Elōg-Lóma 13:7 - Esaa-líat ɛ́ péná

⁷ Tíán ŋ̀kanʼyɛ sig yé ɛ́ ŋga sōmlɛ nɛ́ miní tí nyɛ́. Miní sálá táas á yóg nyɔ́ mut a ŋga lɛ́gle yɔ, miní sálá bíkondo mbéndá ya tɛ́ɛ́yɛ kí mut a búú yɔ á yóg nyɔ́ a ŋga lɛ́gle yɔ́. Miní óglé ɓá miní ŋga nyɛ́ɛ li ógle, miní dítɛ̄ ɓá miní ŋga nyɛ́ɛ li ditɛ. Sáálán mut sig yé miní byɛ́ɛ̄ nyɛ́ kaa epíl.

Elōg-Lóma 13:7 ပူးပေါင်းရင်းမြစ်များ

Matéus 17:25

Pétlos ɔ pélē ɓɔ nɛ́: «Ɔɔ, ag sála.» Ɛnɛ́ Pétlos a tímān á ndáá, Yésus nɛ́ a dúgú lí nyɔŋ lí mpɔ́t, ɔ ɓāt nyɛ nɛ́: «Á Símɔn, lagá ma ɛ́yɔ́ɔ eɔ́ŋɔ, nzáá a nyɛ́ɛ lí sála lí táas, tɔ nyúŋú ŋkuh ntám káísa yí ŋkɔŋ-á-sí ɛ́ ŋga ɓāt é? Ɓɔɔ́n ɓáɓá tɔ nɛ́ ɓácɛn bí ɓot é?»

Matéus 22:21

Bú pélē nyɛ̄ nɛ́: «Káísa ecɛ́ŋ.» Ɔ lāgá ɓɔ́ nɛ́: «Miní tímānɛ hɔ́ káísa ecɛ́ŋ yé ɛ́ lɛ́ yé káísa ecɛ́ŋ, miní tímānɛ ki Ɔlolómɛ̄ yé ɛ́ lɛ́ yé Ɔ́lolómɛ̄.»

Málkus 12:17

Yésus a byɛ́la ɓɔ nɛ́: «Miní tímánɛ Káísa ecɛ́ŋ yé ɛ lɛ yé Káísa ecɛ́ŋ, miní tímānɛ ki Ɔlolómɛ̄ yé ɛ lɛ yé Ɔlolómɛ̄.» Ndí ɓáŋ ɓot bísɛ bú nyág ŋgandag la mbele yɛ́ɛ̄.

Lúkas 20:22

Ɓaá, bi byɛ́ɛ́ kundɛ tɔ nɛ́ kɛ́m li sála lí táas á yóg káísa ecɛ́ŋ é?»

Lúkas 20:25

Váŋ nɛ́ Yésus a lága ɓɔ nɛ́: «La náŋ hɔ́, miní tímánɛ Káísa ecɛ́ŋ yé ɛ lɛ yé Káísa ecɛ́ŋ, miní tímánɛ ki Ɔlolómɛ̄ yé ɛ lɛ yé Ɔlolómɛ̄.»

Lúkas 23:2

Bú ɓōtlé nyɛ li sɔ́mánɛ la li laga nɛ́: «Ɓaá kɔ́p nyɔ́ mut ag kóm lísandá á ékombo yáhá. Ag céŋɛ ɓot nɛ́ bíh sáálág ɓé káísa táas a ŋga ɓāt, la li katɓan nɛ́ a lɛ Nyɔ́-a-Pɔ́hlɛ, ɔ ɓɛ́ ki káísa.»

Elōg-Lóma 12:10

Ediŋ línyaŋ ɛ́ at ɓɛ́nɛ nɛ́ ndí miní diŋán ɓɛ́nɛ la ɓɛ́nɛ, mut sig a ɓɛ́ nyɔ́ ɔsú á lí ditɛ lí nyɔ́ŋɔ́.

Elōg-Lóma 13:6

Ányúū náŋ ki nɛ miní ŋgá sála táas. Ɓabyee nyúŋ nsɔ́n, Ɔlolómɛ̄ nɛ a tɛ́ɛ́yɛ́ ɓɔ nɛ́ bí nyɔŋ eceg á lí sál lí wɔ̄.

Elōg-Éféso 5:33

Jɔ́ hɔ́ nɛ, mut sig, á yé ɛ́ ŋga légɓe nyɛ́, ag nyɛɛ li diŋ lí ŋ̀gáá wɛ́ɛ̄ ákaa nyɛ́-mɛ̄n, mindígá ki ag nyɛɛ li ditɛ lí nlóm wɛ́ɛ̄.

Elōg-Éféso 6:5

Á míyɔ̄ŋ miní óglé ɓásāŋɛ́ ɓáná bí nyú ŋkɔŋ-á-sí átē á woŋ la nsɛ́glānɛ́, la m̀mím á nsaŋ nlemlem ákaa miní ŋga ógle Nyɔ́-a-Pɔ́hlɛ.

Timotéo 1 5:13

Kasig bíh byɛ́ɛ́ ɓé jam á lí ɓɔŋ, bíg nyɔŋ elɛ́m lí wɛɛwɛɛ á mílɛ̄ɛ̄ mí ɓot, ɔ ɓógtɛ́ sig nɛ́ bíh byɛ́ɛ́ ɓé jam á lí ɓɔŋ, bí lɛ́ ki ɓondígá bí ŋga pɔ́t ŋgándag, bí ŋgá yí ɓé lí byee lí ɔ́lēmb váɓá, bí lɛ́ jā ɓóndīgá bí ɔ́pɔ̄pɔt.

Timotéo 1 5:17

Á yé ɛ́ ŋga légɓe ɓacɛ́ŋ bí Éɓasɛ, ɓá bí ŋga wɛ́ɛla etɛ́l yáɓá m̀ɓɛɛŋ, bí kɔ́ɔ́ la nsála ŋgele ɛ́ɓáa, ndí tín-tín ɓá bí ŋga nyɔ̄ŋ ndutu li lɛgɛ lí Eɓaŋgá Ɔ́lolómɛ̄ la li yéglɛ li yɔ̄.

Timotéo 1 6:1

Á élōgyāŋ, ɓáyēɓe bísɛ bí lɛ́ á ŋgatka nyí eɓɛ́lé míyɔ̄ŋ, ɓá nyɛɛ lí yí nɛ́ ɓɛɛ́n-bí-míyɔ̄ŋ bí kɔ́ɔ la ŋgandag adit, á lí ɓɔŋ nɛ́ mut tɔ wa ah vɔ́ɔ́légé ɓé jóō lí Ɔ́lolómɛ̄ ndí tɔ yé a ŋga yéglɛ.

Pétlos 1 3:7

Nlemlem la ɓɛ́nɛ á ɓalóm, átē a eniŋ yáná la ɓondígá, yíán nɛ́ bí lɛ́ bíveglé bí ŋga ɓɔ̄t, miní ditɛ́ ɓɔ́, ányúū nɛ bíg kɛ li kuh lí eniŋ éɓem elɔŋ la ɓɛ́nɛ kaa likaale, á lí ɓɔŋ nɛ́, yoóm tɔ yá ɛ́h teeŋgɛ́gɛ́ ɓé ɓɛ́nɛ á míkánɛ máná.