Elōg-Lóma 13:11 - Esaa-líat ɛ́ péná

¹¹ Ákaa miní ŋga yí yɔɔ́yɔ́ɔ eceg bi byɛɛ́, eceg yé nɛ́ miní vɛɛɓé á ɔ́lɔ̄. Nyí vɔ́ŋɔ́ɔ, lisuŋga lá sīŋglé ɓɛ́ɓɛ ɓɛɓɛ la ɓɛ́hɛ li loo lí á éceg bi ɓōtléé lí yéɓe la Kilístus.

Elōg-Lóma 13:11 ပူးပေါင်းရင်းမြစ်များ

Matéus 16:3

La kítí, miníg yó nɛ́: ‹Lɛn lóō líg ɓɛ́ líɓē, ányúū nɛ lá víndɛ.› La náŋ, miníg yí lí sɔ́ŋgɔ lí líɓɛ́ɛg lí lóō, ndí ányúū yéé miní ŋgá la ɓé lí yí lí ndembye yí bíceg é?

Lúkas 21:28

«Eceg míŋ mam mí ŋga ɓōtlé li ɓɔŋɓɛ, tɛ́lɓán m̀ɓɛɛŋ, miní tɛ́ɛ́yɛ́ɛ mimú, ánsī nɛ lisuŋga jáná lí lɛ́ ɓɛ́ɓɛ.»

Elōg-Kɔlínto 1 10:11

Míŋ mam mí pámléé ɓɔ́ á lí ɓɔŋ nɛ́ mí ɓɛ́ ndembye, la mɔ́ mú cíiɓɛ́ ányúū li yéglɛ lí ɓɛ́hɛ, ɓɛ́hɛ ɓá bi lɛ lí kɛ á mísūg mí bíceg.

Elōg-Kɔlínto 1 15:34

Miní tímānɛ miɔ́ŋɔ máná la mbúh, miníh ɓɔ̄ŋɔ́g ɓé pɛ aɓé! Átɔm nɛ́ jogo lí ɓot á póla yaná lí ŋgá yí ɓé Ɔ́lolómɛ̄, náŋ á lɛ̄ mbɔ́ɔla ányúū yāná.

Elōg-Éféso 5:14

átɔm nɛ́, yé ɛ́sɛ ɛ́ ŋga pám á ápūū ɛ́ lɛ́ mípūū. Ányúū náŋ nɛ́ bí ŋga laga nɛ́: vɛɛɓé, wa nyɔ́ ɔ ŋgɔ lál, tɛ́lɛ́ á póla ɓá ɓá wū, mipúú mí Nyɔ́-a-Pɔ́hlɛ míg kɛ wa lí paaye.

Yákop 5:8

Ɓɛ́nɛ ki, miní ɔ́hánɛ, lethánɛ m̀mím, átɔm nɛ́ Nyɔ́ŋ-Ɛsáŋɛ́ ag sɔ́ puh eceg.

Pétlos 1 4:7

Lisúg lí mam mísɛ lí lɛ́ ɓɛɓɛ. Niŋán ákaa ɓot bí peg, miníh ɓɛ́ɛ́g ɓé á nlɛndanɛ́ á li ɓɔŋ nɛ́ miní lā li kánɛ.

Pétlos 2 3:11

Kasig míŋ mam mísɛ mí ŋgá ɓɛ́ ɓé pɛ, yɔɔ́yɔ́ɔ nyaa ɓot maná nyɛ́ɛ li ɓɛ́ é? Yɔɔ́yɔ́ɔ nyaa eniŋ epúán maná nyɛɛ lí niŋ é? Jɔɔ́jɔ́ɔ lipém maná nyɛɛ lí tíi lí Ɔlolómɛ̄ é?

Pétlos 2 3:9

Nyɔ́ŋ-Ɛsáŋɛ́ a ŋgá bíŋhan ɓé lí yáhɛ lí mikakanɛ mɛ́ɛ́, tɔ náŋ ákaa ɓot ɓatám bí ŋga ɔ́ŋɔ nɛ́ a lóohán bíŋhan. Ndí, ányúū yaná, Nyɔ́ŋ-Ɛsáŋɛ́ a byɛ́ɛ eɔ́hánɛ, nsom wɛ́ɛ́ a sē ɓé nɛ́ jogo á póla yaná bí jáŋɛ́ eniŋ yáɓá, ndí, nɛ́ ɓɛ́hɛ bísɛ bi la li veŋe lí éniŋ.

Yohánɛs 1 2:18

Á ɓɔ́ɔ̄n ɓáma, ŋgɛ́ŋ ya tíile nyí, maná ámblé bíg laga nɛ́ ǹlem a Kilístus ag sɔ́, ndí nyí vɔ́ŋɔ́ɔ, ŋgandag ɓálem-bí-kilístus ɛ́ lɛ́ váŋ. Náŋ nɛ́ a ŋga yíhɛ ɓɛ́hɛ nɛ́ ŋgɛ́ŋ ya tíile nyí.

Biyɛ́ɛ́léné 1:3

Misɔ́tá la nyɔ́ a ŋga sɔ́ŋgɔ nyí kálati, elɔŋ la ɓá bí ŋga ámblé biɓaŋgá bí m̀pɔ́tle-a-Ɔlolómɛ̄ ndí ɓá náŋɛ̄ ki yé ya ciiɓɛ́ átē, átɔm nɛ́ eceg yá siŋgle.

Biyɛ́ɛ́léné 22:10

Ámbúh náŋ, áŋgɛl yu lága sīg-pɛ ma nɛ́: «Ɔh sɔɔyág ɓé bíɓaŋgá bí ɓápɔ́tle-bí-Ɔ́lolómɛ̄ bí lɛ́ á nyí kálati, átɔm nɛ́ eceg yá siŋgle.

Biyɛ́ɛ́léné 22:12

Yésus a byɛ́ nɛ́: «Ɛ́n sig, mag sɔ́ puh eceg, mā-mɛn mag kɛ li wɛɛla lí nsála wáma á wɔ, á lí sála lí mut sig li oŋle la misɔ́n mɛ́ɛ́.

Biyɛ́ɛ́léné 22:20

Mut a ŋga yígyɛ mí mam ag laga nɛ́: «Ɔɔ, mag sɔ́ puh eceg.» Ɛ́ ɓɛ́ náŋ, sɔ́ɔ́g Ɛtáŋɛ Yésus!