Elōg-Lóma 12:11 - Esaa-líat ɛ́ péná

¹¹ Miní sálé Nyɔ́ŋ-Ɛsáŋɛ́ la akwáá, ɛ́h ɓɛ́ ɓé lí póŋo, la m̀mím wáná ásɛ.

Elōg-Lóma 12:11 ပူးပေါင်းရင်းမြစ်များ

Matéus 24:12

Aɓé ág kɛ li kondye nyaa nyí ɛ́ lɛ nɛ́, ŋgandag ediŋ bí ɓɛ́ɛ́la ɛg kɛ li suh.

Matéus 25:26

Ndí, ɛsáŋɛ́ a nsɔ́n ɔ pélē nyɛ̄ nɛ́: ‹Ɔ lɛ m̀ɓɔŋle m̀ɓé, wu ɓɛ́ ki mpóŋ! Ɔ ŋgɔ yí nɛ́ mag pumu ápah māh sál ɓé ma, mag nyɔŋ ápah māh naŋɛ ɓé ma.

Misɔ́n mí Ɓáōmɓɛ 18:25

Bí yéglɛ́ɛ́ nyɛ́ lí oŋ lí nzen nyí Nyɔ́ŋ-Ɛsáŋɛ́. La akwáá ásɛ, a ŋgí lɛgɛ ag yéglɛ ki tɛɛ́-tɛɛ́ mam mí ŋga légɓe Yésus, tɔ náŋ ákaa nzoɓan nyí Yohánɛs yɔ-ntámɛ́ nɛ a ŋgí yí.

Misɔ́n mí Ɓáōmɓɛ 20:19

Ma ɓɔ̄ŋlé Nyɔ́ŋ-Ɛsáŋɛ́ á átē á esuhɛ-nyuú, átē á bíya la bisɔghe, ányúū nɛ ɓɔɔ́n bí Élōg-Yúda bí tɔɓéné ma á mimb.

Elōg-Kɔlínto 1 7:22

Átɔm nɛ́, ŋyɔ́ŋ nyú wá yáŋlɛ á ŋ̀atanɛ́ la Nyɔ́ŋ-Ɛsáŋɛ́ wa tɛ́lɛ́ kundɛ la Nyɔ́ŋ-Ɛsáŋɛ́. Nlemlem á jam, mut a yáŋlɛ kí a lɛ̄ kúndɛ, a lɛ ŋyɔ́ŋ á Nyɔ́-a-Pɔ́hlɛ.

Elōg-Éféso 4:28

Nyɔ́ la nyɔ́ a ŋgí yíí, ah yííg ɓé pɛ, ndí a nyɔ̄ŋ eceg li sál á nyaa ɛ tɛ́ɛ́ la mɔ mɛ́ɛ́, nɛ́ ndí nyɛ́g a kūh yé a ŋga lá li kaan la nyɔ́ ah byɛ́ɛ́ ɓé.

Elōg-Kólóso 4:1

Á ɓɛ́ɛ̄n-bí-míyɔ̄ŋ, miní kóóhánɛ miyɔ́ŋ máná á nyaa ɛ tɛ́ɛ́ la ákaa ɛ́ ŋga sōmlɛ, la mí miɔ́ŋɔ nɛ́ ɓɛ́nɛ ki miní byɛ́ɛ Ɛtáŋɛ wa nyɔ́ a lɛ á lōó.

Timotéo 1 5:13

Kasig bíh byɛ́ɛ́ ɓé jam á lí ɓɔŋ, bíg nyɔŋ elɛ́m lí wɛɛwɛɛ á mílɛ̄ɛ̄ mí ɓot, ɔ ɓógtɛ́ sig nɛ́ bíh byɛ́ɛ́ ɓé jam á lí ɓɔŋ, bí lɛ́ ki ɓondígá bí ŋga pɔ́t ŋgándag, bí ŋgá yí ɓé lí byee lí ɔ́lēmb váɓá, bí lɛ́ jā ɓóndīgá bí ɔ́pɔ̄pɔt.

Elōg-Hébɛl 12:28

Kasig ɓɛ́hɛ bi ŋga kɛ́ li kuh lí líkanʼyɛ jé lí ŋgá kɛ ɓé lí póghan, la náŋ bi tí Ɔlolómɛ̄ mítamlan, bi sálé nyɛ́ átē a esuhɛ-nyuú la ŋkɔnwoŋɛ́, á nyaa ɛ ŋga kɔ́nɛ nyɛ́ mívag.

Yákop 5:16

Ɓɛ́nɛ la ɓɛ́nɛ miní páhlán ávuha wáná, miní kánɛ̄ ki ɓá ányúū ɓáŋá á lí ɓɔŋ nɛ́ miní tɔ́ɔ mbólí. Mikánɛ mí mut a tɛ́ɛ́ sim mí byɛ́ɛ́ ŋguu ŋgandag.

Pétlos 1 1:22

Kasig maná óglé mbálɛ, maná púɛ́ mímbūl máná, á lí wɛɛhɛnɛ á édiŋ línyaŋ yé ŋgíla ɔtaɓa. Miní diŋán ɓɛ́nɛ la ɓɛ́nɛ la m̀mím á ŋga púú ɛ́h ɓɛ́ lí tɔmb.

Pétlos 1 4:8

Ákaa jam lí ɔ́sū, ediŋ yá nyɛɛ lí ɓɛ́ á póla yaná eceg sig, átɔm nɛ́ ediŋ ɛ́g bútyɛ ɔ́bul ví míɓē.

Biyɛ́ɛ́léné 2:4

Ndí á Eɓasɛ yé Éféso, mag tɔghan wa jam já, ediŋ yɔ́ɔ ɔ mɓɛ́la la ma á míɓōtlé yá man.