Elōg-Hébɛl 5:7 - Esaa-líat ɛ́ péná

⁷ Nyɔ́-a-Pɔ́hlɛ nɛ́, á éniŋ yɛ́ɛ́ mú á sí vaŋgá, átē a ŋgandag mílōn la bíya, a kánɛ, ɔ ɓétɛ́ ki nzag á yóg mut a ŋgí la nyɛ́ lí suŋ á nyɛmb, la Ɔlolómɛ̄ ɔ yáhɛ́ nzag yɛ́ɛ́ ányúū esuhɛ-nyuú yɛ́ɛ́.

Elōg-Hébɛl 5:7 ပူးပေါင်းရင်းမြစ်များ

Matéus 27:46

Mam mí ŋgɛ́ŋ ɛ́ŋháa ɛ́ ŋgōgó, Yésus ɔ tɛ́ɛ́ nlón la ŋguu nɛ́: «Éli, Éli, lema sabágtani!» Náŋ ag kɔplɛ nɛ́: «Á Ɔ́lolómɛ̄ wama, á Ɔ́lolómɛ̄ wama, ányúū yéé wa cóó ma é?»

Matéus 27:50

Ndí Yésus, ɔ tɛ́ɛ́ sīg-pɛ nlón la ŋguu, la nyɛ́ ɔ páte.

Málkus 15:34

Á yíŋ ŋgɛ́ŋ ɛ́ŋháa ɛ́ ŋgōgó, Yésus ɔ tɛ́ɛ́ nlón la ŋguu nɛ́: «Elói, Elói, lama sabágtani!» Náŋ ag kɔplɛ nɛ́: «Á Ɔlolómɛ̄ wama, á Ɔlolómɛ̄ wama, ányúū yéé wa cóó ma é?»

Málkus 15:37

Ndí Yésus, ɔ tɛ́ɛ́ sīg-pɛ nlón la ŋguu, la nyɛ́ ɔ páte.

Lúkas 23:46

La Yésus ɔ tɛ́ɛ́ nlón á lóō lóō, a byɛ́ nɛ́: «Etāa, mag tímanɛ m̀búl wáma á mɔ mɔ́ɔ.» Ɛnɛ́ a manhɛ́ɛ li pɔ́t náŋ, ɔ páte.

Yohánɛs 1:14

La Eɓaŋgá yú ɓɔ̄ŋɓɛ́ mut-a-binam, la yɔ́ yú tɔ́ɔ̄ la ɓɛ́hɛ, ɓɛ́hɛ ki bu mɛ̄mɛ́ lipém jɛ́ɛ́. Jéŋ lipém, lí pɔmbɛ Mɔɔ́n, líg sɔ́le nyɛ́ la Ɛsáŋɛ́, nyíŋ pɔmbɛ Mɔɔ́n ɛ yáhɛ́ la mikaale mí Ɔ́lolómɛ̄, mbálɛ ki ɛ yáhɛ yɔ á nyúū.

Yohánɛs 11:35

La Yésus ɔ lée.

Yohánɛs 11:42

Mag yí la mbálɛ nɛ́ ɔg ámble ma eceg sig. Ndí, ányúū jé limut la díí ma, mag pɔ́t nɛ́ ndí bí yéɓé nɛ́ wa nɛ́ wa óm ma.»

Yohánɛs 17:1

Ɛnɛ́ Yésus a mánɛ li pɔ́t náŋ, ɔ ɓétɛ́ miíh á lóō, ɔ kánɛ́ nɛ: «Etāa, ŋgɛ́ŋ ya kɔlan, tí Mɔɔ́n wɔ́ɔ lipém, á lí ɓɔŋ nɛ́ Mɔɔ́n wɔ́ɔ nyɛ́g a tí wa lipém.

Elōg-Lóma 8:3

Ɔlolómɛ̄ a ɓɔ̄ŋ yé mbéndá yāh la ɓé li ɓɔŋ, ányúū nɛ, nyíŋ mbéndá ɛh ɓɛ́ɛ́la ɓé ŋguu nyí li kanʼyɛ lí mut-a-binam átē a aɓɔt wɛ́ɛ́. Ányúū li kɔ́ghɛ lí áɓē nɛ āh ɓɛ́ɛ́la ɓé pɛ ŋguu tɔ ya á nyúū nyí mut-a-binam, Ɔlolómɛ̄ a óm Mɔ́ɔ̄n wɛ́ɛ̄ á épunan yáhá la nyuú nyí miɓé, nɛ́ a ɓógtɛ́ ɓɛ́hɛ á áɓē.

Elōg-Gálátia 4:4

Ndí, ɛnɛ́ eceg yá kɔlan, Ɔlolómɛ̄ ɔ óm Mɔ́ɔ̄n wɛ́ɛ̄, nyɔ́ a byáá la mindígá, ɔ ɓɛ́ á sí mbéndá Elōg-Yúda,

Timotéo 1 3:16

Kɔɔ la mbálɛ, mbaŋ nyí ŋyéɓé wáhá ɛ lɛ̄ écɛ̄ŋ. Yɔ nɛ́ ɛ lɛ nɛ́: Yésus Kilístus nyɔ́ a sɔ́ la nyuú nyí mut-a-binam, M̀búl Mpúán a étɛ́ ɓɛ́hɛ liɓɛ́ɛg jɛ́ɛ́ lí sim, áŋgɛl ki yú mɛ̄mɛ́ nyɛ, ɔ lɛ̄glɛ́ á yóg ɓot bí ŋgíla ŋyéɓé, ɓot bú yéɓé la nyɛ́ á ŋkɔŋ-á-sí, ɔ ɓét á lōó, ɔ kūh lípēm lí Ɔ́lolómɛ̄.

Elōg-Hébɛl 10:10

Ányúū li yáhɛ lí nsom á Ɔlolómɛ̄ nɛ́ Yésus Kilístus a tí nyúū yɛ́ɛ̄ káa nsúlé ŋgele ya ányúū yɔ́ ɛ́sɛ, náŋ ɔ púɛ́ ɓɛ́hɛ miɓé máhá.

Elōg-Hébɛl 10:5

Ányúū náŋ nɛ́, eceg Nyɔ́-a-Pɔ́hlɛ a ŋgí sɔ́ á ŋkɔŋ-á-sí, a lagléé Ɔlolómɛ̄ nɛ́: «Ɔlɔ́ tɔ̄ vá, wāh somo ɓé nsúlé tɔ likaale, ndí wa vēg ma la nyuú.

Elōg-Hébɛl 11:7

Li kele la ŋyéɓé á Nóa nɛ́ Ɔlolómɛ̄ a yíhɛ́ɛ́ nyɛ́ yé ɛ́ ŋgí nyɛɛ li ɓɔŋɓɛ, yé ɛ́ lɛ́ nɛ mut a ɓɛ́ɛ́ ŋgi lí ɛ́n. La Nóa ɔ nyɔ̄ŋ yéŋ eɓaŋgá Ɔlolómɛ̄ taŋ, la nyɛ́ ɔ óŋ éŋgāgáŋ ɛ́ ŋkúú ányúū li suŋ li m̀biya wɛ́ɛ́. La náŋ, a kūɛhɛ́ɛ ŋkɔŋ-á-sí ŋkál la Ɔlolómɛ̄ ɔ nyɔ̄ŋ nyɛ kaa mut a lɛ sim li oŋle la ŋyéɓé a ɓɛ́ɛ́la.

Elōg-Hébɛl 12:28

Kasig ɓɛ́hɛ bi ŋga kɛ́ li kuh lí líkanʼyɛ jé lí ŋgá kɛ ɓé lí póghan, la náŋ bi tí Ɔlolómɛ̄ mítamlan, bi sálé nyɛ́ átē a esuhɛ-nyuú la ŋkɔnwoŋɛ́, á nyaa ɛ ŋga kɔ́nɛ nyɛ́ mívag.

Elōg-Hébɛl 13:20

Ɔlolómɛ̄ Loó lí nsaŋ, nyɔ́ a pāhyɛ́ Ɛ́tāŋɛ wahá Yésus á nyɛmb, nyɔ́ a lɛ ǹtát mítōmbɛ́ ǹcɛ́ŋ. Li kele la micii mí Yésus nɛ́ ɓaá kuh ésaa-líat á éɓem la eɓem.

Elōg-Hébɛl 2:14

Kasig ɓáŋ ɓɔɔ́n bí lɛ́ ɓot-bí-bínam, bú oŋgɓɛ́ nyaa ya á nyuú la á micii, Yésus ki a yāán kaa ɓɔ́, ɔ púnān la ɓɔ́ á líɓɛ́ɛg lí mut-a-binam. Ányúū náŋ nɛ́, li kele la nyɛmb yɛɛ́, a yáanɛ́ ǹsɔhɔ yɛmɛ́, nyɔ́ a mɓɛ́ a byɛ́ɛ́ ŋguu nyí li óm á nyɛmb.

Yohánɛs 1 4:3

Tɔ nzáá ki a ŋga pún lí páha lí jéŋ liɓɛ́ɛg lí Yésus a sē ɓé nyɔ́ a Ɔlolómɛ̄, a lɛ́ jā ǹlem a Kilístus ányúū yɛ́ɛ̄ nɛ, maná ámblé bíg lɛgɛ nɛ́, ǹlem a Kilístus ag sɔ́, nyí vɔ́ŋɔ́ɔ a nyɛ́g á ŋkɔŋ-á-sí.

Yohánɛs 2 1:7

Átɔm nɛ́ ŋgandag ɓot bí mínaa yá cámān á ŋkɔŋ-á-sí. Bí ŋgá yéɓe ɓé nɛ Yésus Kilístus a sɔ́ kɔɔ la nyúū mut-a-binam. Ɓáŋ ɓot bí lɛ́ ɓot-bí-mínaa la ɓalem-bí-kilístus.