Elōg-Hébɛl 5:9 - Esaa-líat ɛ́ péná

⁹ A óglé nɛ́-tɛ́ɛ ɔ yáan nyɔ́ a kɔɔ́ lí ɓɔŋ nɛ́ ɓot bísɛ bí ŋga ógle nyɛ́ bí kuh lísuŋga lí pɔ́gɔ́-pɔgɔ,

Elōg-Hébɛl 5:9 ပူးပေါင်းရင်းမြစ်များ

Matéus 17:5

Kasig a ɓɛ́ɛ́ a ŋgí pɔ́tɔg, mbaga ɛ ŋga páa yu bútyɛ́ ɓɔ, la cíŋ yu pámlé muŋ, yu lága nɛ: «Nyɔ́ nɛ́ a lɛ édidíŋɛ yáma Mɔɔ́n, nyɔ́ ma dīŋ lí pɔhɔ. Miní óglé nyɛ́!»

Lúkas 13:32

La nyɛ́ ɔ pélē ɓɔ nɛ́: «Kɛnán miní lágá nyíŋ mbaŋga nɛ́: Mag duhu mimbúl míɓē, mag tála ki ɓakɔɔ́kɔ̄n lɛn la likɛ́ɛ́, miúmɓáa náŋ a súg.

Yohánɛs 19:30

Ɛnɛ́ a nyú éɓāmhá-wáany, ɔ yó nɛ: «Mɔ́mísɛ má yál!» La nyɛ́ ɔ ɛ́ŋʼyɛ́ m̀mú, ɔ páte.

Misɔ́n mí Ɓáōmɓɛ 3:15

Ŋ̀kanʼyɛ a eniŋ nyɔ́ maná ólhānɛ, Ɔlolómɛ̄ a pāhyɛ́ nyɛ á póla ɓá ɓá wū, bi lɛ mbóŋ míŋ mam.

Misɔ́n mí Ɓáōmɓɛ 4:12

Lisuŋga tɔ já lí ŋgá sɔ́le ɓé voóm ntám amáh sig la nyɛ́, átɔm nɛ́, mú á sí vaŋgá, Ɔlolómɛ̄ āh tíi ɓé ɓot-bí-bínam joó lítām tɔ já lí ŋga sɔ́la ɓɛ́hɛ lisuŋga.»

Misɔ́n mí Ɓáōmɓɛ 5:32

Ɓɛ́hɛ la M̀búl Mpúán nyú Ɔlolómɛ̄ a tí ɓá bí ŋgá ógle nyɛ́, bi lɛ mbóŋ míŋ mam mísɛ.»

Elōg-Lóma 1:5

La nyɛ́ nɛ́ ɓaá kuh líkaale á lí ɓɛ́ lí ɓáōmɓɛ á lípēm lí jóō jɛ́ɛ́, nɛ́ ndí bi ɓɔŋ nɛ́ yaa milóm ɛ yéɓé la nyɛ́, ɛ óglé ki nyɛ́.

Elōg-Lóma 10:16

Ndí, ɓot bísɛ ɓáh ógle ɓé Pɔ́l M̀ɓɛɛŋ. Ákaa ɛsɛ̄, Esáya a ɓat nɛ́: «Ɛtáŋɛ, nzáá a yéɓé líkálo jáhá á Pɔ́l yɔ́ɔ bi ŋga lɛ́gɛ é?»

Elōg-Lóma 15:18

Ányúū nɛ́ mi sē ɓé tɔ ma nɛ́ ma ɓágá ányu á li pɔ́t lí jam tɔ já á nsɔ́n á Ɔ́lolómɛ̄, amáh sig yé Kilístus a ɓɔŋ li kele la ma. A ɓɔ̄ŋ nɛ́ mi óŋgánɛ ɓot bí sē ɓé ɓɔ́ɔ̄n bí Élōg-Yúda nɛ́ bí óglé Ɔ́lolómɛ̄. A ŋgí yáhɛ náŋ átē á biɓaŋgá mi ŋgí pɔ́t la átē a misɔ́n mi ŋgí sál.

Elōg-Lóma 2:8

Ndí, ɓandɔ́gɓéne nyɛ́ Ɔlolómɛ̄, ɓatɛ́ŋgánɛ mbálɛ, la ɓatiŋɓe á mam míh tɛ́ɛ́ ɓé, Ɔlolómɛ̄ ag kɛ ɓɔ́ lí étɛ lí ɔ́ūn vɛ́ɛ́, kasig bí ŋga nyɛɛle ɓé nyɛ.

Elōg-Lóma 6:17

Bi tí Ɔlolómɛ̄ mítamlan, átɔm nɛ́ miní ɓɛ́ɛ́ míyɔ̄ŋ mí áɓē, ndí nyí vɔ́ŋɔ́ɔ, maná lɛ́glé yé ɓá yéglɛ́ ɓɛ́nɛ, munú óglé ki yɔ́ la m̀mím wáná ásɛ.

Elōg-Kɔlínto 2 10:5

la mam mí kúmba mísɛ mí ŋga céŋɛ li yí lí Ɔlolómɛ̄. Biíg kágyɛ míɔ̄ŋɔ mí ɓot á lí ɓɔŋ nɛ́ bí óglé Nyɔ́-a-Pɔ́hlɛ,

Elōg-Fílípi 2:12

Á élōgyāŋ yé ediŋ, á yé ma sɔ́lé ɓɛ́nɛ li laga, ɓɛ́nɛ ɓá miní ɓáág éōgle, miníh ɓɛ́ɛ́g ɓé jā yɔ́ ɔ́sū vama, ndí nyí vɔ́ŋɔ́ɔ mi sē ɓé ma, miní lóohán sīg-pɛ yɔ́ lí ɓɛ́. Átē a woŋ la nsɛ́glānɛ́, miní lɔ́gɓán á lí étɛ nɛ́ maná suŋɓɛ.

Elōg-Tésaloníka 2 1:8

Ag kɛ li sɔ́ átē a lindombo lí nzáan, á lí kɔ́ghɛ lí ɓot bí ŋgá yí ɓé Ɔ́lolómɛ̄ tɔ li ógle lí Pɔ́l M̀ɓɛɛŋ nyí nyɛ́ Ɛtáŋɛ wahá Yésus.

Elōg-Tésaloníka 2 2:16

Ɔlolómɛ̄ Etāa wahá nyɔ́ a dīŋ ɓɛ́hɛ, á ékɔnan-ŋgɔ́ɔ́ yɛ́ɛ́, a sɔ́la ɓɛ́hɛ emɔ́mɛ yé éɓem, a tí ki ɓɛ́hɛ taŋ lipitá,

Timotéo 2 2:10

Ányúū náŋ nɛ́ mi ŋga ɔ́hánɛ mam mísɛ ányúū ɓot Ɔlolómɛ̄ a pɔ́hɔ, nɛ́ ndí ɓɔ́g bi kuh lisuŋga jé lí lɛ́léné á Yésus Kilístus, bí kuh ki lipém lí éɓem.

Elōg-Hébɛl 1:14

Ɓaá, yíŋ áŋgɛl ɛ́sɛ ɛ́ sē ɓé ja mímbūl mí mí ŋga sále Ɔlolómɛ̄ é? Ɓaá nsɔ́n wáɓá á sē ɓé jā lí óŋgánɛ lí ɓot bí ŋga nyɛ́ɛ li kuh lí lísuŋga é?

Elōg-Hébɛl 11:40

Kasig Ɔlolómɛ̄ a ɓōŋhán ɓɛ́hɛ taŋ mam ɛ́ ŋga lóo ɛmáɓá, ányúū náŋ nɛ́ ɓáŋ ɓot bíh mɓɛ́ ɓé nɛ ɓá yāán ɓapúán ɛ́h ɓɛ́ ɓé ɓɛ́hɛ.

Elōg-Hébɛl 11:8

Li kele la ŋyéɓé nɛ Áblaháam a ógle Ɔ́lolómɛ̄ eceg nyɔ́ŋ a yáŋléé nyɛ́, la nyɛ́ ɔ kɛ̄ á ékombo yé a ŋgí nyɛɛ li kuh ákaa embámbá. Ɔ tɛ́lɛ̄, la nyɛ́ ɔ kɛ, ɛ́h ɓɛ́ ɓé li yí lí vóōm a ŋgí kɛ.

Elōg-Hébɛl 12:2

Eceg bi ŋga nāŋga m̀bíí, miíh máhá mí ɓɛ́ ja á mbóg Yésus, nyɛ́ nɛ́ a légē ɓɛ́hɛ nzen nyí ŋyéɓé, nyɛ́ ki nɛ́ a ŋga kɛ́ wɔ́ lí pámla á lísūg, nyɛ́ nɛ́, a mwáhɛ́ mívag mí mɓɛ́ nyɛ̄ ɔ́sū, la nyɛ́ ɔ yéɓé nyɛmb nyí mbásá átē a eɔ́hánɛ, ɛ́h ɓɛ́ ɓé lí nyɔŋ lí éceg la mbɔɔla ɛsɛ̄ nyíŋ nyaa nyɛmb ɛ ŋga tíi. Ndí nyí vɔ́ŋɔ́ɔ, a tɔ́ɔ á m̀ɓɛ́nlómɛ a etɔɓé-líkanʼyɛ yé Ɔ́lolómɛ̄.

Elōg-Hébɛl 2:10

Ákaa ɛ́sɛ, Ɔlolómɛ̄ nɛ a vēg jóō nɛ́ jam, jam sig ki lú ɓɛ́ ɛjɛ́ɛ́. Kóó yɛ́ɛ̄ ɛ lɛ́ nɛ́ ɔbul ví ɓot ví yaan ɓɔɔ́n ɓɛ́ɛ́ la ɓɔ́ bí nyɔŋ ŋgaan á lípēm jɛ́ɛ́. Kaa Yésus nɛ́ a ŋgí nyɛɛ li ɓɔŋ nɛ́ bí sūŋɓɛ̄, ɛ́ ŋga sōmlɛ nɛ́ la bisɔghe byɛ́ɛ́ a ŋga kuh, a ɓɛ́ nyɔ́ a kɔɔ́ ɓɔ́ lí suŋ.

Elōg-Hébɛl 2:3

Nɛ́-láá hɔ́ ɓɛ́hɛ-mɛ̄n bi ŋga lá li véé lí ékɔ́ghɛ kíyáɓɛ́nɛ ɓaá yaŋá bíɓaŋgá bí ŋga sɔ́la nyíŋ taŋ lisuŋga é? Jéŋ lisuŋga nɛ́ Nyɔ́ŋ-Ɛsáŋɛ́ nyɛ́-mɛ̄n a dúgléé lí lɛgɛ, ámbúh nyɛ́, ɓot bí ámbléé nyɛ́ bú tímān ɓɛ́hɛ li yīgyɛ lí nlemlem á jam,

Elōg-Hébɛl 9:12

Eceg Yésus a níŋgléé ŋgele ya ányúū yɔ́ ɛ́sɛ á ndugá ya lóohan púán, ah micii mí ɓálōm bí mítōmbɛ́ la mí mí ɓɔ́ɔ̄n bí nyága ɓé nɛ a tíéé kaa nsúlé, ndí micii mɛ́ɛ́ nɛ a tíi, náŋ nɛ́ a pámɛ́ ɓɛ́hɛ á m̀ɓog á éɓem la eɓem.

Elōg-Hébɛl 9:15

Ányúū náŋ nɛ́ Nyɔ́-a-Pɔ́hlɛ a lɛ á póla Ɔlolómɛ̄ la ɓot bí binam ányúū esaa-líat ɛ́ péná, yé ɛ́ lɛ́ lílagle lí péná. A wú ányúū li ɓógtɛ lí ɓot-bí-bínam á m̀ɓog nyú míɓē máɓá mí váá ɓɔ́ eceg bí ɓɛ́ɛ́ bí ŋgí lɛ á ésaa-líat yé ɔ́sū. Jɔ́ nɛ́, ɓot Ɔlolómɛ̄ a yáŋá bíg la li kuh lí émbāmbá yá yé ɛ́ ŋgá cɛ́ ɓé, yé ɛ́ lɛ́ nɛ a kakánɛ́ ɓɔ̄,

Elōg-Hébɛl 9:28

Nlemlem nɛ́, Yésus Kilístus ki a tíéɓɛ́ kaa nsúlé ŋgele yāhya, ányúū lí ɓógtɛ lí míɓē mí mbɔ́ŋgɔ limut. Ag kɛ li ɛ́ni ŋgele ya yáhɛ́ ɛ́ɓáa, ah ányúū li manɛ lí míɓē ɓé, ndí ányúū li suŋ lí ɓot bí ŋga láaŋke misɔ́ mɛ́ɛ́.

Pétlos 1 1:22

Kasig maná óglé mbálɛ, maná púɛ́ mímbūl máná, á lí wɛɛhɛnɛ á édiŋ línyaŋ yé ŋgíla ɔtaɓa. Miní diŋán ɓɛ́nɛ la ɓɛ́nɛ la m̀mím á ŋga púú ɛ́h ɓɛ́ lí tɔmb.

Yohánɛs 1 5:20

Biíg yí ki nɛ́, Mɔɔ́n Ɔlolómɛ̄ a sɔ́, la nyɛ́ ɔ tí ɓɛ́hɛ eyí, á lí ɓɔŋ nɛ́, bi yí Loó-lí-mbálɛ. Bi lɛ la Loó-lí-mbálɛ bu ɓɛ́ ki la Mɔɔ́n wɛ́ɛ̄ Yésus Kilístus. Nyɛ́ nɛ́ a lɛ Loó-lí-mbálɛ ɔ ɓɛ́ ki eniŋ éɓem.

Yúde 1:21

Miní tɔɓéné á édiŋ yé Ɔ́lolómɛ̄, á nlaaŋkán á ékɔnan-ŋgɔ́ɔ́ yé Ɛ́tāŋɛ wahá Yésus Kilístus ányúū lí kuh lí éniŋ éɓem.