Elōg-Lóma 1:16 - Esaa-líat ɛ́ péná

¹⁶ Mi ŋgá kɔn ɓé mā ɔ́sɔ̄n lí lɛgɛ lí Pɔ́l M̀ɓɛɛŋ, yɔ nɛ́ ɛ lɛ̄ ŋguu nyí Ɔlolómɛ̄ nyí ɛ ŋga sūŋ jóō nɛ mut a byɛ́ɛ̄ ŋyéɓé la nyɛ́, ɔ́sū la ɔsú ɓá bí lɛ̄ ɓɔ́ɔ̄n bí Élōg-Yúda, ámbúh, tɔ ɓá bí sē ɓé ɓɔ́ɔ̄n bí Élōg-Yúda ɓɔ́g bíg yíg oŋ.

Elōg-Lóma 1:16 ပူးပေါင်းရင်းမြစ်များ

Málkus 8:38

Ányúū nɛ́ nyɔ́ la nyɔ́ a ŋga kɔ̄n ɔsɔ́n ányúū yáma la ányúū biɓaŋgá byáma ɔ́sū ví nyí nyɔŋɔn ɛ lɛn, nyí miɓé, nyí yāh tiŋɓe ɓé la Ɔlolómɛ̄, Mɔɔ́n Mut nyɛ́g ag kɛ li kɔn lí ɔsɔ́n ányúū yɛ́ɛ̄, eceg a ŋga kɛ́ li sɔ́ elɔŋ la áŋgɛl epúán átē a lipém lí Ɛ́sāŋɛ́.»

Lúkas 9:26

Ányúū nɛ́ nyɔ́ la nyɔ́ a kɔ̄n ɔsɔ́n ányúū yáma la biɓaŋgá byáma, Mɔɔ́n Mut nyɛ́g ag kɛ li kɔn lí ɔ́sɔ̄n ányúū yɛ́ɛ̄ eceg a ŋga kɛ́ li sɔ́ átē á lipém jɛ́ɛ́, jé lí Ɛ́sāŋɛ́ la jé lí áŋgɛl epúán.

Yohánɛs 7:35

Váŋ nɛ́ ɓákanʼyɛ bí Élōg-Yúda ɓá ɓōtlé lí ɓatan nɛ́: «Á véé nyɛ́ a ŋga lá li kɛ́ ndí ɓɛ́hɛ ɓāh la ɓé nyɛ kɔ́p wóŋ é? Ɓaá, ag kɛ li oŋ lí ɓɔ́ɔ̄n bí Élōg-Yúda ɓá ɓá cámān á Élōg-Gelékia é? Tɔ nɛ́ ag kɛ li yéglɛ lí ɓɔ́ɔ̄n bí Gelékia é?

Misɔ́n mí Ɓáōmɓɛ 3:26

Ányúū yaná nɛ Ɔlolómɛ̄ a dúgú lí pámɛ lí m̀ɓɔŋle wɛɛ́, ɔ óm nyɛ á lí lómbo lí ɓɛ́nɛ, la li ɓógtɛ lí wa sig á míɓē mɛ́ɛ́.»

Elōg-Lóma 10:17

Jɔ́ nɛ́, ŋyéɓé ág sɔ́le ja á lí ámble lí líkálo lí Pɔ́l bí ŋga lɛ́gɛ, jéŋ likálo nɛ́ lí lɛ́ li lɛgɛ lí éɓaŋgá yé Nyɔ́-a-Pɔ́hlɛ.

Elōg-Lóma 15:19

Náŋ a ŋgí loole á ŋguu ndembye ɛ́ mam, á minɛ́ŋ la á ŋguu nyí M̀búl Mpúán. La náŋ, li ɓotle á Yélūsalɛm li pám nɛ́-tɛ́ɛ la á épah-ékombo yé Ilília, ma lɛgɛ Pɔ́l M̀ɓɛɛŋ nyí Kilístus pɛ́ɛ́ ɛsɛ̄.

Elōg-Lóma 15:29

Mag yí nɛ́ eceg mi ŋga kɛ́ li sɔ́ á yóg yāná, mag kɛ li sɔ́ ŋyálāg la ndómbo nyí Kilístus.

Elōg-Lóma 2:9

Ɓaɓɔŋ-miɓé, ag tíi ɓɔ́ ndutu elɔŋ la etɔ-líkōt, ag ɓotlene á ɓɔ́ɔ̄n bí Élōg-Yúda, ndí ag yí oŋ la ɓá bí sē ɓé ɓɔ́ɔ̄n bí Élōg-Yúda.

Elōg-Lóma 4:11

Ámbúh náŋ, Ɔlolómɛ̄ ɔ tí nyɛ ndembye likwɛɛ nyí ɛ́ lɛ́ éɓátan-ɛ́-ndembye yé étɛ̄l-sim li kele la ŋyéɓé, tɔ náŋ ákaa a ɓɛ́ɛ́ a ŋgí lɛ épɔ. La náŋ, a timáán lí ɓɛ́ lí esáŋɛ́ a ɓot bísɛ bí lɛ́ bípɔ ɓá bí byɛ́ɛ̄ ŋyéɓé, á li ɓɔŋ nɛ́ Ɔlolómɛ̄ a yéɓé ɓɔ́ ákaa ɓot bí tɛ́ɛ́ sim.

Elōg-Kɔlínto 1 15:2

la yɔ nɛ́ miní lɛ̄ lí suŋɓɛ, ndí ɛ́g somlɛ nɛ́ miní náŋɛ́ yɔ ákaa ma lɛ̄gɛ́ ɓɛ́nɛ. Ah la náŋ ɓé ɛnɛ maná yéɓé yɛ̄mɛ́.

Elōg-Kɔlínto 1 2:2

Ákaa ɛ́sɛ, ma súgɛ́ nɛ mi ŋgá somo ɓé ma lí yí lí jam litám tɔ já á póla yaná, amáh sig Yésus Kilístus, Nyɔ́ Yésus Kilístus a tōmlɛ́ á mbásá.

Elōg-Kɔlínto 1 2:4

Ndí, ŋkwɛl wáma la likálo jáma bíh ɓɛ́ɛ́ ɓé lɛ̄ɛ́-lɛ̄ɛ́ ŋkwɛl nyú á peg nyí ɓot-bí-bínam, ndí ŋguu nyí M̀búl Mpúán nɛ ɛ ŋgí étɛ nɛ́ yé mi ŋga pɔ́t ɛ́ lɛ́ mbálɛ,

Elōg-Kɔlínto 1 9:12

Kíyáɓɛ́nɛ ɓot ɓatám bí byɛ́ɛ́ nyíŋ kundɛ ányúū yāná, ɛbuu-la-ŋgele yáŋvéé la ɓɛ́hɛ é? Ndí, ɓāh ɓɔ̄ŋle ɓé nyíŋ kundɛ, á mveŋghanɛ́ biíg ɔ́hánɛ mɔ́ mísɛ á lí ɓɔŋ nɛ́ bih váág ɓé ɓɛ́hɛ ɔɓag tɔ vá á lí tɛ́ŋgánɛ lí Pɔ́l M̀ɓɛɛŋ nyí Nyɔ́-a-Pɔ́hlɛ.

Elōg-Kɔlínto 1 9:18

Nsála wáma á lɛ́ hɔ́ yéé é? Nsála wáma á lɛ́ nɛ́ mi lɛ́gɛ́ Pɔ́l M̀ɓɛɛŋ yɛmɛ́, ɛ́h ɓɛ́ ɓé lí ɓɔŋle lí kúndɛ nyíŋ Pɔ́l ɛ ŋga tíi ma.

Elōg-Kɔlínto 2 2:12

Á élōgyāŋ, mi kɛnɛ́ɛ́ á tísɔn Tolóas á li camanɛ lí Pɔ́l M̀ɓɛɛŋ ányúū Nyɔ́-a-Pɔ́hlɛ, ndí tɔ náŋ ákaa Nyɔ́ŋ-Ɛsáŋɛ́ a áhyéné ma míkooká,

Elōg-Kɔlínto 2 4:4

ányúū ɓá bí ŋgá yéɓe ɓé, ɓá bí lɛ́ nɛ́ loó lí nyí sí lá dím éyī, nɛ́ ndí bíh ɛ́nɛ́g ɓé épaa yé Pɔ́l M̀ɓɛɛŋ nyí lípēm lí Nyɔ́-a-Pɔ́hlɛ, nyɔ́ a lɛ á édīŋgɛ́-díŋgɛ yé Ɔ́lolómɛ̄.

Elōg-Kɔlínto 2 9:13

Kasig ɓot bí ŋga kɛ́ li séme lí nyúŋ nsɔ́n á nyaa wá ɓɔŋɓɛ, bíg kɛ li tíi lí Ɔ́lolómɛ̄ lípēm ányúū eógle miní ŋga étɛ likɔlɓan la Pɔ́l M̀ɓɛɛŋ nyí Nyɔ́-a-Pɔ́hlɛ la ányúū elɔ́ŋgɔ m̀mím yáná yé lí kaan lí míɓɛɛŋ elɔŋ la ɓɔ́ ndí elɔŋ la ɓáŋá bísɛ ki.

Elōg-Gálátia 1:7

La mbálɛ, pɔ́l m̀ɓɛɛŋ etám ɛ sē ɓé, ndí ɓot bí mpuŋgú bí lɛ́ á póla yaná nɛ bí ŋga sómo li sáá lí Pɔ́l M̀ɓɛɛŋ nyí Kilístus á lí tɔɔyɛ lí ɛ́yaɓá.

Elōg-Tésaloníka 1 2:13

Á élōgyāŋ, jɔ́ nɛ́ á ɛ́yāhā épah, ɓāh tɔmb ɓé ɓɛ́hɛ lí tíi lí Ɔlolómɛ̄ mítamlan, ányúū nɛ maná lɛ́glé eɓaŋgá yɛ́ɛ́ ɓaá lɛgɛ́ ɓɛ́nɛ. Manáh lɛ́gle ɓé yɔ ákaa eɓaŋgá yé mut-a-binam, ndí maná lɛ́glé yɔ ákaa ɛ́ lɛ̄, yɔ́ nɛ́ ɛ́ lɛ́ eɓaŋgá Ɔ́lolómɛ̄, yé ɛ́ ŋga sál átē wāná ɓɛ́nɛ ɓayéɓe.

Timotéo 1 1:11

Náŋ nɛ́ a ŋga kɛ́han la Pɔ́l M̀ɓɛɛŋ nyí ya tíéɓɛ́ ma, Pɔ́l M̀ɓɛɛŋ nyí Ɔ́lolómɛ̄, Loó lí lípēm la misɔ́tá.

Timotéo 2 1:12

Ányúū náŋ nɛ́ mi ŋga ɔ́hánɛ bíŋ bisɔghe. Ndí náŋ a ŋgá kɔnɛ ɓé ma ɔ́sɔ̄n, átɔm nɛ́ mag yí la nzáá ma yéɓe, mi lɛ ki mbáki nɛ́ a byɛ́ɛ́ ŋguu li naŋɛ lí yé a byéehɛ́ ma nɛ́-tɛ́ɛla á ɔ́lɔ̄ vá tiile.

Timotéo 2 1:16

Nyɔ́ŋ-Ɛsáŋɛ́ a kɔ́nlé m̀biya á Onesifóle ŋgɔ́ɔ́, átɔm nɛ́ á biceg byá, Onesifóle a ŋgí sɔ́ ma lí letɛ lí nyúū, m̀ɓog wáma wáh kɔnɛ ɓé nyɛ ɔsɔ́n.

Timotéo 2 1:8

Jɔ́ hɔ́ nɛ, ɔh kɔnɔ́g ɓé ɔ́sɔ̄n lí tíi lí mbóŋ nyí Ɛtáŋɛ wahá, ɔh kɔnɔ́g ɓé ki ma ɔ́sɔ̄n, ma nyɔ́ mi lɛ̄ á m̀ɓog ányúū yɛ́ɛ̄. Ndí, sɔghé elɔŋ la ma ányúū Pɔ́l M̀ɓɛɛŋ, ɔ válé lípitá á ŋguu Ɔlolómɛ̄,

Elōg-Hébɛl 4:12

Á mbálɛ, eɓaŋgá Ɔ́lolómɛ̄ ɛ́g nyiŋgɛ, ɛ́g sál la ŋguu, ɛ́ byɛ́ɛ́ nsɔŋ ntɔ́ga nyú á ŋga vóó li loo lí mboná nyí ɛ ŋga sɛ́m bípah bíɓáa. Ɛg níŋgi wóŋ átē, yá ɓágá m̀búl la mut-a-até, ya ɓágá ki moŋga mí nyúū la pɔ́ŋ-bíveh. Ɛg kááhɛ kóó la miɔ́ŋɔ mí m̀mím á mut-a-binam.

Pétlos 1 4:16

Ndí, kíyáɓɛ́nɛ mut ag sɔghe ányúū nɛ a yéɓe la Nyɔ́-a-Pɔ́hlɛ, āh nyɛɛ ɓé li kɔn lí ɔ́sɔ̄n, ndí a ɓégɛ́ jā Ɔlolómɛ̄ nɛ a ɓɛ́gɛ joó lí kilístɛn.