Elōg-Hébɛl 6:1 - Esaa-líat ɛ́ péná

¹ La náŋ hɔ́, bih tíglégé ɓé ɓɛ́hɛ á mam mí ɔ́sū la ɔsú ɓaá yége likɔlɓan la Yésus Kilístus, á li ɓét á ésukúlu yé mináŋag-mí-ɓot. Bih tɔɓégé ɓé ɓɛ́hɛ á jaa lí míōŋ jé lí lɛ́ yé ɓaá dúgú lí yége, kaa li cóó lí misɔ́n mí ŋga óm ɓɛ́hɛ á nyɛmb la li yéɓe la Ɔlolómɛ̄,

Elōg-Hébɛl 6:1 ပူးပေါင်းရင်းမြစ်များ

Matéus 21:29

Nyɔ́ŋ ɔ pélē nyɛ̄ nɛ́: ‹Mi ŋgá kɛ ɓé ma›. Ámbúh eceg náŋ ɔ téeŋgɛ́ nyɛ, ɔ tímān lí kɛ.

Matéus 21:32

Ákaa ɛ́sɛ, Yohánɛs Ǹtíi-nzoɓan a sɔ́ á yóg yaná ag étɛ nzen ɛ tɛ́ɛ́ sim, ndí ɓɛ́nɛ, manáh yéɓe ɓé nyɛ; á mveŋghanɛ́, ɓakomanɛ-ŋkuh-á-gɔ́mna la ɓondígá bí ákwala ɓɔ́ ɓá yéɓé nyɛ. Tɔ ámbúh li ɛ́n náŋ, manáh yíg veŋe ɓé bilɛ́m nɛ́ miní yéɓé la nyɛ́.»

Matéus 3:2

«Támán aɓé wáná miní vēŋé bílɛ̄m, átɔm nɛ́ Likanʼyɛ lí lóō li lɛ́ ɓɛɓɛ!»

Matéus 4:17

Li ɓotle váŋ á yéŋ eceg nɛ́ Yésus a ɓōtlé lí lɛgɛ nɛ́: «Támán áɓē wáná miní vēŋé bílɛ̄m ányúū nɛ Likanʼyɛ lí lóō lá siŋgle.»

Matéus 5:48

Ɓɛ́nɛ hɔ́, ɓɛ́án ŋgíla ɔnɛ́g ákaa Ɛsɔ́ŋɛ́ wāná a lɛ á lóō a lɛ ŋgíla ɔnɛ́g.»

Matéus 7:25

Ɛnɛ́ mbeŋ ya nɔ́, epupɛ yú ɓét, avóó á míndīm wú sɔ́, ŋgɔá yu vūŋlé wɔ, wáh kúlú ɓé, ányúū nɛ wá óŋɓɛ́ á lóō lí ŋgɔg.

Málkus 1:1

Miɓotlé mí Pɔ́l M̀ɓɛɛŋ nyí Yésus Kilístus, Mɔɔ́n Ɔlolómɛ̄ mí lɛ́ jā:

Málkus 6:12

La ɓaómɓɛ ɓɛ́ɛ́ bú kɛ li lɛgɛ lí pɔ́l nɛ ɓot bí vēŋé bílɛ̄m.

Lúkas 6:48

A lɛ ákaa mut a ŋga óŋ nlɛ́ɛ́, ag tím jaa, a níŋgɛ́ jɔ á sí, a tɛ́ɛ́yɛ́ jɔ á lóō lí ŋgɔg. Ɛnɛ́ épupɛ yá sɔ́, mindím mí ŋgí vóó, mú lɔ́g wɔ, ndí wáh póghan ɓé, ányúū nɛ wá óŋɓɛ́ m̀ɓɛɛŋ.

Yohánɛs 12:44

Váŋ nɛ́ Yésus a lɛ́gɛ hɔ́ nɛ: «Tɔ nzáá a ŋga yéɓe la ma, a ŋgá yéɓe ɓé jā la ma, ndí ag yéɓe la nyɔ́ a óm ma.

Yohánɛs 14:1

Ɛnɛ́ Yésus a mánɛ lí pɔ́t la Pétlos, ɔ lága sīg-pɛ nɛ́: «Mimím máná míh tuŋglágán ɓé. Kasig miní ŋga yéɓe la Ɔlolómɛ̄, miní yéɓé ki la ma.

Yohánɛs 5:24

La mbálɛ-mbálɛ, mag laga ɓɛ́nɛ nɛ́, tɔ nzáá a ŋga ámble eɓaŋgá yáma la li yéɓe la nyɔ́ a óm ma, a byɛ́ɛ eniŋ éɓem, a ŋgá kɛ ɓé lí ku lí ŋkál, ndí a ɓógó á nyɛmb li timan á éniŋ.

Misɔ́n mí Ɓáōmɓɛ 11:18

Ɛnɛ́ ɓot ɓá ámblé bíŋ biɓaŋgá, bú tɔ́ɔ̄ pií, bú ɓōtlé lí ɓégɛ lí Ɔ́lolómɛ̄ la li laga nɛ́: «Ɛ́ lɛ́ mbálɛ, Ɔlolómɛ̄ a tí ki milóm mí sē ɓé mí mí Élōg-Yúda póla nɛ́ mí vēŋé bílɛ̄m la mɔ́ mí kuh eniŋ éɓem.»

Misɔ́n mí Ɓáōmɓɛ 17:30

Ɛ́nán sig nɛ́, Ɔlolómɛ̄ ah nyɔŋ ɓé eceg la nyíŋ ŋgilí-sɔ́ŋtānɛ, nyí vɔ́ŋɔ́ɔ, ag lɛgɛ ɓot voóm ásɛ nɛ́ bí vēŋé bílɛ̄m.

Misɔ́n mí Ɓáōmɓɛ 2:38

Pétlos ɔ pélē ɓɔ́ nɛ́: «Miní vēŋé bilɛ́m, mut sig ki á élɔŋ yáná a kūh nzoɓan á joó lí Yésus Kilístus ányúū elaakɛ-miɓé mɛ́ɛ́, la náŋ miníg kɛ li kuh lí M̀búl Mpúán kaa likaale.

Misɔ́n mí Ɓáōmɓɛ 20:21

Mbóŋ yáma ya yíglé ɓɔ́ɔ̄n bí Élōg-Yúda la ɓá bí sē ɓé ɓɔ́ɔ̄n bí Élōg-Yúda nɛ́ bí vēŋé bílɛ̄m la ɓɔ́ bí yéɓé Ɛtáŋɛ wahá Yésus.

Misɔ́n mí Ɓáōmɓɛ 26:20

Á mveŋghanɛ́, ma ɓōtlé jā lí lɛgɛ lí ɓot bí Dámas, ɓá bí Yélūsalɛm, á Yúdēa yɔ ɛsɛ̄ la míŋí mílōm mí mí sē ɓé mí Élōg-Yúda nɛ́ bí véŋē eniŋ, bí tímān la Ɔlolómɛ̄, bí niŋléné á nyɔ́ŋ mveŋghanɛ́.

Misɔ́n mí Ɓáōmɓɛ 3:19

Miní vēŋé hɔ́ éniŋ, miní tímān la Ɔlolómɛ̄, á li ɓɔŋ nɛ́ a láákɛ́ miɓé máná.

Elōg-Kɔlínto 1 13:10

Ndí, eceg mam mísɛ mí ŋga kɛ́ li yál, yé yá tunu ɛ́g kɛ li ɓɔ́.

Elōg-Kɔlínto 1 2:6

Á mbálɛ, peg nɛ́ bi ŋga cámanɛ ɔ́sū ví ndog-Kilístus nyí yá óló á ŋyéɓé. Nyíŋ peg ɛ sē ɓé peg nyí nyú ŋkɔŋ-á-sí, tɔ nyí ɓakanʼyɛ bí nyú ŋkɔŋ-á-sí, ɓá ɓá tɛ́ɛ́ɓɛ́ nɛ̄ bíg kɛ li cɛ́ɓɛ.

Elōg-Kɔlínto 2 7:1

Á élōgyāŋ yé édiŋ, kasig ɓaá kuh yíŋ nyaa míkakanɛ, bi púɛ́ ɓɛ́hɛ-mɛ̄n á yé ɛ́sɛ ɛ́ ŋga vínɛ nyúū la m̀búl. Bi mánɛ́ li yaanɛ lí ɓɛ́hɛ-mɛ̄n ɓápūán á sí woŋ á Ɔ́lolómɛ̄.

Elōg-Kɔlínto 2 7:10

Ákaa ɛ́sɛ, ɔún Ɔlolómɛ̄ a tɛ́ɛ́yɛ víg sɔ́la mveŋghanɛ́ a eniŋ nyɔ́ a ŋga kɛ́la á lísuŋga, ɛ́h ɓɛ́ ɓé lí sɔ́la lí étámka tɔ yá. Evínɛ-m̀mím yé ɛ́ ŋga sɔ́le la nyú ŋkɔŋ-á-sí ɛ́g sɔ́la nyɛ̄mb.

Elōg-Éféso 2:1

Á élōgyāŋ, ɓɛ́nɛ ɓot miní ɓɛ́ɛ́ míwúag ányúū avuha wáná la miɓé máná miní ŋgí ɓɔŋ

Elōg-Éféso 2:5

Ányúū náŋ nɛ́, kasig bi ɓɛ́ɛ́ míwúag ányúū avuha wáhá, a tímān ɓɛ́hɛ li tíi lí éniŋ elɔŋ la Nyɔ́-a-Pɔ́hlɛ. La elɔ́ŋgɔ yɛ́ɛ́ m̀mím nɛ ɓaá suŋɓɛ.

Elōg-Éféso 4:12

nɛ́ ndí ndog-Ɔlolómɛ̄ ɛ yáhɛ́ misɔ́n mí éɓasɛ, á lí ólɓɛ lí nyúū nyí Nyɔ́-a-Pɔ́hlɛ.

Elōg-Kólóso 1:28

Nyɔ́ŋ Yésus Kilístus, la eyí ɛ́sɛ nɛ́ bi ŋga lɛ́gɛ pɔ́l yɛ́ɛ̄, nɛ́ bi ŋga ɓóŋyɛ la li yéglɛ lí mut sig, nɛ́ ndí mut sig a ɓɛ́ ŋ̀ólɓag m̀ɓɛɛŋ átē a ŋ̀atanɛ́ la nyɛ́.

Elōg-Kólóso 3:14

Ndí, ákaa jam li ɔsú, ɓɛ́án la ediŋ átē wāná, átɔm nɛ́ yɔ́ nɛ́ ɛ lɛ́ taŋ ŋ̀atanɛ́.

Elōg-Kólóso 4:12

Epafálas nyɔ́ a lɛ mɔ́ɔ̄n wāná nyɛ́g ag tama ɓɛ́nɛ. A lɛ m̀ɓɔŋle a Yésus Kilístus, ag du eceg ɛ́sɛ ányúū yāná átē a mikánɛ, á lí ɓɔŋ nɛ́ miníh yɔŋɓág ɓé, miní ɓɛ́ miólɓāg, miní yéɓé ki li ɓɔŋ lí nsom á Ɔ́lolómɛ̄ ásɛ.

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Timotéo 1 6:19

La náŋ míg kɛ́ li komanɛ lí elɔ́ŋgɔ la taŋ abyaŋ ányúū yaɓá mɔ́-mɛ̄n ányúū eceg ɛ ŋga kɛ́ li sɔ́, nɛ́ ndí mí kūh taŋ eniŋ.

Timotéo 2 2:19

Ákaa ɛ́sɛ, jaa Ɔlolómɛ̄ a tɛ́ɛ́yɛ lí lɛ́ ŋguu. Biɓaŋgá byá ciiɓɛ́ muŋ byɔ́ bí nɛ́: «Nyɔ́ŋ-Ɛsáŋɛ́ ag yí ɛ́ɓɛ̄ɛ̄.» La ki nɛ́: «Tɔ nzáá a ŋga lónle Nyɔ́ŋ-Ɛsáŋɛ́, a nɛ́ŋɛ̄ la aɓé!»

Elōg-Hébɛl 11:6

Á mbálɛ, mut tɔ wa a sē ɓé nɛ a nyɛ́ɛ́lé Ɔ́lolómɛ̄ kíyáɓɛ́nɛ ah byɛ́ɛ́ ɓé ŋyéɓé. La náŋ, nyɔ́ la nyɔ́ a ŋga síiŋgle ɓɛɓɛ la Ɔlolómɛ̄ ag nyɛɛ li yéɓe nɛ́ Ɔlolómɛ̄ a lɛ, la ki nɛ́ nyɛ́ Ɔ́lolómɛ̄ ag págle ɓá bí ŋga sómo nyɛ́.

Elōg-Hébɛl 12:13

miní wɛ́ɛhɛ́nɛ á anzenzéna a tɛ́ɛ́, á lí ɓɔŋ nɛ́ mut a ŋga cɔ́ŋg, akoo áh búgyág ɓé nyɛ nɛ́ ɓam ɓam, ndí a tɔ́ɔ ja mbólí.

Elōg-Hébɛl 7:11

Mbéndá ɛg laga nɛ́, ɓatíi-nsúlé bíg pámléne á m̀biya á Lévi. Ndí kí ɓɔ́ŋ nɛ́ ɓatíi-nsúlé bí Élōg-Lévi bí yáhɛ́gɛ nsɔ́n wáɓá m̀ɓɛɛŋ, ɓaá, kí nsɛ́ŋ á yéé á mɓɛ́ á li somo lí ǹtíi-nsúlé ntám á liɓɛ́ɛg lí Mɛlkisédɛk é? Nyɔ́ a sē ɓé kaa ɓá ɓá pámléné á m̀biya á Álon.

Elōg-Hébɛl 9:14

Kíyáɓɛ́nɛ náŋ a ɓɛ́ɛ́ mbálɛ, ɛbuu-la-ŋgele yáŋvéé hɔ́ la micii mí Yésus Kilístus é? Nyɔ́ a lɛ nɛ́, la m̀búl á éɓem, a súlé nyɛ́-mɛ̄n Ɔlolómɛ̄ kaa tít ŋgíla ɔnɛ́g nyí ɓá sɛ́m cíŋ. Micii mɛ́ɛ́ míg kɛ li púɛ lí míɔ̄ŋɔ máhá mí má lɔɓé la miɓɔŋɔg mí mí ŋga óm ɓɛ́hɛ á nyɛmb. La náŋ, biíg kɛ li la lí lí sále lí Ɔ́lolómɛ̄ Loó lí éniŋ.

Yákop 1:4

Ndí, ɛ́g ɓat nɛ́ nyúŋ alet wáná á pám nɛ́-tɛ́ɛla á lísūg á lí ɓɔŋ nɛ́ miní ɓɛ́ ɓot bí lɛ́ kaa ɛ́ ŋga sōmlɛ, ŋgíla ɔnɛ́g, tɔ jam ki líh yɛ́ɛ́légé ɓé ɓɛ́nɛ.

Pétlos 1 1:21

Li kele la nyɛ́ nɛ́ miní ŋga yéɓe la Ɔlolómɛ̄, nyɛ́ nɛ́ a pāhyɛ́ nyɛ á póla ɓá ɓá wū, la nyɛ́ ɔ tí nyɛ lipém, nyaa nyí ɛ lɛ̄ nɛ́ máná nāŋʼyéné ŋyéɓé wáná la lipitá jáná la Ɔlolómɛ̄.

Pétlos 1 5:10

Ɔlolómɛ̄ nyɔ́ a byɛɛ́ joó nɛ likaale, nyɔ́ a yáŋá ɓɛ́nɛ á li níŋgi á lipém jɛ́ɛ́ lí eɓem elɔŋ la Yésus Kilístus, ag kɛ ɓɛ́nɛ li tɛ́ɛ́yɛ nyɛ́-mɛ̄n ámbúh esɔghe miní ŋga kɛ́ li kuh ányúū puh éceg. Ag kɛ ɓɛ́nɛ li letɛ lí nyúū, a ólɓɛ́ ɓɛ́nɛ, a yáánɛ́ ɓɛ́nɛ ndiŋ.

Yohánɛs 1 4:12

Mut tɔ wa a ɓáág ŋgi lí ɛ́n lí Ɔlolómɛ̄. Kíyáɓɛ́nɛ biíg diŋan ɓɛ́hɛ la ɓɛ́hɛ, Ɔlolómɛ̄ a lɛ lá ɓɛ́hɛ, ediŋ yɛ́ɛ́ ki yá yál á póla yahá.