Elōg-Hébɛl 9:9 - Esaa-líat ɛ́ péná

⁹ Náŋ nɛ́ a lɛ̄ ndembye ányúū eceg bi byɛ́ɛ̄ lɛn. Nyíŋ ndembye ɛg mínɛ nɛ́ mikaale la misúlé bí ŋga tíi Ɔlolómɛ̄ mí ŋgá la ɓé lí tɔɔyɛ lí m̀mím á mut a ŋgí ɓɔŋɔ́g yéŋ esaa pií.

Elōg-Hébɛl 9:9 ပူးပေါင်းရင်းမြစ်များ

Elōg-Lóma 5:14

Nyaa nɛ́, li ɓotle á Ádam li pám nɛ́-tɛ́ɛla á Móse, nyɛmb ya dúgú lí kanʼyɛ, yu kānʼyɛ́ tɛɛla ɓá bísɛ bíh dɔ́gɓénée ɓé Ɔ́lolómɛ̄ ákaa Ádam. Ŋkwɛl á nyɛ́ Ádam ág punan la nyú á nyɔ́ a ŋgí nyɛɛ li sɔ́.

Elōg-Gálátia 3:21

Ɓaá, mbéndá ɛg tɛ́ŋgánɛ hɔ́ míkakanɛ mí Ɔlolómɛ̄ é? Kɛ́m. Kíyáɓɛ́nɛ pɔm mbéndá nyí ɛ tíéɓɛ́ɛ ɛ byɛ́ɛ́ ŋguu li niŋɛ, la mbálɛ, kí etɛ́l-sim ɛ́g sɔ́le ja á mbéndá.

Elōg-Hébɛl 10:11

Joó nɛ ǹtíi-nsúlé ag tɛ́lɛ ɔlɔ́ sig á li ɓɔŋ lí nsɔ́n wɛ́ɛ́, la li tíi lí milemlem mí mísūlé eceg la eceg sig, mí mí lɛ́ nɛ, m̀ɓá mí ŋgá la ɓé tɔ lí ɓógtɛ lí míɓē.

Elōg-Hébɛl 11:19

Ndí, Áblaháam a ŋgí laga la nyɛ́-mɛ̄n nɛ́, tɔ mut a wú, Ɔlolómɛ̄ a byɛ́ɛ́ ŋguu li pahyɛ lí nyɛ. Ányúū náŋ nɛ́ Ɔ́lolómɛ̄ a tímānɛ̄ nyɛ mɔɔ́n wɛ́ɛ̄ ɔ́ŋgɛn nyɔ́ŋ a wú ndí ɔ pāhye.

Elōg-Hébɛl 5:1

Á mbálɛ, joó nɛ ǹtíi-nsúlé ǹcɛ́ŋ, nyɔ́ a pɔ̄hlɛ́ á póla ɓot-bí-bínam, a tɛ́ɛ́ɓɛ́ á li sále lí Ɔlolómɛ̄ ányúū nsɛ́ŋ á ɓot-bí-bínam. Nsɔ́n wɛ́ɛ́ a lɛ́ nyú á lí sɔ́la lí míkaale la misúlé ányúū elaakɛ-miɓé.

Elōg-Hébɛl 7:11

Mbéndá ɛg laga nɛ́, ɓatíi-nsúlé bíg pámléne á m̀biya á Lévi. Ndí kí ɓɔ́ŋ nɛ́ ɓatíi-nsúlé bí Élōg-Lévi bí yáhɛ́gɛ nsɔ́n wáɓá m̀ɓɛɛŋ, ɓaá, kí nsɛ́ŋ á yéé á mɓɛ́ á li somo lí ǹtíi-nsúlé ntám á liɓɛ́ɛg lí Mɛlkisédɛk é? Nyɔ́ a sē ɓé kaa ɓá ɓá pámléné á m̀biya á Álon.

Elōg-Hébɛl 8:4

Ki ɓɔ̄ŋ nɛ́ Nyɔ́-a-Pɔ́hlɛ a ɓɛ́ á ŋkɔŋ-á-sí, kí a sē ɓé tɔ ki ǹtíi-nsúlé, ányúū nɛ ɓot bí lɛ́ váŋ á yéŋ etɛ́l ɓá bí ŋga sál nyúŋ nsɔ́n li oŋle kaa mbéndá Móse ɛ ŋga lága.

Elōg-Hébɛl 9:24

Á mbálɛ, Yésus Kilístus āh níŋgi ɓé á ndúgā púán nyí ya óŋɓɛ́ la ɓot-bí-bínam, nyí ɛ lɛ yɛmɛ́ édīŋgɛ́-díŋgɛ nyí taŋ ndugá púán. Ndí, á lóō jɔ́-mɛ̄n nɛ́ a níŋgi, nɛ́ ndí nyí lɛn, a tɛ́lɛ́ ɔ́sū ví Ɔ́lolómɛ̄ á lí sɔ́hye lí nyɛ ányúū yāhá.

Pétlos 1 3:21

Mɔ́ nɛ́ mi ɓɛ́ɛ́ ndembye nyí nzoɓan nyí ɛ ŋga sūŋ ɓɛ́nɛ nyí lɛn, nyí ɛ ŋgá púɛ ɓé mbindo nyí nyúū, ndí nyí ɛ lɛ́ bisúghɛ́nɛ́ bí mut a byɛɛ́ miɔ́ŋɔ miláám á lí oŋ lí Ɔlolómɛ̄. Nyíŋ nzoɓan nɛ́ ɛ ŋga sūŋ ɓɛ́nɛ li kele la lipahye lí Yésus Kilístus,