpúán. La náŋ, li ɓotle á Yélūsalɛm li pám nɛ́-tɛ́ɛ la á épah-ékombo yé Ilília, ma lɛgɛ Pɔ́l M̀ɓɛɛŋ nyí Kilístus pɛ́ɛ́ ɛsɛ̄.

Elōg-Lóma 15:20

Ndí, pɔ̄m jam ɛ ɓáág ma kóó ɛ lɛ nɛ́: amáh á ɓávoóm bí lɛ́ nɛ ɓot bí ɓáág ŋgí lí ámble lí jóō lí Kilístus, nɛ́ mi lɛ́gɛ́ Pɔ́l M̀ɓɛɛŋ tóɓó-tóɓó, á li ɓɔŋ nɛ́ mih óŋlégé ɓé ma á jaa mut ntám a tɛ́ɛ.

Elōg-Lóma 15:29

Mag yí nɛ́ eceg mi ŋga kɛ́ li sɔ́ á yóg yāná, mag kɛ li sɔ́ ŋyálāg la ndómbo nyí Kilístus.

Elōg-Lóma 5:5

la ki nɛ́ lipitá lí ŋgá yɛ́ɛ ɓé, átɔm nɛ́ M̀búl Mpúán nyɔ́ a tíéɓɛ́ ɓɛ́hɛ, a yáhɛ́ mímīm máhá la ediŋ Ɔ́lolómɛ̄.

Elōg-Kɔlínto 1 3:5

Nzáá a lɛ Ápólos é? Nzáá a lɛ Póol é? Bí lɛ́ ja ɓáɓɔŋle ɓá ɓá níŋgɛ ɓɛ́nɛ á ŋyéɓé. Mut sig á póla yaɓá a ɓɔ̄ŋ nsɔ́n wɛ́ɛ́ li oŋle la likaale Ɔlolómɛ̄ a tí nyɛ.

Elōg-Kɔlínto 1 4:1

Á élōgyāŋ, miní nyɔ́ŋɔg hɔ́ ɓɛ́hɛ ákaa ɓaɓɔŋle bí Nyɔ́-a-Pɔ́hlɛ, ɓá bí lɛ́ ɓálégɓe-miɓɛɛŋ mí mbaŋ nyí Ɔlolómɛ̄.

Elōg-Kɔlínto 1 6:19

Ɓaá, miní ŋgá yí ɓé tɔ ki nɛ̄ nyuú yāná ɛ lɛ ndáá-ecɛ́ŋ nyí M̀búl Mpúán, nyɔ́ a ŋga sɔ́le la Ɔlolómɛ̄ ndí ɔ tɔ́ɔ átē wāná é? Ɓaá, miní ŋgá yí ɓé nɛ miní sē ɓé ɓɛ̄ɛ́n bí ɓɛ́nɛ-mɛ̄n é?

Elōg-Kɔlínto 2 11:23

Ɓaá, ɓáŋ ɓot bí lɛ́ ɓáɓɔŋle bí Nyɔ́-a-Pɔ́hlɛ é? Má mi lɛ̄ m̀ɓɔŋle wɛɛ́ li loo lí ɓɔ̄, mág pɔ́t ákaa ŋ̀kɔn-nzeg! Ma sál mísɔ̄n mí ŋguu li loo lí ɓɔ̄, ma ɓɔ̄ŋ miɓog li loo lí ɓɔ̄, ma ɓōmɓɛ́ nlohanɛ́ lí loo lí ɓɔ̄, ma véé nyɛ̄mb ŋgele ŋgandag li loo lí ɓɔ̄!

Elōg-Kɔlínto 2 5:20

Á jóō lí Nyɔ́-a-Pɔ́hlɛ hɔ́ nɛ̄ bi lɛ̄ ɓápɔ́tle. Á mbálɛ, li loole la ɓɛ́hɛ nɛ́ Ɔ́lolómɛ̄ nyɛ́-mɛ̄n a ŋga yáŋá ɓɛ́nɛ. Á jóō lí Nyɔ́-a-Pɔ́hlɛ, biíg sɔ́hye ɓɛ́nɛ nɛ́ miní yéɓé lí sáŋglan la Ɔlolómɛ̄.

Elōg-Kɔlínto 2 8:5

Byá tí byɔ́-mɛ̄n ákaa nsúlé li loo lí yé bií ŋga láaŋkene byɔ́. Byá dúgú lí tíi lí byɔ́-mɛ̄n Nyɔ́ŋ-Ɛsáŋɛ́, ámbúh náŋ, bú tí ɓɛ́hɛ byɔ́-mɛ̄n li oŋle la nsom á Ɔ́lolómɛ̄.

Elōg-Gálátia 3:5

nyɔ́ a ŋga tíi ɓɛ́nɛ M̀búl la li ɓɔŋ lí bínanaŋga bí mam á póla yaná, ɓaá, ag ɓɔŋ náŋ ányúū nɛ miníg ógle mbéndá tɔ nɛ́ ányúū nɛ miníg yéɓe la Pɔ́l M̀ɓɛɛŋ é?

Elōg-Éféso 2:18

Li kele la nyɛ́ nɛ́ ɓɔ́ɔ̄n bí Élōg-Yúda la ɓá bí sē ɓé ɓɔ́ɔ̄n bi Élōg-Yúda ɓɛ́hɛ bísɛ bií ŋga lā li pám ɔ́sū ví Etāa átē á pɔ̄m M̀búl Mpúán.

Elōg-Éféso 2:22

La nyɛ́ nɛ́ ɓɛ́nɛ bísɛ maná byáŋ elɔŋ á míōŋ á li yaan lí ndáá Ɔlolómɛ̄ li kele la M̀búl Mpúán.

Elōg-Éféso 5:2

Niŋán átē á ediŋ kaa Nyɔ́-a-Pɔ́hlɛ a dīŋ ɓɛ́hɛ, la nyɛ́ ɔ tí nyɛ́-mɛ̄n Ɔlolómɛ̄ kaa likaale la nsúlé ányúū yāhá, nyúŋ nsúlé á byɛ́ɛ́ élɔ́ŋgɔ nziŋ ɛ́ ŋga nyɛ́ɛle Ɔlolómɛ̄.

Elōg-Fílípi 2:17

Ndí, tɔ yá pám ja nɛ́ micii máma má nyɛ́ɛ lí kómɓɛ ákaa likaale lí ŋga ɓátle á nsúlé nyú á lɛ́ nsɔ́n miní ŋga sál ányúū ŋyéɓé wáná, náŋ ag kɔnɛ jā ma mívag, mi sōphɛ́ ki elɔŋ la ɓɛ́nɛ bísɛ.

Elōg-Fílípi 4:18

Mi byɛ́ɛ́ yé ɛ́sɛ ɛ́ ŋga sōmlɛ á mɔ máná, mi byɛ́ɛ́ yágá ki li loo náŋ. Mi kɔlánɛ̄ nyí vɔ́ŋɔ́ɔ Epafolodítɛ a sɔ́la ma yé maná ómlé ma, yɔ́ nɛ́ ɛ́ lɛ́ kaa libíndɛ lí byɛ̄ɛ́ nziŋ m̀ɓɛɛŋ la kaa nsúlé nyú Ɔlolómɛ̄ a lɛ́gle la nyú á ŋga nyɛ́ɛle nyɛ́.

Elōg-Tésaloníka 1 2:2

Miníg yí ki nɛ́ bi ŋgí pámle á mítaka, bu óŋlɛ́ á tísɔn nyí Filípi. Ndí tɔ la náŋ, Ɔlolómɛ̄ a tí ɓɛ́hɛ ŋguu nɛ́ bi lɛ́gɛ́ ɓɛ́nɛ Pɔ́l M̀ɓɛɛŋ yɛɛ́ átē a bísɔghe.

Elōg-Tésaloníka 1 2:9

Á élōgyāŋ, miní ŋgí ɔ́ŋlāg misɔ́n máhá la etɔmb yáhá, eceg bi ŋgí lɛgɛ ɓɛ́nɛ Pɔ́l M̀ɓɛɛŋ nyí Ɔlolómɛ̄. Bi ŋgí sál díɓe la nzámuh, á lí pún nɛ́ bīh ɓɛ́ɛ́g ɓé ɓɛ́hɛ mbɛgɛ nyí mut waná tɔ wa.

Elōg-Tésaloníka 1 5:23

Ɔlolómɛ̄ nyɔ́ a ŋga tíi nsaŋ nyɛ́-mɛ̄n a púɛ́ ɓɛ́nɛ nɛ́ ɓam, a tát m̀búl wáná, liɓɛ́ɛg jáná la nyúū yāná nɛ́ ndí miní ɓɛ́ ŋgíla ɔnɛ́g á misɔ́ mí Ɛtáŋɛ wahá Yésus Kilístus.

Timotéo 1 1:11

Náŋ nɛ́ a ŋga kɛ́han la Pɔ́l M̀ɓɛɛŋ nyí ya tíéɓɛ́ ma, Pɔ́l M̀ɓɛɛŋ nyí Ɔ́lolómɛ̄, Loó lí lípēm la misɔ́tá.

Timotéo 1 2:7

Ányúū li tíi lí yɔ nɛ́ ɓá tɛ́ɛ́yɛ́ ma ǹlɛgɛ-pɔ́l la ŋ̀ómɓɛ. Mag pɔ́t mbálɛ, mi ŋgá yɛ́ɛ ɓé ma, ma nɛ́ ɓá tí nsɔ́n á lí yéglɛ lí bíkombo bí bí sē ɓé ɓɔ́ɔ̄n bí Élōg-Yúda li ɓɛ́la lí ŋyéɓé la li yí lí mbálɛ.

Timotéo 2 1:11

Ányúū nyíŋ Pɔ́l M̀ɓɛɛŋ nɛ́ Ɔ́lolómɛ̄ a tɛ́ɛ́yɛ́ mā ǹlɛgɛ-njɛn, ŋ̀ómɓɛ la ŋ̀yéglɛ.

Elōg-Hébɛl 13:16

Miníh vólkágánɛ́ ɓé lí ɓɔŋ lí m̀ɓɛɛŋ la nɛ́ ɓɛ́nɛ la ɓɛ́nɛ miní óŋghan, átɔm nɛ́, yíŋ patí mísūlé nɛ ɛ́ ŋga nyɛ́ɛle Ɔlolómɛ̄.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.

Pétlos 1 2:5

Ɓɛ́nɛ-mɛ̄n ɓɛ́án kaa ŋgɔg yí éniŋ, níŋglán á mióŋ mí ndáá ápah M̀búl a ŋga tɔ́ɓene, á lí yaan lí lilómɛ lipúán jé lí ɓatíi-nsúlé, á lí tíi lí misúlé mipúán, mí ŋga nyɛ́ɛle Ɔlolómɛ̄ li kele la Yésus Kilístus.