Elōg-Hébɛl 9:5 - Esaa-líat ɛ́ péná

⁵ Njimbilí yí ɛ́ ŋgí punan la áŋgɛl ɛ́ ɓɛ́ɛ́ ɛ́ tɛ́ɛ á lóō lí ŋkúú á ésaa-líat. Yɔ́ nɛ́ ɛ́ ŋgí étɛ nɛ́ Ɔlolómɛ̄ a lɛ váŋ. Mipaa máɓá mí ŋgí kóm yíɓe á voóm bí ŋgí kóm mícii mí nsúlé ányúū elaakɛ-miɓé. Ndí ah eceg lí nánda lí bíŋ bísɛ ɓé yé.

Elōg-Hébɛl 9:5 ပူးပေါင်းရင်းမြစ်များ

Elōg-Lóma 9:4

Ɓɔ́ ɓot bí lɛ́ ɓɔ́ɔ̄n bí Íslāɛl, Ɔlolómɛ̄ a yáanɛ́ ɓɔ̄ ɓɔ́ɔ̄n ɓɛ́ɛ́, ɔ étɛ̄ ɓɔ lipém jɛ́ɛ́, ɔ ɓɔ̄ŋ bísaa-bí-míat la ɓɔ́, ɔ tí ɓɔ mbéndá, ɔ étɛ̄ ɓɔ li ɓɔŋ lí esaa epúán, ɔ tí ɓɔ mikakanɛ

Elōg-Éféso 3:10

Jɔ́ nɛ́, li ɓotle nyí vɔ́ŋɔ́ɔ, li loole la Eɓasɛ nɛ́ Migɔ́mna la Ɓakanʼyɛ bí lɛ́ á lóō bí ŋga kɛ́ lí yí lí peg Ɔlolómɛ̄ á pánd ɛ́sɛ,

Elōg-Hébɛl 4:16

Bi síŋglé hɔ́, ɛ́h ɓɛ́ ɓé woŋ tɔ wá ɓɛɓɛ la étɔɓé-líkanʼyɛ yé Ɔ́lolómɛ̄ nyɔ́ a byɛɛ́ elɔ́ŋgɔ m̀mím, á lí ɓɔŋ nɛ́ a étɛ́ ɓɛ́hɛ ekɔnan-ŋgɔ́ɔ́ yɛ́ɛ́ la elɔ́ŋgɔ yɛ́ɛ́ m̀mím, nɛ́ ndí bi kuh lióŋgánɛ á éceg ɛ́ kɔ́ɔ̄.

Pétlos 1 1:12

Ɔlolómɛ̄ a yɛ́ɛ́léné ɓɔ nɛ́, nyíŋ pɔ́l bí ŋgí lɛ́gɛ ɛh ɓɛ́ɛ́ ɓé ányúū yaɓá ɓɔ́-mɛ̄n, ndí ɛ ɓɛ́ɛ́ ányúū yāná. Yɔ nɛ́, nyí vɔ́ŋɔ́ɔ, ɓalɛgɛ Pɔ́l M̀ɓɛɛŋ bí ŋga lɛ́gɛ ɓɛ́nɛ la ŋguu nyí M̀búl Mpúán nyɔ́ a sɔ́lé á lōó. Nyíŋ pɔ́l, áŋgɛl yɔ́-mɛ̄n ɛ́g somo yɔ lí yí.