Elōg-Hébɛl 8:1 - Esaa-líat ɛ́ péná

¹ Taŋ jam á mam mísɛ ɓaá laga ɓɛ́nɛ ɛ lɛ̄ nɛ́, bi byɛ́ɛ̄ nyíŋ nyaa ǹtíi-nsúlé ǹcɛ́ŋ, nyɔ́ a tɔɔ́ á lóō, á m̀ɓɛ́nlómɛ a etɔɓé-líkanʼyɛ yé Nyɔlɛ a Ŋguu-Mísɛ.

Elōg-Hébɛl 8:1 ပူးပေါင်းရင်းမြစ်များ

Málkus 16:19

Ɛnɛ́ Nyɔ́ŋ-Ɛsáŋɛ́ Yésus a mánɛ ɓɔ́ li kwɛlɛ, ɔ nyɔ̄ŋɓɛ́ á lóō, ɔ tɔ́ɔ̄ á m̀ɓɛ́nlómɛ á Ɔlolómɛ̄.

Elōg-Éféso 6:20

Tɔ náŋ ákaa ma kágɓɛ́ɛ la mísāŋ-mí-bícɛɛ á njɔm Nyɔ́ŋ-Ɛsáŋɛ́, mi lɛ m̀wɛɛla Pɔ́l M̀ɓɛɛŋ. Miní kánɛ́ hɔ́ á lí ɓɔŋ nɛ́ li loole la nyíŋ Pɔ́l M̀ɓɛɛŋ, mi kūh ŋguu ɛ kɔɔ́ á lí lɛgɛ lí yɔ ákaa ɛ́ ŋga sōmlɛ.

Elōg-Kólóso 3:1

Á élōgyāŋ, kasig maná pāhyé élɔŋ la Kilístus, somlán hɔ́ mam mí lɛ́ á lōó, ápah Kilístus a lɛ, ápah a tɔɔ́ a m̀ɓɛ́nlómɛ a Ɔlolómɛ̄.

Elōg-Hébɛl 1:13

Ɓaá yɔɔ́yɔ́ɔ áŋgɛl Ɔlolómɛ̄ ɔ ví laga nɛ́: «Tɔɔ́ á m̀ɓɛ́nlómɛ wama, nɛ́-tɛ́ɛ ma yáanɛ́ ɓálem ɓɔ́ɔ etɛ́lɓéné-míkoo mɔ́ɔ é?»

Elōg-Hébɛl 1:3

La nyɛ́ nɛ́ epaa yé lípēm lí Ɔ́lolómɛ̄ ɛ́ ŋga ɛ́ni, ndí ɔ ɓɛ́ kí kɔɔ yé Ɔ́lolómɛ̄ a lɛ, la ŋguu nyí eɓaŋgá yɛ́ɛ́ nɛ a nīt joó nɛ jam lá vēgɓɛ. Ɛnɛ́ a mānɛ́ li púɛ lí ɓot á míɓē máɓá, ɔ ɓét á lóō, ɔ tɔ́ɔ á m̀ɓɛ́nlómɛ a Nyɔlɛ nyɔ́ a Ŋguu-Mísɛ.

Elōg-Hébɛl 10:12

Ndí á mveŋghanɛ́, Nyɔ́-a-pɔ́hlɛ, ɛnɛ́ a tí pɔm nsúlé ányúū elaakɛ-miɓé, ɔ tɔ́ɔ ki ŋgele ya ányúū yɔ́ ɛ́sɛ á mɓɛ́lómɛ a Ɔlolómɛ̄,

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 2:17

Ányúū náŋ nɛ́ a ŋga nyɛ́ɛ li punan la elōgésāŋ á pánd ɛ́sɛ, nɛ́ ndí a yáan ǹtíi-nsúlé ǹcɛ́ŋ nyɔ́ a yáhɛ́ la m̀mím á ŋgɔ́ɔ́, nyɔ́ a ŋga sál nsɔ́n wɛ́ɛ́ kaa ɛ́ ŋga sōmlɛ ɔ́sū ví Ɔ́lolómɛ̄. Nyɛ́ nɛ́ a tɛ́ɛ́ɓɛ́ á lí kuhle lí ɓot-bí-bínam elaakɛ-miɓé.

Elōg-Hébɛl 3:1

La náŋ hɔ́ á élōgyāŋ, ɓɛ́hɛ ɓá bi lɛ̄ ndog-Ɔlolómɛ̄, nyí ya yéɓé ŋyáŋlán wɛ́ɛ́, miní légɓé Yésus. Ɔlolómɛ̄ a óm nyɛ́ nɛ́ a ɓɛ́ ɓɛ́hɛ ǹtíi-nsúlé ǹcɛ́ŋ, La nyɛ́ nɛ́ bi ŋga yéɓé.

Elōg-Hébɛl 4:14

Kasig bi byɛɛ́ hɔ́ taŋ ǹtíi-nsúlé ǹcɛ́ŋ nɛ Yésus, Mɔɔ́n Ɔ́lolómɛ̄, nyɔ́ a yáɓē míloó li pám tɛɛla á mbóg Ɔlolómɛ̄, bi tíŋɓé hɔ́ á ŋyéɓé bi ŋga páha.

Biyɛ́ɛ́léné 3:21

Ǹdí-cíŋ, ag kɛ li tɔɔ elɔŋ la ma á étɔɓé-líkanʼyɛ yama, ákaa mág ma tɔ́ɔ̄ la Etāa á étɔɓé-líkanʼyɛ yɛ́ɛ́ eceg ma dí cíŋ.